Isaisaaŋ 4:2 - Uumeleembaa buŋa tere soomoŋgo gbilia

² Kaeŋ nijoro iikanondeeŋ Uŋa Toroyanoŋ turuŋ nono umbeumbeŋanoŋ qananoŋ uro iwoi kokaeŋ iibe: Siwe gomaŋ uutanoŋ jiŋkaroŋ duŋ ero moŋnoŋ iikanoŋ raro.

Isaisaaŋ 4:2 Iomraidhean Croise

Matuyuu 22:43

Ijogi moma iŋijoro, “Kaeŋ koloojato, nomaeŋ ama Uŋa Toroyanoŋ Deiwid sololooŋ muro iwaajoŋ ‘Neenaa Poŋna,’ qama kokaeŋ jero,

Hibruu Tere 8:1

Qaa jejoŋi, iikawaa qaa kota waŋa ii kokaeŋ: Anana jigo gawoŋ galeŋ waŋnanawo koloojoŋ. Waŋnana iinoŋ Siwe gomanoŋ uma Uutanana iwaa jiŋkaroŋ duŋ rara kooroŋanoŋ boro dindiŋanoŋ raja.

Isaisaaŋ 1:10

Pombaa sonda kendoŋ rara kambaŋ moŋnoŋ Uŋa Toroyanoŋ turuŋ nono umbeumbeŋanoŋ qananoŋ uro gemananoŋga qa somata moŋ mobe. Qa otoŋa ii romoŋ qaita moŋ (biugel) qaji, iikawaa taniŋaeŋ kolooro.

Isaisaaŋ 12:5

Emba iikanoŋ mera ejaga mero. Iinoŋ kantria kantria kuuya aeŋ taa gbarunoŋ galeŋ koma oŋoma laligowaa. Embanoŋ mera meroti, gajobanoŋ ii mono iikanondeeŋ uulaŋawo meŋ kema Anutuwaa jiŋkaroŋ duŋ kooroŋanoŋ ano.

Isaisaaŋ 17:3

Kaeŋ jero Uŋa Toroyanoŋ nunuano umbeumbeŋanoŋ qananoŋ uro Siwe gajoba iikanoŋ nuano baloŋ qararaŋkoŋkoŋanoŋ keube. Iikanoŋ keuma emba moŋ jeŋnemba oso popolaŋ iwaa qaganoŋ raro iibe. Jeŋnembawaa selianoŋ mepaqepae qa kania kania oogita saa qero waŋa 7 ano ilia 10 kaeŋ nano.

Isaisaaŋ 19:4

Kaeŋ qama jegi Anutuwaa jotamemeya waŋa 24 ano beŋ jawiŋa 4 yoŋonoŋ mono usugoŋ simiŋ kuma Anutu, jiŋkaroŋ duŋanoŋ rajiwaa waeya meŋ mepeseeŋ kokaeŋ qagi, “Qaa ii oŋanoŋ, haleluya!”

Isaisaaŋ 20:11

Kawaa gematanoŋ jiŋkaroŋ duŋ somata taaŋa ano iikanoŋ raji, ii iibe. Iibe siwe namonoŋ iwaa jaasewaŋanoŋga qaoma kemaliri. Kemaliŋ mombo iriiboŋatiwaa so mende koloori.

Isaisaaŋ 21:10

Kaeŋ nijoro Uŋa Toroyanoŋ nono umbeumbeŋanoŋ qananoŋ uro Siwe gajoba iikanoŋ nuano baaŋa koriga qabuŋayawo moŋnoŋ uri. Iikanoŋ uma siti toroya Jerusalem Siwenoŋ Anutuwaa gomanoŋga kamaaroti, ii qendeema nono kokaeŋ iibe:

Isaisaaŋ 21:5

Jiŋkaroŋ duŋanoŋ raji, iinoŋ kokaeŋ nijoro, “Moba, niinoŋ jewe ilawoila kuuya mono koloŋaniro gbilia koloowaa.” Kaeŋ nijoŋ jero, “Qaa ii hoŋa tooŋa uuwoiya qaa, iikawaajoŋ ii mono papianoŋ oowa.”

