Jenesis 12:3 - Uumeleembaa buŋa tere soomoŋgo gbilia

³ Daeŋ yoŋonoŋ gii kotuegoŋ gombuti, niinoŋ mono ii kotuegoŋ oŋoma laligomaŋa. Daeŋ yoŋonoŋ gii jeŋ qasuaaŋ gombuti, niinoŋ mono ii kaaŋagadeeŋ jeŋ qasuaaŋ oŋoma laligomaŋa. Goojoŋ ama noo kotumotuenanoŋ mono namowaa kanageso tuuŋ kuuya yoŋoo qagianoŋ uro oyaŋboyaŋ mokoloowuya.”

Jenesis 12:3 Iomraidhean Croise

Jenesis 18:18

Kokaembaajoŋ ii mesaŋgomambaajoŋ amamaajeŋ: Aabrahamnoŋ noo alana qaita moŋ. kolooja. Iinoŋ kolooŋ seisei kondooro kanageso somata ku-usuŋgiawo kolooŋ laligowuya. Noo kotumotuenanoŋ mono iwaajoŋ ama namowaa kanageso tuuŋa kuuya yoŋoo qagianoŋ uro oyaŋboyaŋ mokoloowuya.

Jenesis 18:19

Niinoŋ ii kokaembaajoŋ meweeŋgoŋ muwe: Iinoŋ meraborauruta ano gbiliuruta iwaa gematanoŋ kolooŋ laligoŋ ubuti, ii mono Pombaanoŋ kana iŋisaama nanamemeŋ dindiŋa sokomakeji, ii otaawutiwaajoŋ jeŋ kotoŋ oŋoma laligowaa. Kaeŋ laligoro qaaya teŋ koma otaaŋ laligowuti eeŋ, Poŋ niinoŋ Aabrahambaajoŋ iwoi asugiwaatiwaajoŋ jeŋ somoŋgoweti, iikanoŋ mono kuuya hoŋawo kolooŋkebaa.”

Jenesis 22:18

Giinoŋ noo qaana teŋ konjaŋi, iikawaajoŋ goo gbiliuruga yoŋoonoŋga mombaajoŋ ama noo kotumotuenanoŋ mono namowaa kanageso tuuŋ kuuya yoŋoo qagianoŋ uro oyaŋboyaŋ mokoloowuya.”

Jenesis 24:35

Poŋnoŋ somatana honoŋa qaa kotuegoŋ muro eja uuta esuhinawo kolooŋ laligoja. Poŋnoŋ lama ano bulmakao, silwa ano goul, weleŋqeqe eja ano emba ano kamel, doŋgi ii mamaga muro laligoja.

Jenesis 25:11

Aabrahamnoŋ komuro Anutunoŋ meria Aisak kotuegoŋ muŋ laligoro. Iinoŋ Negew balonoŋ apu roŋ qata Ber Lahai Roi (Laaligoyawo laligoŋ niimakejiwaa apu roŋa) iikawaa kosianoŋ rama laligoro. Kiaŋ.

Jenesis 26:29

Nono kakasililiŋ moŋ mende ama goninto, kambaŋ so awaa ama goma gomesaoniŋ luaenoŋ miriga mesaoŋ kema kaŋ laligona. Iikawaa so giinoŋ kaaŋiadeeŋ nono iwoi bologa moŋ mende ama nonoma laligowa.’ Kambaŋ kokaamba Poŋnoŋ kotuegoŋ gono laligojaŋ.”

Jenesis 26:4

Niinoŋ gbiliuruga kolooŋseisei oŋombe jaŋgogianoŋ sombinoŋ seŋgelao rama kenjuti, mono iikawaa so koloowuya. Kaeŋ aŋgi baloŋ kuuya koi ii oŋoo buŋaga qeŋ oŋomaŋa. Goo gbiliuruga yoŋoonoŋga mombaajoŋ ama noo kotumotuenanoŋ mono namowaa kanageso tuuŋ kuuya yoŋoo qagianoŋ uro oyaŋboyaŋ mokoloowuya.

