Isaisaaŋ 8:10 - Uumeleembaa buŋa tere soomoŋgo gbilia

¹⁰ Gajoba karooŋanoŋ waama romoŋa qaita moŋ (biugel) uuro. Ii uuro seŋgelao somata kiwa bolaŋ kaaŋa tani jeŋ sombinoŋga tegoŋ kamaaro. Kamaaŋ koma namowaa apu gowoya uŋuŋ iikawaa bakaya karooŋ iikanoŋa moŋ ano apu jaaya kuuya ii sokoma oŋono.

Isaisaaŋ 8:10 Iomraidhean Croise

Matuyuu 25:1

Jiisasnoŋ jero, “Mombo kamaŋati, kambaŋ iikanoŋ Siwewaa bentotoŋa ii kokaeŋ koloowaa: Maraŋ lombaŋ kambaŋanoŋ emba saraŋ jumuŋa ten yoŋonoŋ ‘Eja buŋawo aitoŋgowoŋa,’ jeŋ kiwagia meŋ kananoŋ keŋgi.

Luuk 10:18

Kaeŋ jegi Jiisasnoŋ meleeno, “Niinoŋ Satan aagogi Siwenoŋga luguŋ oobili kaaŋa hagoŋ kemero iibe.

Juudawaanoŋ Tere 1:13

Yoŋonoŋ kowe siri usuŋawo kaaŋa laŋ qindiiŋgi nanamemeŋgia gamuyawo iikanoŋ kokopa godomaruruyawo kaaŋa asuganoŋ asugiŋkeja. Seŋgelao tosia kanagia soŋgiŋ laŋ kamaaŋkejuti, yoŋonoŋ mono iikawaa so jiŋjauŋ qeŋkeju. Seŋgelao iikawaa so kamaaŋ Anutunoŋ yoŋoojoŋ paŋgamaŋ ziwiziwiwaa uutanoŋ mirigia areŋgoroti, mono dutanoŋ emukanoŋ kemeŋ kambaŋ tetegoya qaa rama ubuya.

Isaisaaŋ 1:20

Seŋgelao 7 boro dindinanoŋ rajuti ano lambewaa duŋ rara goulnoŋ memeta 7 iijaŋi, iikawaa kanagia aasaŋgoya ii kokaeŋ: Seŋgelao 7 ii zioz tuuŋ 7 yoŋoo gajoba galeŋgiaa sare kolooju. Lambewaa duŋ rara goulnoŋ memeta 7 iikanoŋ mono zioz tuuŋ 7 iyoŋoo saregiaga kolooja.” Kiaŋ.

Isaisaaŋ 12:4

Jewenaŋ nemuŋa iikanoŋ daayanoŋ sombiŋ qewagoŋ seŋgelao iyoŋoonoŋga bakaya karooŋ horoŋ giliro namonoŋ kamaagi. Kamaagi emba iyaŋa mera memambaajoŋ anoti, iwaa batanoŋ nano. Kaeŋ nama meria mewaati, ii iikanondeeŋ gogomambaajoŋ moro.

Isaisaaŋ 14:7

Kaŋ kotigagadeeŋ silama kokaeŋ qaro, “Anutunoŋ ejemba gosiŋ jeŋ tegoŋ oŋombaatiwaa kambaŋanoŋ mono toriŋ dodowija. Kawaajoŋ oŋo mono Anutuwaa jeta uuguwombotiwaajoŋ keegia moma mepeseeŋ qabuŋaya meŋ seiwu. Moŋnoŋ siwe, namo, kowe ano apu jaaya mokolooŋ oŋonoti, mono iwaa waeya meŋ mepeseeŋ laligowu.”

Isaisaaŋ 16:4

Siwe gajoba karooŋanoŋ qambiaa hoŋa ii apu gowoya ano apu jaaya kanoŋ maaro meleema sa kolooŋ sokono.

Isaisaaŋ 6:13

Kaeŋ kolooro seŋgelao sombinoŋ ejuti, iyoŋonoŋ namonoŋ kamaagi. Neqaŋ kota gooriŋ ragi haamo kotiganoŋ qeŋ utugoŋ memburatiro kamaaŋkejuti, mono iikawaa so boratiŋ namonoŋ tata bobolo kamaagi.

Isaisaaŋ 8:7

Gajoba mutuyanoŋ waama romoŋa qaita moŋ uuro. Ii uuro kombo (ais) kota ano gere bolaŋa ii koŋ kaaŋa kolooŋ sawo gajugogi moŋnoŋ ii maaro motooŋ namonoŋ kamaaro. Iikanoŋ geriawo kamaaŋ balonoŋ qero namowaa bakaya karooŋ ii gerenoŋ jedabororo. Duuyaa geria iikawaa bakagia karooŋ ii gerenoŋ jedaborogi ano gbojoja seŋa toŋgoŋa ii kuuya gerenoŋ jeŋ jedabororo.

Isaisaaŋ 9:1

Siwe gajoba 5:ya iinoŋ romoŋa qaita moŋ (biugel) uuro iibe sombinoŋga seŋgelao moŋ tegoŋ namonoŋ kamaaro. Kamaaro moŋnoŋ omejiilaŋ yoŋoo roŋ dusiita qaa iikawaa kii meria ii seŋgelao Toya muro.

Isaisaaŋ 9:15

Anutunoŋ gajoba 4 ii somoŋgoŋ oŋoma gbadonoŋ rabutiwaa gbanigia, koiŋgia, weeŋgia ano aua kambaŋgia ii tororo areŋgoŋ oŋono ragi. Yoŋonoŋ kambaŋgia ii kaŋ kuuro iikanondeeŋ ejemba kantria kantria yoŋoo bakaya karooŋ ii uŋuwombaajoŋ jojoriŋ rama kambaŋgiaajoŋ mamboŋgi. Kawaajoŋ Siwe gajoba 6:yanoŋ alatanoŋga qa moma iikanondeeŋ kema gajoba 4 ii isama oŋono.

Isaisaaŋ 9:18

Hoos yoŋoo qaa oogianoŋga gere, kaaso ano gere jamo qata salfa kamaaroti, iikanoŋ mono ejembaya ejembaya uŋuro. Hoos yoŋoo ku-usuŋgia ii qaa oogianoŋ ano daagianoŋ ero. Daagia ii mokoleŋ kaaŋa koloogi daa susugia ii jetawo. Daa susugia jetawo iikanoŋ mono ejemba ooli kaaŋa oŋootiŋkeju. Lombo kanjaŋawo karooŋ ii namowaa ejemba kuuya yoŋoo bakagia karooŋ ii uŋuro komugi.