Isaisaaŋ 3:3 - Uumeleembaa buŋa tere soomoŋgo gbilia

³ “Anutuwaa iwoi goŋgi buŋa qeŋ aoŋ monati, ii mono uu womboganoŋ somoŋgoŋ romoŋgowa. Buŋa ii mono teŋ koma uuga meleemba. Gbiligbili mende laligowaati eeŋ, niinoŋ mono yoŋgoro meme kaaŋa oloŋ kaŋ asugimaŋa. Kamaŋatiwaa aua kambaŋa mende mona qaananoŋ mono uulaŋawo qaganoŋ uro lombo mokoloowaga.

Isaisaaŋ 3:3 Iomraidhean Croise

Matuyuu 25:13

Jiisasnoŋ sareqaa kaeŋ jeŋ gowokouruta ii qaa kokaeŋ iŋijoro, “Oŋo nii kamambaa kambaŋa me auaya mende mojutiwaajoŋ mono uugbiligbili laligowu.” Kiaŋ.

Maak 13:33

Naa kambanoŋ asugiwaati, ii mende mojutiwaajoŋ oŋonoŋ mono galeŋ meŋ aoŋ uugbiligbili laligowu.

Maak 13:36

Oŋonoŋ gaoŋ egi uulaŋawo kaŋ kaeŋ mokolooŋ oŋombabo.

Tesalonaika Tere 1 5:2

Oŋoaŋgio mono qaa ii kokaeŋ moma komuju: Yoŋgoro memenoŋ gomantiiŋanoŋ oloŋ koumakeji, Pombaa kaka kambaŋanoŋ mono iikawaa so alanzaŋ kaŋ kuuwaa.

Timotiwaa Tere 1 6:20

Oo Timoti, Anutunoŋ moma laariŋ goma gawoŋ memewaa momo kaleŋ uuganoŋ anoti, ii mono gawonoŋ ama soowaboti-waajoŋ galeŋ meŋ laligowa. Balombaa qaa julujulu omaya ano aŋgowowo sipasipa koma jegi sooŋkeji, ii mono mesaoŋ gema qeŋ laligowa. Tosianoŋ “Momakooto amiŋ moboŋa,” jeŋ qaa seŋa seŋa jeŋ seigi kemakeja. Momakooto hoŋa ii kaeŋ jeŋ sooŋkeju.

Timotiwaa Tere 2 1:13

Momalaariwaa qaa ii uunana meagowaatiwaa soga kolooji, niinoŋ qaa hoŋa ii kuma goma sili awaa qendeema goma laligowe. Ii mono uu konoŋganoŋ ama kaaŋiadeeŋ otaaŋ laligowa. Nono Kraist Jiisaswo qokotaaŋ motooŋ naniŋ jopagoŋ nonomakeji, giinoŋ mono uujopa iikawaa uutanoŋ laligowa.

Hibruu Tere 2:1

Kawaajoŋ Buŋa qaa moniŋi, ii mono tororo moma asariwombaajoŋ kaparaŋ koma geja ambu. Namonoŋ laaligowaa iwoiya moŋnoŋ nunuano laŋ kema kaŋ lalabubu laligowoŋati eeŋ, mono Jiisaswaa hamoqeqe gawoŋa uuguŋ eeŋ laligoŋ tiwilaawombo.

Piitowaanoŋ Tere 2 1:13

Kaeŋ moma sele busu kokawaa kala kuuŋnoŋ laligomaŋatiwaa so qaa areŋ ii duduuwubotiwaajoŋ momogia jeŋ gbiliŋ kuuŋ oŋomambaajoŋ mobe sokonja.

