Isaisaaŋ 12:3 - Uumeleembaa buŋa tere soomoŋgo gbilia

³ Kawaa gematanoŋ aiwese moŋ Siwenoŋ kokaeŋ asugiro iibe: Jewenaŋ nemuŋa iliawo (dragon), mundaya oso popolaŋ, waŋa 7 ano ilia 10. Waŋa 7 iikanoŋ ila wage 7 koŋgi raro.

Isaisaaŋ 12:3 Iomraidhean Croise

Isaisaaŋ 12:1

Siwenoŋ aiwese somata damuyawo moŋ kokaeŋ asugiro iibe: Emba moŋ weeŋ jaayanoŋ malekuya kolooro koiŋnoŋ kana tamboya baatanoŋ asariro seŋgelao 12 ii ila wage kaaŋa waŋanoŋ koŋgi kokobilibiligiawo ragi.

Isaisaaŋ 12:13

Jewenaŋ nemuŋa iliawo yakariŋ hagoŋ mugi namonoŋ kamaaroti, ii iima asariŋ emba mera meroti, ii kazi ama muŋ otaaro.

Isaisaaŋ 12:17

Kaeŋ kolooro jewenaŋ nemuŋaa iriŋa emba kawaajoŋ ama soono mesaoŋ emba iikawaa gbiliuruta tosaaŋa qetama manja qeŋ oŋomambaajoŋ keno. Gbiliuruta yoŋonoŋ Anutuwaa jojopaŋ qaa teŋ koma Jiisaswaa Buŋa qaa pondaŋ naŋgoŋ jeŋ seiŋkejuti, mono iyoŋowo kareŋ aowombaajoŋ keno.

Isaisaaŋ 12:4

Jewenaŋ nemuŋa iikanoŋ daayanoŋ sombiŋ qewagoŋ seŋgelao iyoŋoonoŋga bakaya karooŋ horoŋ giliro namonoŋ kamaagi. Kamaagi emba iyaŋa mera memambaajoŋ anoti, iwaa batanoŋ nano. Kaeŋ nama meria mewaati, ii iikanondeeŋ gogomambaajoŋ moro.

Isaisaaŋ 12:7

Siwe uutanoŋ manja juno kokaeŋ aogi: Siwe gajoba waŋa Maikel ano iwaa gajobauruta yoŋonoŋ jewenaŋ nemuŋa tuarenjeŋ ama ii ano iwaa gajobauruta yoŋowo aogi.

Isaisaaŋ 12:9

Amamaagi jewenaŋ nemuŋa iliawo ii mono konjoma Siwenoŋga otaagi. Jewenaŋ nemuŋa iikanoŋ monowaa monoyanoŋga mokoleŋ kolooŋ Iiw (Eewa) manambato meŋ muro. Qata moŋ Kileŋaa Toya ano Satan. Iinoŋ kantria kantria kuuya kuuŋ oŋono jinjauŋ kema laligogiti, ii ano iwaa gajobauruta ii mono iwo Siwenoŋga konjoma hagoŋ oŋoŋgi namonoŋ kamaagi.

Isaisaaŋ 13:1

Kawaa gematanoŋ jeŋnemba moŋ ilia 10 ano waŋa 7 ii kowenoŋga kouro iibe. Ilia 10 iikanoŋ ila wage 10 koŋgi ragi ano waŋa motomotooŋ iikanoŋ qa mepaqepaegiawo oogita ero.

Isaisaaŋ 13:2

Jeŋnemba ii iibe kokaeŋ kolooro: Kaitania ii oro somata qagara lepaad ano taiga iyoroo tani kaaŋa kolooro. Kana boriaa silia ii bea orowaa sili kaaŋa kolooro. Qaa oota ii laion orowaa qaa oota kaaŋa. Jewenaŋ nemuŋanoŋ esuŋa, jiŋkaroŋ duŋa ano ejemba galeŋ koma oŋombaatiwaa ku-usuŋa uuta ii jeŋnemba muro.

Isaisaaŋ 13:4

Otaaŋ kema jewenaŋ nemuŋaa waeya meŋ mepeseeŋ laligogi. Ku-usuŋ kaaŋa ii jeŋnemba murotiwaajoŋ ii ano jeŋnembawaa waeya kaaŋiadeeŋ meŋ mepeseeŋ kokaeŋ jegi, “Moronoŋ jeŋnembawaa so koloonaga? Moronoŋ ii tuarenjeŋ ama muŋ iwo aomambaajoŋ kotiinaga?”

Isaisaaŋ 15:1

Kawaa gematanoŋ siwe uutanoŋ uuŋ aŋgoleto somata moŋ kolooro iima kokaeŋ waliŋgowe: Siwe gajoba 7 ii lombo kanjaŋawo (plague) 7 meŋ naŋgi. Ejemba siŋgisoŋgogiaajoŋ Anutuwaa iriŋa soono jeŋ tegoŋ iroŋa meleeno lombo kanjaŋawo qagianoŋ uro mogi uutanoŋ olomooro qaagianoŋ komuwaa. Kawaajoŋ qagia lombo kanjaŋawo konoga 7 qagi.

Isaisaaŋ 16:13

Iikanoŋa uuŋ omejiilaŋ bologa karooŋ tanigia taŋa kaaŋa ii iŋiibe jewenaŋ nemuŋa iliawo, jeŋnemba ano gejatootoo eja takapolakaya yoŋoo qaa oogianoŋga kouma kamaagi.

Isaisaaŋ 17:12

“Ilia 10 iŋiijaŋi, ii kiŋ poŋ 10 yoŋoo kaisaregia kolooja. Yoŋonoŋ mende kanaiŋ ejemba galeŋ koma oŋomakejuto, Anutunoŋ kanageŋ ku-usuŋ oŋono kiŋ poŋ kaaŋa koloowuya. Kaeŋ kolooŋ jeŋnembawo aua motooŋgowaa so ejemba galeŋ koma oŋoma laligowuya.

Isaisaaŋ 17:16

Jaaga meleeno ilia 10 iŋiijaŋi, iyoŋonoŋ esuŋgia jeŋnembawo mindiriŋ kana somata emba ii kazi ama mugi kokaeŋ koloowaa: Yoŋonoŋ ilawoilaya kuuya luluuma qegi kaapiroŋa kolooro opo suruya kotogodaborogi bombolaŋ kolooro busuya neŋ siita gerenoŋ aŋgi jedaborowaa.

Isaisaaŋ 17:7

Aaruŋ tililiŋgowe Siwe gajobanoŋ qaa kokaeŋ nijiro, “Gii mono nomaembaajoŋ aaruŋ tililiŋgojaŋ? Niinoŋ saanoŋ emba kokawaa kania aasaŋgoya gisaamaŋa ano jeŋnemba waŋa 7 ano ilia 10 emba ii bosimakeji, iwaa kania aasaŋgoya ii kaaŋagadeeŋ gisaama jokolooŋ gomaŋa.

Isaisaaŋ 19:12

Jaayanoŋ gere bolaŋ kaaŋa jero waŋanoŋ ila wage mamaga koŋgi qata asuganoŋ oo-ooyaga karo. Qata iyaŋodeeŋ mojato, moŋnoŋ moŋ ii mende moja.

Isaisaaŋ 20:2

Gajoba iikanoŋ kamaaŋ jewenaŋ nemuŋa iliawo (dragon) ii meŋ gbani 1,000 rabaatiwaajoŋ somoŋgoro. Jewenaŋ nemuŋa ii monowaa monoyanoŋga mokoleŋ kolooŋ laligoŋ kouro. Qata moŋ ii Kileŋaa Toya ano Satan.