Isaisaaŋ 4:1 - Uumeleembaa buŋa tere soomoŋgo gbilia

¹ Kawaa gematanoŋ jaameleeŋ mombo kolooro Siwe gomaŋ naguya moŋ aantano iibe. Iibe aro wala romoŋ qaita moŋ (biugel) kaaŋa qaa jero mobeti, iinoŋ toroqeŋ kokaeŋ nijoro, “Gii mono kokaeŋ kouna gemageŋ iwoi koloowaati, ii qendeema gomaŋa.”

Isaisaaŋ 4:1 Iomraidhean Croise

Matuyuu 3:16

Uumotooŋ ama oomulu meŋ muro tegoro iikanondeeŋ apunoŋga kouro kokaeŋ asugiro: Sombinoŋ aantano Jiisasnoŋ uuŋ iiro Anutuwaa Uŋa Toroyanoŋ meleema kewo kooŋ kaaŋa kolooŋ Jiisaswaa waŋanoŋ kamaaŋ mero.

Maak 1:10

Meŋ muro apunoŋga kouro iikanondeeŋ Siwenoŋ aantano Jiisasnoŋ uuŋ iiro Uŋa Toroyanoŋ meleema kewo kooŋ kaaŋa kolooŋ Jiisaswaa waŋanoŋ kamaaŋ mero.

Luuk 3:21

Jonoŋ ejemba kuuya oomulu meŋ oŋoma Jiisas kaaŋagadeeŋ oomulu meŋ muro. Meŋ muro qama kooliro iikanondeeŋ sombinoŋ aantano.

Oligaa Buŋa Jonoŋ Ooro 16:13

Ii amamaawuboto, qaa hoŋaa Toya, Uŋa Toroya iinoŋ kamaaŋ uugianoŋ kemeŋ qaa saŋe qero mobuya. Ii iyaŋaa uutaajoŋ tondu mende jeŋ laligowaato, Anutuwaanoŋ qaa geja ama moji, iinoŋ mono iikayadeeŋ jeŋkebaa ano kanageŋ iwoi koloowaati, ii waladeeŋ iŋisaama jewaa. Iikawaajoŋ iinoŋ oŋoma qaa hoŋa kuuya iikawaa apu aŋgoŋanoŋ menduŋgoŋ oŋono qaa hoŋaa kaniagadeeŋ riiŋ kembu.

Aposol Gawoŋ Meme 10:11

Siwenoŋ aantano iwoi somata moŋ kamaaro. Iwoi ii opo taaŋa somataa tani kaaŋa kolooro. Gajoba yoŋonoŋ iwoi iikawaa waŋgoŋa 4 iikanoŋ meŋ naŋgowuyaga, iikawaa tani kaaŋa balonoŋ kamaaro.

Aposol Gawoŋ Meme 7:56

Jiisas iima jero, “Mobu! Siwe aantano Siwe gomambaa Eja hoŋanoŋ mono Anutuwaa boro dindiŋanoŋ nano iijeŋ.”

Isaisaaŋ 1:10

Pombaa sonda kendoŋ rara kambaŋ moŋnoŋ Uŋa Toroyanoŋ turuŋ nono umbeumbeŋanoŋ qananoŋ uro gemananoŋga qa somata moŋ mobe. Qa otoŋa ii romoŋ qaita moŋ (biugel) qaji, iikawaa taniŋaeŋ kolooro.

Isaisaaŋ 1:12

Qaa kaeŋ nijoro otoŋa mobeti, “Ii moronoŋ?” jeŋ iima momambaajoŋ eleembe. Eleema nama lambewaa duŋ rara goulnoŋ memeta 7 naŋgi iibe.

Isaisaaŋ 1:19

Kawaajoŋ iwoi kambaŋ kokaamba kolooji ano kanageŋanoŋ koloowaati, niinoŋ iikawaa kania gisaambe iibaga. Iwoi iibagati, ii mono papianoŋ oona ewa.

Isaisaaŋ 11:12

Koŋa nani Siwenoŋga qa kotakota moŋ kokaeŋ qama irijoro, “Oro mono kokaeŋ waabao!” Kaeŋ irijoro moma koosu uutanoŋ waama Siwenoŋ uri kereurugaranoŋ eeŋ iriima newogia tegoro naŋgi.

Isaisaaŋ 11:19

Kawaa gematanoŋ Siwenoŋ aantano Anutuwaa mepemepesee jigowaa (tempel) naguyanoŋ tano iibe jigo uutanoŋ Anutuwaanoŋ soomoŋgo areŋ bokis akadamuyawo iikanoŋ ii-iita ero. Siwenoŋ aantano kambaŋ iikanondeeŋ oobili ano guŋparandaŋ gbiŋgururuŋ qaro mobe. Otoŋa otoŋa ii mobe naŋ meŋ koŋ rombuŋ giliro kombo (ais) kota somasomata kamaagi. Kiaŋ.

Isaisaaŋ 16:17

Siwe gajoba 7:ŋa kanoŋ qambiaa hoŋa ii kanakeewaŋ maaro. Maaro mepemepesee jigo (tempel) uutaa jiŋkaroŋ duŋanoŋga qa somata moŋ kolooŋ qaa kokaeŋ karo jero, “Ii maadaborogi asugidaboroja.”

Isaisaaŋ 19:11

Niinoŋ Siwe aantano hoos taaŋa moŋ iibe karo. Qaganoŋ raro karoti, iwaa qata ii Pondaŋ Nanaŋ (Kawali) ano Eja Hoŋaboŋa. Qata kaeŋ qamakejuti, iinoŋ qaa dindiŋa otaaŋ qaa gosiŋ jeŋ tegoŋ iikawaa so manja qeŋkeja.

Isaisaaŋ 22:6

Ii iibe Siwe gajobanoŋ kokaeŋ nijoro, “Buŋa qaa mojaŋi, iikanoŋ mono hoŋa tooŋ uuwoiya qaa kolooja. Poŋ Anutunoŋ gejatootoo ejemba sololooŋ oŋomakeji, iinoŋ mono Siwe gajobaya nii wasiŋ nono asugiŋ goma laligowe. Iwoi kuuya uulaŋawo koloowutiwaa so anji, momalaari ejembaurutanoŋ ii mobutiwaajoŋ ii asugiŋ qendeema gombe.” Kiaŋ.