Isaisaaŋ 10:5 - Uumeleembaa buŋa tere soomoŋgo gbilia

⁵ Siwe gajoba kania kowe ano namo qagaranoŋ riiŋ nano iibeti, iinoŋ boria dindiŋa metaama Siwenoŋ baageŋ ano.

Isaisaaŋ 10:5 Iomraidhean Croise

Jenesis 14:22

Kaeŋ ijoroto, Abramnoŋ Sodombaa kiŋaajoŋ kokaeŋ jero: “Qaana kotiiwaatiwaajoŋ niinoŋ borona Poŋ Anutu uuta Siwe namo mokolooŋ oronoti, iwaanoŋ baageŋ meŋ waama jojopaŋ qaa kokaeŋ jejeŋ:

Aposol Gawoŋ Meme 14:15

Qama kokaeŋ jeri, “Ejaurunara, oŋo mono nomaembaajoŋ ama iwoi kaaŋa anju? Noro kaaŋagadeeŋ oŋo kaaŋa baloŋ eja tooŋga koloojo. Noro Anutuwaa Oligaa Buŋa jeŋ asariŋ oŋonjo. Kawaajoŋ oŋo mono beŋ omaya gema uŋuwu ano uugia meleema Anutu laaligo Toyaanoŋ qokotaawu. Anutu laaligo Toyanoŋ Siwe, namo, kowe ano iwoi kuuya iikawaa uutanoŋ eji, ii mokolooŋ oŋonota laligoju.

Aposol Gawoŋ Meme 17:23

Niinoŋ liligoŋ oŋoonoŋ miri kowoga kowoga iima iikawaa batuyanoŋ alata tereyawo moŋ mokoloowe. Iikanoŋ kokaeŋ oogita ero iibe, ‘Beŋ kania mende mojoŋi, iwaajoŋ koi meniŋ.’ Kawaajoŋ oŋo beŋ moŋ kania mende moma kileŋ waeya meŋ mepeseeŋkejuti, niinoŋ mono iwaa kania iŋisaama jewe mobu.

Room Tere 1:20

Anutuwaa laaligoya mende iimakejonto, ku-usuŋa ii Siwe namo mokolooŋ oroma iikanoŋa kanaiŋ qendeema laligoŋ kouro kambaŋ tetegoya qaa asugiŋ eŋkeja. Kawaajoŋ Anutuwaa borotereya tororo iiniŋ beŋ akadamuyawo koloojiwaa kanianoŋ mono saanoŋ moma kotowoŋatiwaa so kolooja. Kawaajoŋ ejembanoŋ iwoi moŋnoŋ mondoŋ iyaŋgiaa qaagiaa kitia naŋgoŋ jewombaajoŋ amamaaŋkeju.

Hibruu Tere 6:13

Anutunoŋ Aabraham soomoŋgo qaa muŋ ii iyaŋaa qata qama jojopaŋ qaayanoŋ jeŋ kotiiro. Moŋnoŋ Anutu uuguŋ uuta laligonagati, saanoŋ iwaa qata qanagato, iikaaŋa moŋ mende laligorotiwaajoŋ mono iyaŋaa qata qama jojopaŋ qaaya jero kotiiro.

Isaisaaŋ 1:18

“Niinoŋ laaligo Toya koloojeŋ. Komuŋ laligoweto, moba, niinoŋ mono gbiliŋ waama laaligo kombombaŋa tetegoya qaa laligoŋ umaŋa. Niinoŋ koomuwaa kondomondoo Toya galeŋ koma koomu gomaŋ Toya uuguŋ kiiya melaa meŋ laligojeŋ.

Isaisaaŋ 10:2

Borianoŋ tere pipipipiiya melaa mero qeetuŋa kolooro. Kania dindiŋa kowenoŋ riiŋ kania qania ii namonoŋ riiŋ nano.

Isaisaaŋ 14:7

Kaŋ kotigagadeeŋ silama kokaeŋ qaro, “Anutunoŋ ejemba gosiŋ jeŋ tegoŋ oŋombaatiwaa kambaŋanoŋ mono toriŋ dodowija. Kawaajoŋ oŋo mono Anutuwaa jeta uuguwombotiwaajoŋ keegia moma mepeseeŋ qabuŋaya meŋ seiwu. Moŋnoŋ siwe, namo, kowe ano apu jaaya mokolooŋ oŋonoti, mono iwaa waeya meŋ mepeseeŋ laligowu.”

Isaisaaŋ 16:17

Siwe gajoba 7:ŋa kanoŋ qambiaa hoŋa ii kanakeewaŋ maaro. Maaro mepemepesee jigo (tempel) uutaa jiŋkaroŋ duŋanoŋga qa somata moŋ kolooŋ qaa kokaeŋ karo jero, “Ii maadaborogi asugidaboroja.”

Isaisaaŋ 4:11

“Oo Poŋ Anutunana, giinoŋ ilawoila kuuya mokolooŋ oŋona. Goo uusiiŋganoŋ nemuŋ koma oŋono letoma laaligo mokolooŋ laligoju. Kawaajoŋ akadamu ano qabuŋa ii goma daŋgiseŋ jeŋ gomakejoŋ. Gii motooŋgoyanoŋ mono mepeqepesee kuuya aŋaliŋ aŋgoŋ kombaatiwaa so koloojaŋ.” Kiaŋ.

Isaisaaŋ 4:9

Beŋ jawiŋuruta 4 yoŋonoŋ mepemepesee rii kaeŋ qamakeju. Moŋnoŋ jiŋkaroŋ duŋnoŋ nama kambaŋ tetegoya qaa laligoŋ uma laligowaati, ii akadamu ano qabuŋa muŋ daŋgiseŋ jeŋkeju.