Isaisaaŋ 8:8 - Uumeleembaa buŋa tere soomoŋgo gbilia

⁸ Gajoba woiya iinoŋ waama romoŋa qaita moŋ uuro. Ii uuro moŋnoŋ baaŋa somata gere jejeta tani kaaŋa (wolkeino) iwoi ii giliro kowenoŋ kemero. Kemeŋ kowe mero kowewaa bakaya karooŋ iikanoŋga moŋnoŋ meleema sa kolooro.

Isaisaaŋ 8:8 Iomraidhean Croise

Maak 11:23

Niinoŋ qaa hoŋa moŋ kokaeŋ iŋijowe mobu, “Moŋnoŋ qaayaa hoŋa koloowaatiwaajoŋ uuwoi mende moma baaŋa kokawaa toyaajoŋ kokaeŋ jeŋ kotonaga, ‘Mono baaŋa koi qetegoŋ waama kema kowenoŋ amba.’ Kaeŋ jeŋ kotoŋ Anutu moma laariro hoŋa mono iikawaa so koloowaa.

Isaisaaŋ 11:6

Sombimbaa koosuya somoŋgowaotiwaa ku-usuŋa ii yoroonoŋ ero gejatootoo qaa jeŋ seiwaoti, kambaŋ iikawaa so koŋ mende kiwaa. Ku-usuŋgaranoŋ apu jaaya kuuya kaaŋiadeeŋ sokono iikanoŋ saanoŋ apu kuuya meleeŋgi sa koloowuya. Kaaŋiadeeŋ ku-usuŋgaranoŋ uuta ejiwaajoŋ ama siiŋgaranoŋ jewaatiwaa so saanoŋ jegi lombo kanjaŋawo kania kania kolooŋ namo meŋ boliŋ ejemba uŋuŋkebuya.

Isaisaaŋ 12:4

Jewenaŋ nemuŋa iikanoŋ daayanoŋ sombiŋ qewagoŋ seŋgelao iyoŋoonoŋga bakaya karooŋ horoŋ giliro namonoŋ kamaagi. Kamaagi emba iyaŋa mera memambaajoŋ anoti, iwaa batanoŋ nano. Kaeŋ nama meria mewaati, ii iikanondeeŋ gogomambaajoŋ moro.

Isaisaaŋ 8:7

Gajoba mutuyanoŋ waama romoŋa qaita moŋ uuro. Ii uuro kombo (ais) kota ano gere bolaŋa ii koŋ kaaŋa kolooŋ sawo gajugogi moŋnoŋ ii maaro motooŋ namonoŋ kamaaro. Iikanoŋ geriawo kamaaŋ balonoŋ qero namowaa bakaya karooŋ ii gerenoŋ jedabororo. Duuyaa geria iikawaa bakagia karooŋ ii gerenoŋ jedaborogi ano gbojoja seŋa toŋgoŋa ii kuuya gerenoŋ jeŋ jedabororo.

Isaisaaŋ 9:15

Anutunoŋ gajoba 4 ii somoŋgoŋ oŋoma gbadonoŋ rabutiwaa gbanigia, koiŋgia, weeŋgia ano aua kambaŋgia ii tororo areŋgoŋ oŋono ragi. Yoŋonoŋ kambaŋgia ii kaŋ kuuro iikanondeeŋ ejemba kantria kantria yoŋoo bakaya karooŋ ii uŋuwombaajoŋ jojoriŋ rama kambaŋgiaajoŋ mamboŋgi. Kawaajoŋ Siwe gajoba 6:yanoŋ alatanoŋga qa moma iikanondeeŋ kema gajoba 4 ii isama oŋono.

Isaisaaŋ 9:18

Hoos yoŋoo qaa oogianoŋga gere, kaaso ano gere jamo qata salfa kamaaroti, iikanoŋ mono ejembaya ejembaya uŋuro. Hoos yoŋoo ku-usuŋgia ii qaa oogianoŋ ano daagianoŋ ero. Daagia ii mokoleŋ kaaŋa koloogi daa susugia ii jetawo. Daa susugia jetawo iikanoŋ mono ejemba ooli kaaŋa oŋootiŋkeju. Lombo kanjaŋawo karooŋ ii namowaa ejemba kuuya yoŋoo bakagia karooŋ ii uŋuro komugi.