Isaisaaŋ 8:7 - Uumeleembaa buŋa tere soomoŋgo gbilia

⁷ Gajoba mutuyanoŋ waama romoŋa qaita moŋ uuro. Ii uuro kombo (ais) kota ano gere bolaŋa ii koŋ kaaŋa kolooŋ sawo gajugogi moŋnoŋ ii maaro motooŋ namonoŋ kamaaro. Iikanoŋ geriawo kamaaŋ balonoŋ qero namowaa bakaya karooŋ ii gerenoŋ jedabororo. Duuyaa geria iikawaa bakagia karooŋ ii gerenoŋ jedaborogi ano gbojoja seŋa toŋgoŋa ii kuuya gerenoŋ jeŋ jedabororo.

Isaisaaŋ 8:7 Iomraidhean Croise

Jeimswaanoŋ Tere 1:11

Weeŋnoŋ kouma bura jeŋ kotoro qararaŋgoŋ sooliŋ jurayanoŋ suma kamaaŋkeja. Jurayanoŋ kamaaro batuyaa kaitania iimasiiŋsiiŋawo kanoŋ titiikota kolooŋkeja. Qabuŋagiawo yoŋonoŋ esuhinagia meŋ seiwombaajoŋ ewaewaŋ komakejuto, laligoŋ bura kaaŋa gororoŋgowuya. Kiaŋ.

Piitowaanoŋ Tere 1 1:24

Qaa iikawaa kania ii Buŋa Terenoŋ kokaeŋ oogita eja: “Ejemba kuuya oŋo mono gbojoja lolo tani kaaŋa kolooju. Akadamugia kuuya ii juraya asasagagiawo tani kaaŋa kolooja. Gbojoja lolonoŋ mono sooliŋ gororoŋgogi juragianoŋ boratiŋ tegoqegoŋ kamaawuya.

Isaisaaŋ 12:4

Jewenaŋ nemuŋa iikanoŋ daayanoŋ sombiŋ qewagoŋ seŋgelao iyoŋoonoŋga bakaya karooŋ horoŋ giliro namonoŋ kamaagi. Kamaagi emba iyaŋa mera memambaajoŋ anoti, iwaa batanoŋ nano. Kaeŋ nama meria mewaati, ii iikanondeeŋ gogomambaajoŋ moro.

Isaisaaŋ 16:2

Siwe gajoba mutuyanoŋ mesaoŋ kema qambiaa hoŋa ii namonoŋ maaro. Maaro wiji arokuukuuyawo siimbobologia tania soosooya ii qaa qootogo ejemba yoŋoo selegianoŋ asugiro. Ejemba jeŋnembawaa muŋgeŋ aasoya selegianoŋ meŋ uŋayaa waeya meŋ mepeseegiti, mono iyoŋoo selegianoŋ asugiro.

Isaisaaŋ 16:21

Kaeŋ asugiro kombo kota somata lombogia 45 kilogram iikanoŋ sombinoŋga ejemba qagianoŋ kamaaro. Lombo kanjaŋawo ii tania soosooya kolooro. Koŋ kota taniŋaaŋ iikaaŋa kanoŋ kamaaŋ uŋuro ejembanoŋ iikawaajoŋ Anutu jeŋ qasuaaŋ mugi. Kiaŋ.

Isaisaaŋ 6:8

Kaeŋ jero iikanondeeŋ hoos moŋ selia googookota ano tootooyawoga asugiro iibe. Hoos iikawaa qaganoŋ rarotiwaa qata ii koomuwaa kondomondoo Toya. Iwaa kosianoŋ koomu gomaŋ Toyanoŋ kaaŋiadeeŋ ii otaaŋ karo. Namo mendeeŋgi bakaya 4 eroti, iikanoŋga mombaa ejembaya ii galeŋ koma oŋombotiwaa ku-usuŋa ii Anutunoŋ orono. Ku-usuŋ ii orono ku-usuŋgaranoŋ namowaa ejemba bakaya ii kokaeŋ meŋ komuŋ oŋoni: Tosianoŋ soo somatanoŋ (bainat) aoŋ komugi. Tosianoŋ bodinoŋ komugi. Ji kanjaŋawonoŋ tosaaŋa iŋiro komugi ano tosaaŋa ii balombaa oro kawalia yoŋonoŋ iŋigi komugi. Kiaŋ.

Isaisaaŋ 7:1

Kawaa gematanoŋ Siwe gajoba 4 iŋiibe namowaa waŋgoŋa 4 iikanoŋ naŋgi. Yoŋonoŋ namowaa haamo Toya waŋa 4 ii somoŋgoŋ aŋgoŋ koma oŋoŋgi. Haamonoŋ namo qaganoŋ me kowe qaganoŋ gere moŋnoŋ laŋ qewabotiwaajoŋ mono Toya 4 ii borogianoŋ meŋ somoŋgoŋ naŋgi.

Isaisaaŋ 9:15

Anutunoŋ gajoba 4 ii somoŋgoŋ oŋoma gbadonoŋ rabutiwaa gbanigia, koiŋgia, weeŋgia ano aua kambaŋgia ii tororo areŋgoŋ oŋono ragi. Yoŋonoŋ kambaŋgia ii kaŋ kuuro iikanondeeŋ ejemba kantria kantria yoŋoo bakaya karooŋ ii uŋuwombaajoŋ jojoriŋ rama kambaŋgiaajoŋ mamboŋgi. Kawaajoŋ Siwe gajoba 6:yanoŋ alatanoŋga qa moma iikanondeeŋ kema gajoba 4 ii isama oŋono.

Isaisaaŋ 9:18

Hoos yoŋoo qaa oogianoŋga gere, kaaso ano gere jamo qata salfa kamaaroti, iikanoŋ mono ejembaya ejembaya uŋuro. Hoos yoŋoo ku-usuŋgia ii qaa oogianoŋ ano daagianoŋ ero. Daagia ii mokoleŋ kaaŋa koloogi daa susugia ii jetawo. Daa susugia jetawo iikanoŋ mono ejemba ooli kaaŋa oŋootiŋkeju. Lombo kanjaŋawo karooŋ ii namowaa ejemba kuuya yoŋoo bakagia karooŋ ii uŋuro komugi.

Isaisaaŋ 9:4

Ii oŋono Anutunoŋ kokaeŋ jeŋ kotoŋ oŋono, “Oŋo mono namowaa iwoi toŋgoŋa gbojoja me gere kaaŋa ii mende tiwilaaŋ oŋombuto, ejemba wambusooŋgianoŋ Anutuwaa muŋgeŋ aasogia qaa iyoŋogadeeŋ mono meŋ boliŋ oŋombu.” Kaeŋ jeŋ kotoŋ oŋono.