Jenesis 27:29

Kantria kantria yoŋonoŋ mono weleŋ qeŋ goma laligowu. Kanageso tuuŋa tuuŋa yoŋonoŋ mono simiŋ kuma goma laligowu. Giinoŋ mono geeŋgaa daremunuruga yoŋoo eja poŋgia kolooŋ laligowa. Nemuŋgaa merauruta yoŋonoŋ mono simiŋ kuma goma laligowu. Moŋnoŋ qasuaaŋ gombaati, qasumasuaanoŋ mono iwaa qaganoŋ ubaa. Moŋnoŋ kotuegoŋ gombaati, kotumotuenoŋ mono iwaa qaganoŋ ubaa.” Kiaŋ.

Jenesis 28:14

Goo gbiliuruga yoŋonoŋ kolooŋ seisei aŋgi jaŋgogianoŋ namowaa sububuŋ kaaŋa koloowaa. Kaeŋ kolooro juma deema baloŋ weeŋ koukoutanoŋ ano kemekemetanoŋ, Saut ano Noot lee lee, eu ano emu iikanoŋ baageŋ sokoma kema laligowu. Goojoŋ ama goo gbiliuruga yoŋoonoŋga mombaajoŋ ama noo kotumotuenanoŋ mono namowaa kanageso tuuŋ kuuya yoŋoo qagianoŋ uro oyaŋboyaŋ mokoloowuya.

Jenesis 30:27

Kaeŋ ijoro Labanoŋ kokaeŋ jero: “Gii moma qeaŋgoŋ nonjaŋi eeŋ, mono saanoŋ koi laligowa. Poŋnoŋ goojoŋ ama nii kotuegoŋ noma laligoroti, nii unju qewe qaa kaeŋ kolooro mojeŋ.”

Jenesis 30:30

Wala nii koi mende kawe iikanoŋ oro iwoiga mamaga mende eŋ gonoto, iikanoŋ mono nii kawe kambaŋ kanoŋ seiŋ jaasooŋgo kolooju. Nii daeŋgeŋ daeŋgeŋ kema kaweti, iikanoŋ Poŋnoŋ kotuegoŋ gono laligona. Kaeŋ laligonato, nii mono naa kambanoŋ saanoŋ neenaa kanagesouruna naŋgoŋ oŋomambaajoŋ ama gawoŋ iwoi kanaiŋ mewenaga?”

Jenesis 39:5

Miriaa iwoiya ano esuhina buŋaya ii kuuya Joosefnoŋ galeŋ kombaatiwaajoŋ borianoŋ ano laligoroti, Poŋnoŋ kambaŋ iikanoŋadeeŋ kanaiŋ Iijipt eja iwaanoŋ miri iwoiya ii Joosefwaajoŋ ama kotuegoŋ laligoro. Potifarwaa mirianoŋ ano gawoŋanoŋ ilawoilaya kuuya eroti, ii kotumotue qaganoŋ ero.

Matuyuu 25:40

Kaeŋ jegi Kiŋ Poŋnoŋ meleema kokaeŋ iŋijowaa, ‘Niinoŋ qaa hoŋa moŋ kokaeŋ iŋijowe mobu: Oŋo neenaa uumeleeŋ alauruna kamaaŋqeqeta koi yoŋoonoŋga mombaajoŋ iwoi moŋ aŋgiti, ii kuuya mono nii ama noma laligogi.’

Matuyuu 25:45

“Kaeŋ jegi meleema kokaeŋ iŋijowaa, ‘Niinoŋ qaa hoŋa kokaeŋ iŋijowe mobu: Oŋo uumeleeŋ alauruna kamaaŋqeqeta koi yoŋoonoŋga mombaajoŋ iwoi moŋ mende aŋgiti, ii kuuya mono nii mende ama noma laligogi kolooja.’

Luuk 24:27

Kaeŋ irijoŋ Mooses ano gejatootoo ejemba kuuya yoŋonoŋ qaa jegiti, iikanoŋa kanaiŋ iyaŋaa qaa kuuya oogita eji, iikawaa kania jeŋ asariŋ orono.

Room Tere 4:11

Wala eeŋ laligoŋ Anutu moma laariro qaaya jeŋ tegoro solaŋaniro. Kawaa gematanoŋ sokonotiwaa aiweseya ii selianoŋ kotowutiwaajoŋ jero muŋgeŋ aasoya kaaŋa kolooro. Kaeŋ kolooro iwaa gematanoŋ Anutuwaa aiwesenanawo mende laligoŋ moma laariŋ muniŋ momalaarinana iiro sokono qaanana jeŋ tegoro solaŋaniwoŋati, Aabrahamnoŋ kuuya ananaa wanjalenanaga kolooro.

