Isaisaaŋ 13:4 - Uumeleembaa buŋa tere soomoŋgo gbilia

⁴ Otaaŋ kema jewenaŋ nemuŋaa waeya meŋ mepeseeŋ laligogi. Ku-usuŋ kaaŋa ii jeŋnemba murotiwaajoŋ ii ano jeŋnembawaa waeya kaaŋiadeeŋ meŋ mepeseeŋ kokaeŋ jegi, “Moronoŋ jeŋnembawaa so koloonaga? Moronoŋ ii tuarenjeŋ ama muŋ iwo aomambaajoŋ kotiinaga?”

Isaisaaŋ 13:4 Iomraidhean Croise

Korint Tere 2 4:4

Kraistnoŋ Anutuwaa uŋauŋaya kolooja. Kraistwaa akadamuya ii aŋaa Oligaa Buŋayanoŋ ninisaama asasaga kaaŋa asariŋkejato, yoŋoo jaagianoŋ umuŋ kono tiŋtuaŋ qeŋkeju. Kambaŋ kokaamba bologaa Poŋa gomaŋ so galeŋ koma oŋomakeji, iinoŋ uumeleembaa gadokopa ejemba yoŋoo uŋagiaa jaaya meŋ gooro laŋ laligoju. Kawaajoŋ Oligaa Buŋawaa asasaga iima asariwombaajoŋ amamaaŋkeju.

Tesalonaika Tere 2 2:4

Tuarenjeŋ Toya iinoŋ jaba-arambaraŋ ama aŋaa selia momboga meŋ ubaa. Ejembanoŋ iwoiwaa waeya meŋ mepeseeŋkejuti me qata beŋ qajuti, iinoŋ mono ii kuuya uŋuuguŋ selia meŋ uma laligowaa. Kaaŋa laligoŋ Anutuwaa jiwowoŋ jigonoŋ uma jiŋkaroŋ duŋa koma “Anutu koloojeŋ,” jeŋ kantri kuuya galeŋ koma nonoma laligowaa.

Isaisaaŋ 12:3

Kawaa gematanoŋ aiwese moŋ Siwenoŋ kokaeŋ asugiro iibe: Jewenaŋ nemuŋa iliawo (dragon), mundaya oso popolaŋ, waŋa 7 ano ilia 10. Waŋa 7 iikanoŋ ila wage 7 koŋgi raro.

Isaisaaŋ 12:4

Jewenaŋ nemuŋa iikanoŋ daayanoŋ sombiŋ qewagoŋ seŋgelao iyoŋoonoŋga bakaya karooŋ horoŋ giliro namonoŋ kamaagi. Kamaagi emba iyaŋa mera memambaajoŋ anoti, iwaa batanoŋ nano. Kaeŋ nama meria mewaati, ii iikanondeeŋ gogomambaajoŋ moro.

Isaisaaŋ 13:11

Mombo iibe jeŋnemba moŋ namo uutanoŋga kouro. Ii ilia woi Lama meriaa ilia kaaŋaga kolooŋ qaaya ii jewenaŋ nemuŋa iliawonoŋ jeroti, mono kaaŋiadeeŋ jeŋ laligoro.

Isaisaaŋ 13:15

Kaeŋ aŋgi Satanoŋ ku-usuŋ jeŋnemba kanageŋa muro tando lopioŋ ii meŋ gbiliŋ muro kanaiŋ buu aasoŋ ano. Kaaŋagadeeŋ jeŋnemba mutuyaa uŋaya meŋ letono eja qaa jeŋ ejemba kuuŋ oŋono kokaeŋ kolooro: Daeŋ yoŋonoŋ tando lopioŋ iikawaa waeya mende meŋ mepeseegiti, ii mono kuuya uŋugi komugi.

Isaisaaŋ 13:2

Jeŋnemba ii iibe kokaeŋ kolooro: Kaitania ii oro somata qagara lepaad ano taiga iyoroo tani kaaŋa kolooro. Kana boriaa silia ii bea orowaa sili kaaŋa kolooro. Qaa oota ii laion orowaa qaa oota kaaŋa. Jewenaŋ nemuŋanoŋ esuŋa, jiŋkaroŋ duŋa ano ejemba galeŋ koma oŋombaatiwaa ku-usuŋa uuta ii jeŋnemba muro.

Isaisaaŋ 17:14

Esuŋgia kaeŋ mindiriŋ Lama meria tuarenjeŋ ama manja aowuto, Lama merianoŋ mono haamo ama oŋono kamaawuya. Iinoŋ kiŋ yoŋoo Kiŋgia ano eja poŋ yoŋoo Poŋgia kolooja. Iinoŋ nonooma meweeŋgoŋ nonono iwo pondaŋ nama laligowoŋati, nononoŋ mono motooŋ haamo ama oŋoma otokoriaŋ maaboŋa.”

Isaisaaŋ 18:18

Emba somata qabuŋayawo aŋgi jero gere bolaŋaa kaasoya waabaati, ii korikori nama iima amburereŋ ama kokaeŋ jewuya, “Siti qabuŋayawo kokawaa alia mono kambaŋ moŋnoŋ mende ero.”

Isaisaaŋ 9:20

Lombo kanjaŋawo iikanoŋ ejemba tosaaŋa mende uŋugi komuŋ toroqeŋ laligogiti, iyoŋonoŋ kileŋ uugia mende meleeŋgi. Aŋgiaa borogianoŋ iwoi meŋ waegia meŋ mepeseegiti, iikawaajoŋ mende moma boliŋ aogi. Omejiilaŋ ano tando lopioŋ waegia meŋ mepeseeŋ oŋo-oŋoŋa ii mende mesaogi. Tando lopioŋ tosia ii goul, silwa me brons aiŋnoŋ memetaga. Tosia ii jamo orasiŋ me gere sogoŋ memetaga. Kawaajoŋ tando lopioŋ iikanoŋ iwoi iima mobombaajoŋ me kema kawombaajoŋ amamaaŋkeju. Kileŋ ejembanoŋ ii mende mesaogi.