Isaisaaŋ 10:1 - Uumeleembaa buŋa tere soomoŋgo gbilia

¹ Kawaa gematanoŋ Siwe gajoba ku-usuŋa qeekuuya moŋ iibe Siwenoŋga koosunoŋ esuuŋ muro kamaaro. Waŋa marilolonoŋ liligoŋ ero. Jaasewaŋa weeŋ jaaya kaaŋa kolooro kanawoita ii tando gere bolaŋgarawo woi kaaŋa jeŋ nano.

Isaisaaŋ 10:1 Iomraidhean Croise

Matuyuu 17:2

Laligogi jaasewaŋgianoŋ nano Jiisaswaa sele tanianoŋ letoma qaita moŋ kolooro. Jaasewaŋanoŋ weeŋ jaaya kaaŋa asariro malekuyanoŋ tualalakota kolooŋ asasagawo kolooro.

Luuk 21:27

“Kambaŋ iikanoŋ Siwe gomambaa Eja hoŋa iinoŋ koosu qaganoŋ karo iibuya. Ku-usuŋa somatanoŋ sakondindiŋawo asuganoŋ asugiro asamararaŋa iibuya.

Aposol Gawoŋ Meme 26:13

Oo Uutana, niinoŋ kananoŋ kembe weeŋ biiwia kanoŋ Siwenoŋga asamararaŋ moŋ uulaŋawo kamaaro. Kamaaŋ oobili kaaŋa asugiŋ weeŋ jaaya uuguŋ asariro iibe. Asasaga iikanoŋ mono nii ano eja niwo keniŋi, nono turuŋ nonono.

Isaisaaŋ 1:7

Iibu, Kraistnoŋ mono kokoosu uutanoŋ kawaa! Kawaati, kambaŋ iikanoŋ anana korebore ii jaanananoŋ uuŋ iiboŋa. Kana boria ano maroŋa qetoogiti, iyoŋonoŋ mono kaaŋagadeeŋ ii iibuya. Ejemba tuuŋa tuuŋa baloŋ so rama kenjoŋi, anana mono ii iima korebore iwaajoŋ ama jiŋgeŋ qama amburereŋ mewoŋa. Qaa ii oŋanoŋ, uuwoiya qaa.

Isaisaaŋ 18:1

Kawaa gematanoŋ Siwe gajoba moŋ ku-usuŋa uuta iibe Siwenoŋga asugiŋ kamaaro asamararaŋanoŋ baloŋ meŋ asariro.

Isaisaaŋ 18:21

Kawaa gematanoŋ Siwe gajoba esuŋa uuta moŋnoŋ kaŋ jamo somata qatawo meŋ waama kowenoŋ giliro kemero kokaeŋ jero, “Anutunoŋ siti somata qabuŋayawo ii mono kokawaa so geriawo kondeema meleeŋgi kemeŋ qaondaborowaa. Qaondabororo kanageŋ kambaŋ moŋnoŋ mende mokoloowutiwaa so koloowaa.

Isaisaaŋ 20:1

Kawaa gematanoŋ Siwe gajoba moŋ iibe Siwenoŋga kamaaro. Iinoŋ omejiilaŋ yoŋoo roŋ dusiita qaa iikawaa kii meria ano gbado somata moŋ ii borianoŋ meŋ kamaaro.

Isaisaaŋ 4:3

Raroti, iwaa jaasewaŋaa asasaganoŋ mono taronjii me kowonjiŋ qata jaspa ano qilimomoso bumbuŋa me kowonjiŋ qata karnilian iikawaa so bilibiliawo asariŋ ero. Mariloloŋ moŋ tere mundaya mumuŋ kaawoya me kowonjiŋ qata emerald kaaŋa kanoŋ jiŋkaroŋ duŋ ii kuuya liligoŋ toŋgoniŋ ero.

Isaisaaŋ 5:2

Kaaŋagadeeŋ Siwe gajoba esuŋmumuyawo moŋ iibe kotakotagadeeŋ qama buju qaa kokaeŋ qisiŋ jero, “Moronoŋ soraaya soro kolooŋ saanoŋ tere pipipipiiya koi kawaa muŋgeŋ aasoya (siil) menjurama kotumbaatiwaa so kolooja?”

Isaisaaŋ 8:13

Kaeŋ kolooro eu uuŋ tuu kooŋ moŋ iima mobe kanakeewaŋanoŋ eu elelaoŋ sombiŋ biiwianoŋ kotoŋ kaŋ kotakotagadeeŋ qama kokaeŋ jero, “Oo ejemba namonoŋ laligojuti, Siwe gajoba karooŋ yoŋonoŋ mono toroqeŋ romoŋgia qaita moŋ uuwombaajoŋ anju. Romoŋ karooŋ iikawaa otoŋgia mogi lombo kanjaŋawo karooŋ koloowaati, iikawaajoŋ mono qama wanjinjiŋgoŋ ‘Yei! Yei! Yei!’ jeŋ saajeŋ.” Kiaŋ.