Korint Tere 1 1:30

Anutunoŋ nemuŋ koma oŋoma uŋuano Kraist Jiisaswo qokotaaŋ laligoŋ kotiiŋkeju. Iinoŋ Anutuwaa momakootoya qaita moŋ ninisaano momakejoŋ. Kraistnoŋ dowenana meŋ qaanana jeŋ tegoro solaŋaniŋ laligojoŋ ano tak kotoŋ nonono soraaya koloojoŋ.

Galesia Tere 3:16

Mobu, Anutunoŋ soomoŋgowaa qaaya ii Aabraham ano gbilia moŋ yoroojoŋ jeŋ somoŋgorota eja. Buŋa qaa iikanoŋ “gbiliuruga” mamaga ananaajoŋ tani kaaŋa mende jejato, eja motooŋgowaajoŋ kokaeŋ jeja, “Ii goo gbilinoŋa moŋ ii mumaŋa.” Eja motooŋgo ii Kraist.

Galesia Tere 3:28

Oŋo korebore Kraist Jiisaswo qokotaaŋ naŋgi mindiriŋ oŋono motooŋgo kolooŋ laligoju. Kawaajoŋ Juuda ano kantri tosaaŋa yoŋonoŋ Anutuwaa jaanoŋ tuuŋ woi ii mombo mende kolooju. Iyaŋgiaa gawoŋgia meŋkejuti ano weleŋqeqe omaya koloojuti, Anutunoŋ mono iŋiiro tuuŋ woi mende toroqeŋ kolooju. Ejemba oŋonoŋ Anutuwaa jaanoŋ tuuŋ woi mende toroqeŋ kolooju.

Galesia Tere 3:8

Anutunoŋ walawala areŋa kokaeŋ ano, “Ejemba Juuda qaago yoŋonoŋ nii moma laariŋ noŋgi qaagia jeŋ tegowe solaŋaniwuya.” Areŋa kaeŋ ama iikawaa so Aabrahambaajoŋ Oligaa Buŋa qaa walawala kokaeŋ ijoro, “Goojoŋ ama noo kotuemotuenanoŋ mono namowaa ejemba tuuŋ kuuya yoŋoo qagianoŋ ubaa.” Tosianoŋ qaa ii waladeeŋ iima asariŋ Buŋa qaanoŋ oogi.

Efesus Tere 1:3

Anana Poŋnana Jiisas Kraistwaa Maŋa Anutu mepeseeŋkeboŋa. Iinoŋ anana Kraistwo qokotaaniŋ uunananoŋ qeaŋgowaatiwaajoŋ Siwewaa kotumotueya ano kaleŋa kania kania ii uunananoŋ anota laligoŋ koujoŋ.

Kolosi Tere 3:11

Kawaajoŋ anana Juuda me kantri tosiaa ejemba laligojoŋi, ii mono so motooŋgo koloojoŋ. Anutuwaa aiweseya selenananoŋ kotogi me qaago, ii kileŋ Anutuwaa jaanoŋ so motooŋgo koloojoŋ. Taoŋ ejemba momogiawo me qandaya (bus kanaka) laligoŋ iyaŋgiaa qaagianoŋ irikawaraka jeŋ poumapou laligojuti ii kileŋ Kraistnoŋ uunananoŋ nano motooŋgo koloojoŋ. Ananaa gawonana meŋkejoŋi me tourunana ii tawaya qaa eeŋ weleŋ qeŋ oŋomakejoŋi, iikanoŋ iwoi qereweŋa koloojato, hoŋaboŋa ii Kraist. Iinoŋ mutulaŋgoŋ kuuya nunuuguŋ uma Kiŋ Poŋnana uuta motooŋgo kolooja.

Isaisaaŋ 7:9

Kawaa gematanoŋ tuuŋ jeta booroŋgoya jaŋgogia mende weeŋweeŋgoyaa so ii iŋiibe. Ejemba ii tuuŋgiaa so, beŋsakoŋ isigiaa so, kantrigiaa so ano qaa aro jejegiaa so ajorooŋ jiŋkaroŋ duŋ ano Lama meria yoroo bagaranoŋ naŋgi. Iikanoŋ nama maleku koriga taaŋa kotogoŋ aogi kemero borogianoŋ tombi seŋa boriawo meŋ naŋgi.