Isaisaaŋ 4:7 - Uumeleembaa buŋa tere soomoŋgo gbilia

⁷ Beŋ jawiŋa mutuyanoŋ laion kaaŋa kolooro. Alianoŋ bulmakao ejia kaaŋa kolooro. Alagara mombaa kaitania ii eja jaasewaŋaa tani kolooro. Alagia 4:yanoŋ tuu kooŋ elelaoŋkeji, iwaa taniŋaaŋ kolooro.

Isaisaaŋ 4:7 Iomraidhean Croise

Jenesis 49:9

Oo Juuda, giinoŋ laion gbaworoya kaaŋa laligojaŋ. Oo merana, gii borojaŋ meŋ oro qeŋ neŋ laligoŋ iikanoŋadeeŋ eleema kajaŋ. Iinoŋ laion kaaŋa selia ama qetetereeŋ laion embia kaaŋa kamaaŋ koma eŋkeja. Kuuyanoŋ ii kawali kolooŋ utuŋ mondowombaajoŋ keegia momakeju.

Korint Tere 1 14:20

Uumeleeŋ alauruna, oŋo qaa gosiŋ romoŋgoŋkejuti, iikanoŋ mono naamade tani mesaoŋ ejemba somata yoŋoo tani kolooŋ romoŋgoŋ laligowu. Bologa amboŋa jegi iikanoŋ mono merasiisii kaaŋa kolooŋ amamaawuto, momakootogianoŋ mono ejemba somata kolooŋ laligowu.

Isaisaaŋ 4:6

Kaaŋiadeeŋ jiŋkaroŋ jake batanoŋ iwoi bilibiliawo kowe kaaŋa ero iibe. Ii kaaro jokaŋa jokaŋa kokobilibiligiawo meleema asariŋkejuti, mono iikawaa so asariro. Jake biiwianoŋ duŋ liligoŋ beŋ jawiŋuruta 4 naŋgi. Gemagia ano wosogia ii jaagiagadeeŋ sokono naŋgi.

Isaisaaŋ 6:3

Lama merianoŋ muŋgeŋ aaso (siil) woiya menjurama kotuno beŋ jawiŋuruta yoŋoonoŋga woiya iinoŋ qaa kokaeŋ jero mobe, “Mono asugiŋ kawa!”

Isaisaaŋ 6:5

Lama merianoŋ muŋgeŋ aaso (siil) karooŋa menjurama kotuno beŋ jawiŋuruta yoŋoonoŋga karooŋa iinoŋ qaa kokaeŋ jero mobe, “Mono asugiŋ kawa!” Kaeŋ jero iikanondeeŋ hoos injaŋa moŋ asugiro iibe. Eja moŋ hoos iikawaa qaganoŋ raroti, iinoŋ hinawaa biŋa gosiwoŋatiwaa kedaya (skeil) ii borianoŋ meŋ raro.

Isaisaaŋ 6:7

Lama merianoŋ muŋgeŋ aaso (siil) 4:ya menjurama kotuno beŋ jawiŋuruta 4:yanoŋ qaa jero otoŋa kokaeŋ mobe, “Mono asugiŋ kawa!”