Isaisaaŋ 13:3 - Uumeleembaa buŋa tere soomoŋgo gbilia

³ Muroto, waŋa moŋ ii wiji kotiga moŋnoŋ kiro komumambaa anoto, wijianoŋ misiriro lopogadeeŋ raro. Namowaa ejemba korebore yoŋonoŋ aaruŋ jeŋnemba ii gematanoŋ otaaŋ keŋgi.

Isaisaaŋ 13:3 Iomraidhean Croise

Luuk 2:1

Jon Oomulu ejanoŋ kolooro kambaŋ kanoŋ Siisa-kiŋ Oogastus iinoŋ Room sitinoŋ gomaŋa gomaŋa galeŋ koma oŋono. Galeŋ koma oŋoma takis kanaiŋ mewutiwaajoŋ gawmambaa jeŋkooto ano gomaŋa gomaŋa kuuya yoŋonoŋ ajoroogi kuskus (sensus eja) yoŋonoŋ qagia papianoŋ ooŋ areŋgogi.

Oligaa Buŋa Jonoŋ Ooro 12:19

Kaeŋ keŋgi Farisii (Kana qaawaa kaparaŋkoŋkoŋ) yoŋonoŋ iyaŋgiodeeŋ amiŋ moma kokaeŋ jegi, “Mobu. Baloŋa baloŋa ejemba yoŋonoŋ mono luluuma horoŋ iwaa gematanoŋ kemakeju ano nono qaa gawoŋ iikayadeeŋ meŋ bimbimgoniŋ hoŋa moŋ mende kolooja.” Kiaŋ.

Aposol Gawoŋ Meme 8:13

Kaeŋ aŋgi Saimonoŋ kaaŋagadeeŋ qaa ii moma laariro oomulu meŋ mugi Filipwaa kosianoŋ kaŋ laligoŋ otaaro. Kaeŋ kolooro Filipnoŋ aŋgoleto aiwese somasomata mero asugiro ii iima waliŋgoŋ laligoro. Kiaŋ.

Isaisaaŋ 13:12

Iinoŋ kouma alia mutuyaa jotamemeya kolooŋ ku-usuŋa kuuya meŋ iikanoŋ iwoi kuuya aliaa jaanoŋ ano. Kaaŋa ano namo ejemba kuuŋ sololooŋ oŋono aaruŋ alia mutuyaa waeya meŋ mepeseegi. Jeŋnemba mutuya ii wiji kotiganoŋ kiro komumambaajoŋ anoto, misiriro lopoyadeeŋ raro.

Isaisaaŋ 13:14

Anutunoŋ Satan mende aŋgoŋ kono ku-usuŋ muro jeŋnemba mutuyaa jotamemeya kolooŋ iwaa jaanoŋ aŋgoleto kania kania meŋ laligoro. Iikanoŋ mono namowaa ejemba tiligoŋ oŋono jinjauŋ ama soogi. Soogi kokaeŋ kuuŋ jeŋ kotoŋ oŋono, “Oŋo mono jeŋnemba mutuyaa uŋaya sogoŋ kuugi nano goda qeŋ muŋ laligowu. Jeŋnemba mutuya ii manjawaa soo somatanoŋ (bainat) uugi wiji kiro komumambaa so kolooroto, kileŋ gbiliŋ laligoji, mono iwaa uŋaya kuuwu.”

Isaisaaŋ 17:10

Waŋa 7 ii kaaŋagadeeŋ kiŋ poŋ 7 iyoŋoo kaisaregiaga kolooja. Yoŋoonoŋga 5 komuŋ kamaadaborogi 6:ya iinoŋ laligoŋ ejemba galeŋ koma oŋomakeja. Konoga era asugiwaatiwaa so kolooja. Iinoŋ asugiwaati, iikanoŋ mono kambaŋ toroga ku-usuŋ qaganoŋ nambaatiwaa so koloowaa.

Isaisaaŋ 17:11

Jeŋnemba laligoroto, kambaŋ kokaamba mende toroqeŋ laligoji, iinoŋ 7 yoŋoonoŋga moŋ kolooja. Iinoŋ mombo gbiliŋ aŋo kiŋ poŋ jaŋgoya 8 koloowaa. Kaeŋ koloowaato, Kraistnoŋ kondeema muro tiwilaaŋ gere sianoŋ kemebaa.

Isaisaaŋ 17:13

Kiŋ poŋ 10 yoŋonoŋ momo areŋ motooŋgo iikayadeeŋ otaaŋ jeŋnemba naŋgoŋ ku-usuŋgia ii mugi laligowaa.

Isaisaaŋ 17:17

“Kaeŋ koloowaati, ii Anutunoŋ kiŋ poŋ yoŋoo uugia kuuŋ sololooŋ oŋono uumotooŋ ama mindiriŋ ambuya. Anutuwaa momo areŋa kaeŋ otaawuya. Kawaa so ku-usuŋgia jeŋnemba mugi ejemba galeŋ koma oŋoma laligowaa. Kaaŋa laligoro Anutuwaa qaayanoŋ hoŋawo koloowaati, kambaŋ iikanoŋ tegowaa.

Isaisaaŋ 17:6

Qata kaeŋ ero Anutuwaa ejemba soraayanoŋ Jiisaswaa kania naŋgoŋ boŋ qeŋ nama jeŋ laligogiti, ii uŋuŋ sagia neŋ kawaajoŋ uuŋgonjaŋ qeŋ nano iibe. Ii iima aaruŋ tililiŋgowe.

Isaisaaŋ 17:8

Jaaga meleeno jeŋnemba iijaŋi, iinoŋ wala laligoroto, kambaŋ kokaamba jaawo mende laligoja. Iinoŋ omejiilaŋ yoŋoo roŋ dusiita qaa iikanoŋa gbiliŋ waabaato, Kraistnoŋ hagoro gere sianoŋ kemebaa. Anutunoŋ Siwe namo mokolooŋ oronoti, kambaŋ iikanoŋa kanaiŋ namonoŋ laligoŋ kougi qagia laaligo kotigaa papianoŋ mende oogita eji, ejemba iyoŋonoŋ mono jeŋnemba iima aaruwuya. Jaawo laligoroto, kambaŋ kokaamba jaawo mende laligoja ano kanageŋ mombo gbiliŋ asugiwaati, iikawaajoŋ mono aaruwuya.