Isaisaaŋ 10:3 - Uumeleembaa buŋa tere soomoŋgo gbilia

³ Kaeŋ nama laion oronoŋ gbuu gbororo qamakeji, qata mono iikawaa so kotakota qaro. Qaro guŋparandambaa gbiŋgururuŋ 7 iyoŋonoŋ mono meleema gbuu gbororo qaŋ qaagia qagi mobe.

Isaisaaŋ 10:3 Iomraidhean Croise

Isaisaaŋ 14:2

Iikanondeeŋ mobe Siwenoŋga otoŋ moŋ apu somata sianoŋ giliro kemeŋ kuuŋ qamakeji, kaaŋa kolooro. Ii guŋparandaŋ gbiŋgururuŋ somata qajiwaa otoŋa iikawaa taniŋaeŋ kolooro. Otoŋa ii gita kulele mamaga qegi otoŋa kolooŋkejiwaa so mobe.

Isaisaaŋ 15:1

Kawaa gematanoŋ siwe uutanoŋ uuŋ aŋgoleto somata moŋ kolooro iima kokaeŋ waliŋgowe: Siwe gajoba 7 ii lombo kanjaŋawo (plague) 7 meŋ naŋgi. Ejemba siŋgisoŋgogiaajoŋ Anutuwaa iriŋa soono jeŋ tegoŋ iroŋa meleeno lombo kanjaŋawo qagianoŋ uro mogi uutanoŋ olomooro qaagianoŋ komuwaa. Kawaajoŋ qagia lombo kanjaŋawo konoga 7 qagi.

Isaisaaŋ 15:7

Yoŋonoŋ kagi beŋ jawiŋa 4 yoŋoonoŋga moŋnoŋ goul qambi 7 oŋono Anutuwaa iriŋsoŋsooŋanoŋ qambi ii qaa ootanoŋ kougi. Anutu iriŋa sooji, iinoŋ laligoŋ kouma laligoja ano tetegoya qaa laligoŋ ubaa.

Isaisaaŋ 4:5

Duŋ waŋa iikanoŋa pilisik bilibili jaasooŋgo asariro gbiŋgururuŋ kolooro aro guŋparandambaa otoŋa kaaŋa mobe. Duŋ waŋaa batanoŋ toos kiwa asasaga 7 jeŋ asariŋ naŋgi. Kiwa 7 ii Anutuwaanoŋ uŋa waŋa 7 kolooju.

Isaisaaŋ 8:5

Siwe gajoba iikanoŋ jiniŋ qambi ii meŋ alatanoŋga gere jeta mero jero qambi iikanoŋ uuro saa qero namonoŋ giliro kemero. Giliro kemero iikanoŋa guŋparandambaa gujuya mamaga kolooŋ gbiŋgururuŋ qaro. Oobili esuŋgiawo asugigi kambaŋa kambaŋa naŋa mero. Kiaŋ.