Isaisaaŋ 3:12 - Uumeleembaa buŋa tere soomoŋgo gbilia

¹² Moŋnoŋ aŋgobato bologa kuuya uuguŋ haamo ambaati, niinoŋ mono ii wama noo Anutunaa mepemepesee jigo (tempel) uutanoŋ kuuwe tandoya koloowaa ano kambaŋ moŋnoŋ ii mombo mende mesaowaa. Iikanoŋ laligoro selianoŋ neenaa Anutunaa qata, Anutuwaa sitiaa qata ano neenaa qana dologa qa karooŋ ii oomaŋa. Anutunanoŋ Jerusalem sitia doŋgoga ii iyaŋaa gomanoŋ eukanoŋ ano eji, iikanoŋ Siwenoŋga kamaaŋ namonoŋ asugiwaa.

Isaisaaŋ 3:12 Iomraidhean Croise

Maak 12:16

Kaeŋ iŋijoro ii meŋ kagi kokaeŋ qisiŋ oŋono. “Morowaa uŋayaga ano qataga ii koi oogita eja?” “Ii Siisa-kimbaa.” Kaeŋ meleema jegi.

Galesia Tere 2:9

Kawaajoŋ Jeims, Piito ano Jon, eja geria qabuŋagiawo yoŋonoŋ Poŋnoŋ kaleŋmoriaŋ kaaŋa nono laligoweti, qaa ii moma kotogi uumotooŋgo aniŋ. Gawoŋ kaeŋ mendeema iikawaa kaisareyaga Barnabaswo noro boronara qegi kokaeŋ jeŋ kotiiniŋ, “Noro waba kantri yoŋoonoŋ kema gawoŋ meri oŋoaŋgia Juuda kanageso yoŋoo batugianoŋ toroqeŋ gawoŋ meŋkebu.”

Efesus Tere 3:15

Iinondeeŋ mono maŋnana mutuya kolooja. Iwaa so Siwe ano namowaa kanageso kuuya anana ama qa ii meŋ qamakejoŋ.

Hibruu Tere 12:22

Oŋonoŋ kaeŋ qaagoto, mono uugia meleema Zaion baaŋa dodowiŋ kouma laligoju. Anutu laaligo Toyaa sitia qata Jerusalem Siwenoŋ eji, iikanoŋ gajobauruta ten tauseŋa ten tauseŋa yoŋonoŋ tuuŋa tuuŋa meŋ rii oroŋ korisoro amakejuti, oŋonoŋ mono siti ii dodowiŋ laligoju.

Hibruu Tere 13:14

Ii kokaembaajoŋ: Siti tetegoya qaa eŋ ubaati, ii namonoŋ mende eŋ nononjato, siti kanageŋ asugiŋ nonombaati, ii iibombaajoŋ mono janjariŋ riiŋ laligojoŋ.

Jombaanoŋ Tere 1 4:4

Oo kokouruna, oŋo Anutuwaa buŋa koloogi Uŋa Toroyanoŋ uugianoŋ nama namowaa omejiilaŋa ii uŋuuguŋ haamo ama oŋomakeja. Kawaajoŋ gejatootoo ejemba takapolakaya ii saanoŋ haamo ama oŋoma laligowutiwaa so kolooju.

Isaisaaŋ 14:1

Kawaa gematanoŋ uuŋ Lama merianoŋ Zaion baaŋanoŋ nano iibe. Iwo kanagesouruta jaŋgogia 144,000 ii motooŋ naŋgi Lama meriaa qata ano iwaa Maŋaa qata ii kuuya yoŋoo wambusooŋgianoŋ oo-ootaga ero iŋiibe.

Isaisaaŋ 17:14

Esuŋgia kaeŋ mindiriŋ Lama meria tuarenjeŋ ama manja aowuto, Lama merianoŋ mono haamo ama oŋono kamaawuya. Iinoŋ kiŋ yoŋoo Kiŋgia ano eja poŋ yoŋoo Poŋgia kolooja. Iinoŋ nonooma meweeŋgoŋ nonono iwo pondaŋ nama laligowoŋati, nononoŋ mono motooŋ haamo ama oŋoma otokoriaŋ maaboŋa.”

Isaisaaŋ 2:11

“Oŋoonoŋga moronoŋ gejiawo laligoji eeŋ, Uŋa Toroyanoŋ zioz tuuŋa tuuŋa ananaajoŋ qaa jeŋkeji, iinoŋ mono ii geja ama moma kotowa. “Moŋnoŋ aŋgobato bologa kuuya uuguŋ haamo ambaati, iwaa selianoŋ komuro motooŋgo koloowaato, koomu indeŋ woiya ii mende komuwaa.” Kiaŋ.

Isaisaaŋ 2:17

“Oŋoonoŋga moronoŋ gejiawo laligoji eeŋ, Uŋa Toroyanoŋ zioz tuuŋa tuuŋa ananaajoŋ qaa jeŋkeji, iinoŋ mono ii geja ama moma kotowa. “Moŋnoŋ aŋgobato bologa kuuya uuguŋ haamo ambaati, niinoŋ mono nene aasaŋgoya qata mana ano jamo taaŋa mumaŋa. Woi ii mube jamo taaŋa iikanoŋ qata dologa oogita ewaati, ii yaŋodeeŋ weeŋgoŋ mobaa. Tosianoŋ ii mende mobuya.” Kiaŋ.

Isaisaaŋ 2:7

“Oŋoonoŋga moronoŋ gejiawo laligoji eeŋ, Uŋa Toroyanoŋ zioz tuuŋa tuuŋa ananaajoŋ qaa jeŋkeji, iinoŋ mono ii geja ama moma kotowa. “Moŋnoŋ aŋgobato bologa kuuya uuguŋ haamo ambaati, niinoŋ ii wambe Anutuwaa oyaŋboyaŋ gawonoŋ (paradais) eukanoŋ uma laaligo kotigaa gere umuganoŋ rama kota neŋ laligowaa.” Kiaŋ.

Isaisaaŋ 21:2

Jerusalem doŋgoga, siti toroya ii Siwenoŋ Anutuwaa gomanoŋga kamaaro iibe. Siti ii meagodaborogi iimasiiŋsiiŋawo kokaeŋ kolooro: Emba marambaajoŋ maleku iimasiiŋsiiŋawo mouma mugi eja buŋayawo aitoŋgowaatiwaajoŋ menjereŋgoŋ aoŋ jojoriŋ akadamuyawo nanji, siti kanoŋ mono iikawaa so kolooro iibe.

Isaisaaŋ 22:4

Weleŋ qeŋ muŋ jaasewaŋa iima Anutuwaa qata wambusooŋgianoŋ meŋ mokotaagi ewaa.

Isaisaaŋ 3:5

“Moŋnoŋ aŋgobato bologa kuuya uuguŋ haamo ambaati, iwaajoŋ mono maleku tualalakota mugi mouma laligowaa. Iwaa qata laaligo kotigaa buk papianoŋ oogita eji, niinoŋ ii mende kondeemaŋa. Maŋnaa jaasewaŋanoŋ keuro Siwe gajobaurutanoŋ iigi qata saanoŋ asuganoŋ jokolooŋ oŋomaŋa.