Isaisaaŋ 16:7 - Uumeleembaa buŋa tere soomoŋgo gbilia

⁷ Apu galeŋ komakeji, iinoŋ kaeŋ jero qaa moŋ alatanoŋga kokaeŋ karo mobe, “Qaa ii oŋanoŋ! Oo Poŋ Anutu ku-usuŋ kuuyaa Toya, giinoŋ ejemba qaagia gosiŋ dindiŋagadeeŋ jeŋ tegoŋ oŋomakejaŋ.”

Isaisaaŋ 16:7 Iomraidhean Croise

Isaisaaŋ 1:8

Poŋ Anutu kotiiŋ laligoji, iinoŋ kokaeŋ jeja, “Niinoŋ walawala laligoŋ (iwoi kuuya mokolooweta kanageŋ jewe qaono) tetegoya qaa laligoŋ umaŋa. Kawaa so niinoŋ tere nemuŋa mutuya A ano tere nemuŋa konoga Z koloojeŋ.” Niinoŋ ku-usuŋ kuuyaa Toya monowaa monoyanoŋga laligoweta laligoŋ kouma laligojeŋ ano mombo eleema koumaŋa. Kiaŋ.

Isaisaaŋ 13:10

Moŋ kapuare mirinoŋ kembaatiwaa so kolooji, iinoŋ mono iikanoŋ kembaa. Moŋ manjawaa soo somatanoŋ uugi komuwaatiwaa so kolooji, iinoŋ mono kaeŋ komuwaa. Kawaajoŋ ejemba soraaya, oŋonoŋ mono kaparaŋ koma lombo meŋ mokosiŋgoŋ pondaŋ moma laariŋ laligowu.” Kiaŋ.

Isaisaaŋ 14:10

iinoŋ mono kaaŋiadeeŋ Anutuwaa iriŋsoŋsooŋa ii wain apu kotiga kaaŋa neŋ mobaa. Anutunoŋ wain apu ii apu tooŋawo mende mindiriŋ wain kotiga tooŋgadeeŋ iriŋsoŋsooŋaa qambinoŋ maaro raji, iinoŋ mono ii newaa. Ii neŋ Siwe gajoba toroya ano Lama meria yoŋoo baagianoŋ nano salfa jamowaa gere bolaŋanoŋ ooro siimbobolo honoŋa mende moma laligowaa.

Isaisaaŋ 14:18

Kouro Siwe gajoba karooŋanoŋ Siwewaa alatawaa gere galeŋa ano alata ii mesaoŋ kouro. Kouma kotakotagadeeŋ qama Siwe gajoba soo kaapeŋgoya jetawo meŋ nanoti, ii kokaeŋ ijoro, “Giinoŋ sooga kaapeŋgoya jetawo ii mono meŋ gawonoŋ kema iikanoŋ balombaa wain kaŋgeŋa kaŋgeŋa ii kotowa. Kaŋgeŋ iikawaa kota mono momogoŋ yagoŋ raju.”

Isaisaaŋ 19:2

Anutunoŋ mono qaa hoŋaa so ejemba qaagia gosiŋ dindiŋagadeeŋ jeŋ tegoŋ nonomakeja. Kana somata emba serowiliŋ ama iikaaŋa kanoŋ ejemba baloŋ so meŋ boliŋ oŋoma laligoroti, Anutunoŋ mono iwaa qaaya gosiŋ jeŋ tegoro. Emba iikanoŋ Anutuwaa gawoŋ meme ejemba uŋuro sagianoŋ kamaaroti, iikawaa iroŋa mono meleema muro qaganoŋ uro siimbobolo moma laligoja. Kawaajoŋ Anutu mepeseeŋ mujoŋ.”

Isaisaaŋ 6:9

Lama merianoŋ muŋgeŋ aaso (siil) 5:ya menjurama kotuno iikanondeeŋ Anutuwaa ejemba tosaaŋa uŋugi komugiti, iyoŋoo kokoosogia iŋiibe. Yoŋonoŋ Anutuwaa Buŋa qaaya aŋaliŋ aŋgoŋ koma naŋgoŋ jeŋ seiŋ laligogitiwaajoŋ uŋugi komuŋ alata baatanoŋ naŋgi.