Isaisaaŋ 3:21

“Niinoŋ aŋgobato bologa kuuya uuguŋ haamo ama Maŋnanoŋ nuano iwaa jiŋkaroŋ duŋanoŋ kamaaŋ kooroŋanoŋ rajeŋ. Kawaa so moŋnoŋ aŋgobato bologa kuuya uuguŋ haamo ambaati, niinoŋ mono ii wambe noo jiŋkaroŋ duŋnanoŋ kamaaŋ kooronanoŋ rabaa.

Isaisaaŋ 4:10

Kaeŋ amakejutiwaa so Anutuwaa jotamemeya 24 yoŋonoŋ kamaaŋ moŋ jiŋkaroŋ duŋnoŋ raji, iwaa jaanoŋ simiŋ kuma usugoŋkeju. Moŋnoŋ kambaŋ tetegoya qaa laligoŋ uma laligowaati, iwaa waeya meŋ mepeseeŋ muŋkeju. Mepeseeŋ muŋ ila wagegia qetegoŋ jiŋkaroŋ duŋ batanoŋ ama kokaeŋ jeŋkeju,

Isaisaaŋ 4:5

Duŋ waŋa iikanoŋa pilisik bilibili jaasooŋgo asariro gbiŋgururuŋ kolooro aro guŋparandambaa otoŋa kaaŋa mobe. Duŋ waŋaa batanoŋ toos kiwa asasaga 7 jeŋ asariŋ naŋgi. Kiwa 7 ii Anutuwaanoŋ uŋa waŋa 7 kolooju.

Isaisaaŋ 4:9

Beŋ jawiŋuruta 4 yoŋonoŋ mepemepesee rii kaeŋ qamakeju. Moŋnoŋ jiŋkaroŋ duŋnoŋ nama kambaŋ tetegoya qaa laligoŋ uma laligowaati, ii akadamu ano qabuŋa muŋ daŋgiseŋ jeŋkeju.

Isaisaaŋ 5:1

Kawaa gematanoŋ tere pipipipiiya moŋ iibe jiŋkaroŋ duŋnoŋ rajiwaa boro dindiŋanoŋ ero. Tere iikawaa seŋa ii leelee kuuya teregadeeŋ ooŋ pipiiŋ saponoŋ ama muŋgeŋ aaso (siil) 7:noŋ koma mokotaagita ero.

Isaisaaŋ 5:13

Kaeŋ qama mepeseegi rii tuuŋ moŋ yoŋonoŋ kokaeŋ qagi mobe: Anutunoŋ laaligowo mokolooŋ oŋonoti, iyoŋonoŋ mono korebore rii qagi mobe. Siwenoŋ laligojuti, namonoŋ laligojuti, koomu gomanoŋ ano kowe qaganoŋ laligojuti, iyoŋonoŋ mono kuuya buugia mindiriŋ rii kokaeŋ qagi, “Jiŋkaroŋ duŋanoŋ raji ano Lama meria nononoŋ oro mepeseeŋ oronjoŋ. Kotumotue Toya oroo qabuŋagara jeŋ somariiŋkejoŋ. Kambaŋ so asamararaŋ oroniŋ ku-usuŋ Toya ii tetegoya qaa laligoŋ ubao.”

Isaisaaŋ 6:16

Iikanoŋ asaŋgoŋ baaŋa Toya ano seŋ sia Toya oŋooma kokaeŋ welema oŋoŋgi, “Oŋo mono baaŋa jeŋ tegogi bagoŋ kaŋ turuŋ nonombu. Jiŋkaroŋ duŋanoŋ raji, iinoŋ jaasewaŋ koma nonombabotiwaajoŋ ama Lama meriaa iriŋsoŋsooŋanoŋ nunuwabotiwaajoŋ mono jeŋ tegogi kojaŋgiŋ nonombu.” Kaeŋ welema oŋoŋgi.