Jenesis 11:3 - Uumeleembaa buŋa tere soomoŋgo gbilia

³ Kanoŋ rama iyaŋgiodeeŋ kokaeŋ amiŋ mogi: “Mono kawu. Anana mono gbakoŋ meŋ mozozoŋgoŋ gerenoŋ ooniŋ kotakota koloowaa.” Kaeŋ jeŋ miri sopaya mewombaajoŋ jamo kowonjiŋ qaagoto, birik ama batugianoŋ namo saposapo qandoŋ kaaŋa aŋgi iikanoŋ birik ii mokotaaŋ oŋono.

Jenesis 11:3 Iomraidhean Croise

Jenesis 11:4

Gawoŋ kaeŋ meŋ toroqeŋ kokaeŋ jegi: “Mono kawu. Anana mono ananaajoŋ siti moŋ meŋ iikanoŋ miri koriga totooŋ (taua) meniŋ waareŋanoŋ sombiŋ oosiriwaa. Kaeŋ oosiriro mende deeŋqeema baloŋ kuuya sokoma laŋ kema laligowombotiwaajoŋ mono anana qabuŋananawo koloowoŋa.”

Jenesis 11:7

Ayo, anana mono balonoŋ kemeŋ qaagia meŋ sooniŋ tuuŋ moŋ yoŋonoŋ tuuŋ tosia yoŋoo qaagia mende moma asariŋ laligowu.”

Jenesis 14:10

Kaeŋ aroŋ qegito, Sidim baloŋ dondooŋa kanoŋ roŋ resa saposapoyawo kanoŋ saa qeŋ raro. Kaeŋ raro Sodom ano Gomora taoŋ yoroo kiŋ poŋgianoŋ manjaqeqe ejaurugara yoŋowo unjurama kemaligi eja tosianoŋ roŋ iikanoŋ ritooŋ kemeŋ uŋuro. Kaeŋ uŋuro alaurugia tosaaŋa kuuya yoŋonoŋ oloŋ koma unjurama baloŋ baaŋawo kanoŋ ugi.

Hibruu Tere 10:24

Uujopa ano nanamemeŋ awaa ambombaajoŋ mono uukuukuu meŋ naŋgoŋ aoŋ laligowoŋa. Kaaŋa laligowombaajoŋ mono pondaŋ galeŋ meŋ aoŋ laligowoŋa.

Hibruu Tere 3:13

Kaeŋ qaagoto, siŋgisoŋgowaa aŋgomokoloŋanoŋ tiligoŋ oŋono iikanoŋ oŋoonoŋga mombaa uuta gojombabotiwaajoŋ mono weeŋ so batugianoŋ uugia kuuŋ aoŋ laligowu. “Kete” qaa ii jeŋkejoŋi, iikawaa so mono joloŋgoŋ aoŋ laligowu.

Jeimswaanoŋ Tere 4:13

Mono geja ambu! Tosaaŋa oŋo selegia meŋ uma kokaeŋ jeŋkeju, “Nono kete me woraŋ koi mesaoŋ taoŋ ii me ii kanoŋ kema koŋkororo ama moneŋ somata horoŋ gbani motooŋgo laligoniŋ tegoro kanoŋga eleema kawoŋa.” Niinoŋ kawaajoŋ kokaeŋ iŋijowe mobu:

Jeimswaanoŋ Tere 5:1

Oo ejemba esuhinagiawo, oŋo mono geja ama qaana koi mobu: Kakasililiŋ siimbobolo qagianoŋ ubaati, iikawaajoŋ mono amburereŋ ama qama silama saabu.