Isaisaaŋ 4:10 - Uumeleembaa buŋa tere soomoŋgo gbilia

¹⁰ Kaeŋ amakejutiwaa so Anutuwaa jotamemeya 24 yoŋonoŋ kamaaŋ moŋ jiŋkaroŋ duŋnoŋ raji, iwaa jaanoŋ simiŋ kuma usugoŋkeju. Moŋnoŋ kambaŋ tetegoya qaa laligoŋ uma laligowaati, iwaa waeya meŋ mepeseeŋ muŋkeju. Mepeseeŋ muŋ ila wagegia qetegoŋ jiŋkaroŋ duŋ batanoŋ ama kokaeŋ jeŋkeju,

Isaisaaŋ 4:10 Iomraidhean Croise

Matuyuu 2:11

Korisoro moma miri uutanoŋ uma mera ano nemuŋa Maria iriigi. Ii iriima simiŋ kuma usugoŋ waeya meŋ mepeseeŋ mugi. Mepeseeŋ muŋ wayaŋgesogia qeŋgama iikanoŋga goul, jiniŋ paora ano sanda qata mor ii unjuma kaleŋ mugi.

Luuk 24:52

Uro korisoro somata moma usugoŋ waeya meŋ mepeseeŋ muŋ Jerusalem eleeŋgi.

Korint Tere 1 15:10

Gamuyawo koloojato, kambaŋ kokaamba iwoi anjeŋi, ii mono Anutuwaa kaleŋmoriaŋanoŋ meŋ letoma nemuŋ koma nono laligojeŋ. Iinoŋ kaleŋmoriaŋa nono lalabubu mende ambe kamaaŋ qeŋ omaya mende kolooroto, niinoŋ mono aposol kuuya uŋuuguŋ haamo ama oŋoma kotiiŋ gawoŋ meŋ laligowe. Ii neeno qaagoto, Anutuwaa kaleŋmoriaŋanoŋ mono inaaŋ nono gawonaa hoŋa kaeŋ kolooŋ seiro.

Isaisaaŋ 10:6

Jojopaŋ qaa jemambaajoŋ boria kaeŋ ama ii jeŋ kotiiŋ ano. Moŋnoŋ Siwe, namo, kowe ano iwoi kuuya iikanoŋ eji, ii mokolooŋ nama kambaŋ so tetegoya qaa kotiiŋ laligoŋ ubaati, mono iwaa qatanoŋ jojopaŋ qaa kokaeŋ jero, “Anutunoŋ mono kambaŋ mombo mende qeŋ koriro ubaa.

Isaisaaŋ 11:16

Kaeŋ jegi mobe Anutuwaa jotamemeya 24 Anutuwaa jaasewaŋanoŋ jiŋkaroŋ duŋgianoŋ rajuti, iyoŋonoŋ mono kamaaŋ usugoŋ Anutu waeya meŋ mepeseeŋ mugi.

Isaisaaŋ 15:4

Oo Poŋ, goonoŋ nanamemeŋga dindiŋa ii mono asuganoŋ asugiro mojoŋ. Kawaajoŋ kantri kuuya yoŋonoŋ kaŋ goo waega meŋ mepeseeŋ gomakeju. Giinoŋ geeŋgodeeŋ toroya koloojaŋ. Kawaajoŋ ama moronoŋ goojoŋ toroko mende monaga? Kuuya nononoŋ goo qabuŋaga meŋ seiŋ mepeseeŋkejoŋ.”

Isaisaaŋ 15:7

Yoŋonoŋ kagi beŋ jawiŋa 4 yoŋoonoŋga moŋnoŋ goul qambi 7 oŋono Anutuwaa iriŋsoŋsooŋanoŋ qambi ii qaa ootanoŋ kougi. Anutu iriŋa sooji, iinoŋ laligoŋ kouma laligoja ano tetegoya qaa laligoŋ ubaa.

Isaisaaŋ 19:4

Kaeŋ qama jegi Anutuwaa jotamemeya waŋa 24 ano beŋ jawiŋa 4 yoŋonoŋ mono usugoŋ simiŋ kuma Anutu, jiŋkaroŋ duŋanoŋ rajiwaa waeya meŋ mepeseeŋ kokaeŋ qagi, “Qaa ii oŋanoŋ, haleluya!”

Isaisaaŋ 4:2

Kaeŋ nijoro iikanondeeŋ Uŋa Toroyanoŋ turuŋ nono umbeumbeŋanoŋ qananoŋ uro iwoi kokaeŋ iibe: Siwe gomaŋ uutanoŋ jiŋkaroŋ duŋ ero moŋnoŋ iikanoŋ raro.

Isaisaaŋ 4:4

Jiŋkaroŋ duŋ tosaaŋa 24 iikanoŋ duŋ waŋa ii liligoŋ ragi iyoŋoo qagianoŋ Anutuwaa jotamemeuruta 24 ragi. Yoŋonoŋ malekugia tualalakotagadeeŋ mougi oronjoŋ kemero waŋgianoŋ goul ila wage qindiima ragi.

Isaisaaŋ 4:9

Beŋ jawiŋuruta 4 yoŋonoŋ mepemepesee rii kaeŋ qamakeju. Moŋnoŋ jiŋkaroŋ duŋnoŋ nama kambaŋ tetegoya qaa laligoŋ uma laligowaati, ii akadamu ano qabuŋa muŋ daŋgiseŋ jeŋkeju.

Isaisaaŋ 5:14

Kaeŋ qagi beŋ jawiŋuruta 4 yoŋonoŋ “Qaa ii oŋanoŋ,” jegi. Jegi Anutuwaa jotamemeya yoŋonoŋ usugoŋ kamaaŋ simiŋ kuma Anutu waeya meŋ mepeseeŋ mugi. Kiaŋ.

Isaisaaŋ 5:8

Ii mero beŋ jawiŋuruta 4 ano Anutuwaa jotamemeya 24 yoŋonoŋ mono iikanondeeŋ Lama meriaa batanoŋ usugoŋ kamaaŋ simiŋ kuŋgi. Yoŋonoŋ motomotooŋ kulele ano goul qambi meŋ naŋgi. Ejemba soraayanoŋ qama kooligi Anutuwaanoŋ umakeji, iikanoŋ mono jiniŋ ooŋ-oombaa so kolooro moroŋa uŋkoowayawonoŋ uma pumpuŋgoŋkeja. Moroŋ kaaŋanoŋ mono goul qambigia saa qero naŋgi.

Isaisaaŋ 7:11

Kaeŋ qama jegi Siwe gajoba kuuya yoŋonoŋ jiŋkaroŋ duŋ kosianoŋ areŋnoŋ nama Anutuwaa jotamemeya ano beŋ jawiŋuruta 4 ii liligoŋ oŋoŋgi. Kaeŋ nama jiŋkaroŋ duŋ batanoŋ usugoŋ kamaaŋ simiŋ kuma Anutu waeya meŋ mepeseeŋ mugi.