Piitowaanoŋ Tere 2 3:1

Oo wombo alauruna, niinoŋ tere indiŋ woi koi ambe oŋoonoŋ kaja. Qaa jejeŋi, oŋo ii modaborojuto, niinoŋ Buŋa qaawaa hoŋa koloowaatiwaajoŋ uugia soraaya ii kuuŋ jeŋ gbiliŋ oŋoma tere indiŋa woi koi kokaembaajoŋ oojeŋ:

Piitowaanoŋ Tere 2 3:10

Qaayaa hoŋa koloowaato, Pombaa kaka kambaŋanoŋ mono yoŋgoro meme ejawaa tani kaŋ kuuwaa. Ii obabaŋ kota banananoŋ riiro amamaawoŋa. Kambaŋ iikanoŋ namo sombimbaa iwoi ii-iita kuuya ii mono gere tooŋ jeŋ sogoyagadeeŋ ewaa. Weeŋ koiŋ, seŋgelao ano sombimbaa iwoiya kuuya ii juquma otoŋ jinjerereŋawo qama aliŋ qaombuya. Namo ano ejembanoŋ iwoi kuuya iikanoŋ meŋ aŋgita eji, Anutunoŋ ii kuuya kondemondeema meleeno kemebaa. Kemeŋ jeŋ tegoro iwoi moŋ mende totooŋ ewaa. Awawi totooŋ!

Isaisaaŋ 16:15

Jiisasnoŋ jeja, “Geja ambu! Niinoŋ mono yoŋgoro meme kaaŋa oloŋ kamaŋa. Moŋnoŋ uugbiligbili laligowaati, iinoŋ mono simbawoŋawo kolooja. Bombolaŋ tondu kema karo gamuya iibubotiwaajoŋ sele esuya galeŋ komakeji, iinoŋ mono oyaŋboyaŋ koloowaa.”

Isaisaaŋ 2:25

Oŋo Buŋa qaa meŋ laligojuti, mono iikanoŋ qokotaaŋ laligowu. Ii mono pondaŋ otaaŋ laligoŋ ugi nii mombo eleemaŋ.

Isaisaaŋ 2:5

“Walawala uukoisoro somata moma laligonato, iikanoŋadeeŋ looriŋ olomooŋ kamaaŋ qeŋ laligojaŋ. Gii mono geeŋgaa kanaga ii romoŋgoŋ moma kotowa. Kawaajoŋ mono uuga meleemba. Walawala uumeleembaa iwoiya anati, mono iikawaa so mombo toroqeŋ amba. Uuga siŋgisoŋgoya iikanoŋa mende meleembagati eeŋ, niinoŋ mono goonoŋ kaŋ lambewaa duŋ raraga qetegowe uumeleeŋ kanageso Efesus kanoŋ mombo mende ewaa.

Isaisaaŋ 22:7

Jiisasnoŋ jeja, “Mobu, niinoŋ mono uulaŋawo eleema kamaŋa. Tosianoŋ buk kokawaa gejatootoo qaaya buŋa qeŋ qokotaaŋkejuti, iyoŋonoŋ mono simbawoŋawo kolooju.”

Isaisaaŋ 3:11

“Niinoŋ mono uulaŋawo eleema kamaŋa. Moŋnoŋ guuguŋ kouma tawa memeyaa kambaŋanoŋ haamo ama gombabotiwaajoŋ mono uuwaa hina eŋ gonji, ii mono pondaŋ kalaŋ koma laligona mende soowa.

Isaisaaŋ 3:19

Niinoŋ wombo alauruna jopagoŋ oŋomakejeŋi, ii kuuya kileŋagiaajoŋ temboma jeŋ oŋoma mindiŋqindiŋ ama oŋomakejeŋ. Qeaŋgowutiwaajoŋ kaeŋ amakejeŋ. Kawaajoŋ gii mono jeulalaŋ mesaoŋ uuga meleema siŋgisoŋgoga gema qeŋ laligowa.

Isaisaaŋ 3:2

Kawaajoŋ mono uuga tooro moma waaba. Goo nanamemeŋganoŋ noo Anutunaa jaanoŋ akadamuyawo mende kolooja. Goo kaniaga gosiŋ kaeŋ mokoloowe. Goo kanageso uutanoŋ uumeleeŋ ejemba tosaaŋa toroqeŋ laligojuto, iyoŋonoŋ kaaŋagadeeŋ komuŋ tagowombaajoŋ anju. Kawaajoŋ giinoŋ mono meŋ kotiiŋ oŋoma laligowa.