Isaisaaŋ 8:2 - Uumeleembaa buŋa tere soomoŋgo gbilia

² Kaeŋ kolooro Siwe gajoba 7 Anutuwaa batanoŋ nanjuti, ii iŋiibe moŋnoŋ romoŋ qaita moŋ (biugel) 7 ii borogianoŋ oŋono.

Isaisaaŋ 8:2 Iomraidhean Croise

Matuyuu 18:10

“Ejemba melaa koi yoŋoonoŋga moŋ meŋ kamaaŋ mububotiwaajoŋ mono galeŋgia mewu. Niinoŋ qaa kokaeŋ iŋijowe mobu: Yoŋoo kokojiji gajobaurugianoŋ Siwe gomaŋ iikanoŋ noo Siwe Amanaa kosianoŋ laligoŋ jaasewaŋa suulaŋ iimakeju. Kawaajoŋ jejewili mono mende ama oŋombu.

Matuyuu 24:31

Karo iigi romoŋ qaita moŋ uugi otoŋa kotakota mogi Siwe gajobauruta wasiŋ oŋono yoŋonoŋ ejemba Anutunoŋ iyaŋaajoŋ meweeŋgoŋ oŋonoti, ii baloŋ goraaya teetee eugeŋ emugeŋ iikanoŋa kopepereeŋ oŋoma uŋuambuya. Kiaŋ

Luuk 1:19

Kaeŋ jero meleeno, “Nii Geibriel. Niinoŋ Anutuwaa wambu-sooŋanoŋ nambe wasiŋ nono buju awaa koi meŋ kaŋ gijowe mojaŋ.

Luuk 21:36

“Kawaajoŋ mono kambaŋ so uugbili laligoŋ qama kooliŋ laligowu. Kaeŋ laligogi esuŋ oŋono iwoi kuuya ii koloowaati, iikawaa uutanoŋga kok koma mono Siwe gomambaa Eja hoŋaa jaasewaŋanoŋ awasaŋkaka nambuya.” Kiaŋ.

Korint Tere 1 15:52

Anutunoŋ koomuya meŋ gbiliŋ oŋono romoŋ qaita moŋ konoganoŋ qaro iikanoŋ waagi anono bilisik ano uulaŋawodeeŋ letomboŋa. Wala komugiti, iyoŋonoŋ mono mombo mende komuwu.

Tesalonaika Tere 1 4:16

Iikawaa areŋa ii kokaeŋ: Anutunoŋ romoŋa qaita moŋ uuro otoŋa kolooro Siwe gajoba waŋanoŋ jeŋkooto qa qaro ejembanoŋ otoŋa mogi Poŋ aŋo Siwenoŋga kamaawaa. Kraistnoŋ kamaaro ii moma laariŋ muŋ komugiti, iyoŋonoŋ mono wala koomunoŋga waabuya.

Isaisaaŋ 1:4

Jon niinoŋ Eisia prowinswaa zioz tuuŋ 7 oŋoojoŋ kokaeŋ oojeŋ: Moŋnoŋ kotiiŋ laligoji, monowaa monoyanoŋga laligoŋ kouroti, ano mombo eleema koubaati, iinoŋ mono kaleŋmoriaŋ oŋono luaenoŋ laligowu. Kaaŋiadeeŋ Anutuwaa uŋa waŋa 7 iwaa jiŋkaroŋ duŋ batanoŋ nanjuti, iyoŋonoŋ mono kaleŋmoriaŋ oŋoŋgi luaenoŋ laligowu.

Isaisaaŋ 11:15

Siwe gajoba 7:ŋa iinoŋ romoŋa qaita moŋ (biugel) uuro. Ii uuro Siwenoŋ qaa kotakotagadeeŋ amiŋ mogi qagia mobe kokaeŋ jegi, “Ayo, ananaa Poŋnana ano iwaa Hamoqeqe Toya Kraist yoronoŋ mono namo kuuya galeŋ koma oŋombaotiwaa ku-usuŋa ii kuuya buŋa qeŋ aojao. Iinoŋ mono kambaŋa kambaŋa galeŋ koma oŋoma laligowaa, ee-aa-ee. Galeŋkoŋkoŋanoŋ mono kambaŋ moŋnoŋ mende tegowaa, ee-aa-ee.”

Isaisaaŋ 15:1

Kawaa gematanoŋ siwe uutanoŋ uuŋ aŋgoleto somata moŋ kolooro iima kokaeŋ waliŋgowe: Siwe gajoba 7 ii lombo kanjaŋawo (plague) 7 meŋ naŋgi. Ejemba siŋgisoŋgogiaajoŋ Anutuwaa iriŋa soono jeŋ tegoŋ iroŋa meleeno lombo kanjaŋawo qagianoŋ uro mogi uutanoŋ olomooro qaagianoŋ komuwaa. Kawaajoŋ qagia lombo kanjaŋawo konoga 7 qagi.

Isaisaaŋ 16:1

Mepemepesee jigo (tempel) uutanoŋga qa somata moŋ asugiro Siwe gajoba 7 yoŋoojoŋ qaa kokaeŋ jeŋ kotoro mobe, “Oŋo kema Anutuwaa iriŋsoŋsooŋanoŋ qambi 7 qaa ootanoŋ kouma eji, iikawaa hoŋgia mono namonoŋ maabu.”

Isaisaaŋ 8:13

Kaeŋ kolooro eu uuŋ tuu kooŋ moŋ iima mobe kanakeewaŋanoŋ eu elelaoŋ sombiŋ biiwianoŋ kotoŋ kaŋ kotakotagadeeŋ qama kokaeŋ jero, “Oo ejemba namonoŋ laligojuti, Siwe gajoba karooŋ yoŋonoŋ mono toroqeŋ romoŋgia qaita moŋ uuwombaajoŋ anju. Romoŋ karooŋ iikawaa otoŋgia mogi lombo kanjaŋawo karooŋ koloowaati, iikawaajoŋ mono qama wanjinjiŋgoŋ ‘Yei! Yei! Yei!’ jeŋ saajeŋ.” Kiaŋ.

Isaisaaŋ 8:6

Siwe gajoba 7 romoŋgia qaita moŋ (biugel) megiti, iyoŋonoŋ ii uubombaajoŋ jojorigi.

Isaisaaŋ 9:1

Siwe gajoba 5:ya iinoŋ romoŋa qaita moŋ (biugel) uuro iibe sombinoŋga seŋgelao moŋ tegoŋ namonoŋ kamaaro. Kamaaro moŋnoŋ omejiilaŋ yoŋoo roŋ dusiita qaa iikawaa kii meria ii seŋgelao Toya muro.