Isaisaaŋ 13:1 - Uumeleembaa buŋa tere soomoŋgo gbilia

¹ Kawaa gematanoŋ jeŋnemba moŋ ilia 10 ano waŋa 7 ii kowenoŋga kouro iibe. Ilia 10 iikanoŋ ila wage 10 koŋgi ragi ano waŋa motomotooŋ iikanoŋ qa mepaqepaegiawo oogita ero.

Isaisaaŋ 13:1 Iomraidhean Croise

Isaisaaŋ 11:7

Anutuwaa qaaya naŋgoŋ jeŋ tegori omejiilaŋ yoŋoo roŋ dusiita qaa iikanoŋa jeŋnemba moŋnoŋ waama manja qeŋ oroma haamo ama ururo komuwao.

Isaisaaŋ 12:3

Kawaa gematanoŋ aiwese moŋ Siwenoŋ kokaeŋ asugiro iibe: Jewenaŋ nemuŋa iliawo (dragon), mundaya oso popolaŋ, waŋa 7 ano ilia 10. Waŋa 7 iikanoŋ ila wage 7 koŋgi raro.

Isaisaaŋ 13:11

Mombo iibe jeŋnemba moŋ namo uutanoŋga kouro. Ii ilia woi Lama meriaa ilia kaaŋaga kolooŋ qaaya ii jewenaŋ nemuŋa iliawonoŋ jeroti, mono kaaŋiadeeŋ jeŋ laligoro.

Isaisaaŋ 13:14

Anutunoŋ Satan mende aŋgoŋ kono ku-usuŋ muro jeŋnemba mutuyaa jotamemeya kolooŋ iwaa jaanoŋ aŋgoleto kania kania meŋ laligoro. Iikanoŋ mono namowaa ejemba tiligoŋ oŋono jinjauŋ ama soogi. Soogi kokaeŋ kuuŋ jeŋ kotoŋ oŋono, “Oŋo mono jeŋnemba mutuyaa uŋaya sogoŋ kuugi nano goda qeŋ muŋ laligowu. Jeŋnemba mutuya ii manjawaa soo somatanoŋ (bainat) uugi wiji kiro komumambaa so kolooroto, kileŋ gbiliŋ laligoji, mono iwaa uŋaya kuuwu.”

Isaisaaŋ 13:15

Kaeŋ aŋgi Satanoŋ ku-usuŋ jeŋnemba kanageŋa muro tando lopioŋ ii meŋ gbiliŋ muro kanaiŋ buu aasoŋ ano. Kaaŋagadeeŋ jeŋnemba mutuyaa uŋaya meŋ letono eja qaa jeŋ ejemba kuuŋ oŋono kokaeŋ kolooro: Daeŋ yoŋonoŋ tando lopioŋ iikawaa waeya mende meŋ mepeseegiti, ii mono kuuya uŋugi komugi.

Isaisaaŋ 15:2

Ii iima iwoi bilibiliawo kowe kaaŋa iibe gere bolaŋawo melokanjiŋ ero. Iikawaa kooroŋanoŋ Anutuwaa ejemba naŋgi iŋiibe. Yoŋonoŋ haamo ama jeŋnembawaa qaaya mende teŋ koma uŋayaa waeya mende meŋ qataa jaŋgoya selegianoŋ mende aŋaliŋ aŋgoŋ koma laligogi. Anutunoŋ ii motomotooŋ kulele oŋono meŋ naŋgi.

Isaisaaŋ 16:13

Iikanoŋa uuŋ omejiilaŋ bologa karooŋ tanigia taŋa kaaŋa ii iŋiibe jewenaŋ nemuŋa iliawo, jeŋnemba ano gejatootoo eja takapolakaya yoŋoo qaa oogianoŋga kouma kamaagi.

Isaisaaŋ 17:16

Jaaga meleeno ilia 10 iŋiijaŋi, iyoŋonoŋ esuŋgia jeŋnembawo mindiriŋ kana somata emba ii kazi ama mugi kokaeŋ koloowaa: Yoŋonoŋ ilawoilaya kuuya luluuma qegi kaapiroŋa kolooro opo suruya kotogodaborogi bombolaŋ kolooro busuya neŋ siita gerenoŋ aŋgi jedaborowaa.

Isaisaaŋ 17:3

Kaeŋ jero Uŋa Toroyanoŋ nunuano umbeumbeŋanoŋ qananoŋ uro Siwe gajoba iikanoŋ nuano baloŋ qararaŋkoŋkoŋanoŋ keube. Iikanoŋ keuma emba moŋ jeŋnemba oso popolaŋ iwaa qaganoŋ raro iibe. Jeŋnembawaa selianoŋ mepaqepae qa kania kania oogita saa qero waŋa 7 ano ilia 10 kaeŋ nano.

Isaisaaŋ 17:5

Emba iikawaa palapaŋanoŋ qata aasaŋgoya ii kokaeŋ oogita ero, “Babilon qabuŋanawo, namowaa kana somata ejemba ano aŋgonjora arokuukuuyawowaa nemuŋgia.”

Isaisaaŋ 19:19

Kawaa gematanoŋ jeŋnemba ano baloŋa baloŋa yoŋoo kiŋ poŋgia iyoŋonoŋ mono manjaqeqe tuuŋgia uŋuama kaŋ ajoroogi iŋiibe. Moŋnoŋ hoos qaganoŋ rama manjaqeqe tuuŋa yoŋowo nanoti, mono ii tuarenjeŋ ama oŋoma manja aowombaajoŋ ajoroogi iŋiibe.