2 Timɔte 3:16 - Maketuru le Lubba ke tar kabba

¹⁶ Tar tɔyn ke n̂-dda Maketuru te le in rɔ Lubba te, ngaa Maketuru le to mba tɔju tar ke tɔkɔrɔ dewje, mba kare dew gere majang laa, mba mɔse pa-nja le dew kare to ke danna, mba tɔju ddew ke gate gate dew.

Dɔnɔn kə̂ Siki: Tar kə̂ aw arə təbbə

¹⁶ Tar tɔyn kə̂ n̂-dda Makəturu tə̂ le in rɔ Lubba tə̂ ngaâ Makəturu le to mba tɔju dəwje tar kə̂ tɔkɔrɔ, mba karə dəw gərə majang laa, mba gɔl pa-nja lə dəw karə to kə dannâ, mba tɔju dəw ddəw kə̂ gatə gatə.

2 Timɔte 3:16 Iomraidhean Croise

Matiye 13:52

N̂-pa narede na: «Mba yeenn a, nje-kɔru gel ndu ke gere neje ke dɔ Bbe-kɔn te ke darâ to ddew kara baa ke nje-key ke oto neje ke siki ke konn neje me dam te laa tee ne.»

Matiye 21:42

Goe te a, Jeju dujude na: «E-turaje tar ke Maketurute le Lubba pa neenn ndɔ kara ang bbay wa? Tar le na: ‹Er ke nje-kɔsuje key mbeteje, tel ddee to singa gɔl key ke dungu nangê. To ne ke Ebbe-dewje a dda, ngaa kura nya kemje te.›

Matiye 22:43

Jeju pa arede na: «Yeenn a, toke baann bba Ndil ddusu me Dabbiti a tel bbar Mesi le to ‹Ebbeeje› wa? Dabbiti le pa na:

Matiye 26:54

A bbo m-dda toke baann a, tarje ke Maketurule Lubba pa le a ddeeje to ne ke tɔkɔrɔ toke baann wa? Maketuru le pa na maji kare neenn le to toke baann.»

Matiye 26:56

A nejeenn tɔyn teeje kare tar ke nje-kilaje mber-tar le Lubba paje me Maketurute le ddeeje ne to ne ke tɔkɔrɔ.» Yeenn ngaa nje-njaje-go Jeju te le tɔyn njaa aynje inyaeje.

Marke 12:24

Jeju ilade te na: « E-ndemje ddew, mba e-gereje Maketuru le Lubba ang ddem, e-gereje singa-mɔngu le Lubba ang ddem.

Marke 12:36

Dabbiti njaa kara, toke Ndil-me-nda ddusu mee a, pa na: Ebbe-dewje Lubba pa are Ebbemje na: ‹E-ddee isi dɔ ji-kɔlum te, ndereng ta mungu nje-baanji lei kɔy gɔli te bba.›

Kulaje 1:16

«Ngakɔmje, ne ke Ndil-me-nda unda ta Dabbiti te are pa maketuru te le Lubba ddee to ne ke tɔkɔrɔ. Tar le na Judase a tel to nje-kunn nɔ dewje ke uwaje Jeju.

Kulaje 18:25

N̂-tɔje ddew le Ebbe-dewje toke kete are ninga singa ngaa n̂-tɔju ne dɔ Jeju te ke dɔgɔle. A batem le Jan kara baa a n̂-gere.

Kulaje 20:20

Ne kara ke a ddase maji ke m-tɔjuse ang goto. M-pa neje tɔyn marese ddem m-tɔjuse ne kem dewje te ddem me keyje te lese te ddem.

Kulaje 20:27

Mba miyase mare ne ang, m-tɔjuse ne tɔyn ke Lubba mɔse ta dda.

Kulaje 28:25

Horode te tar lede aw naa te ang ngaa kare te ke da ta kɔtuje a, Pɔl pa tar kara na: «Tar ke Ndil-me-nda pa are kajeje ddew te le Nje-kila mber-tar le Lubba Ijayi neenn to tar ke tɔkɔrɔ. Ndil-me-nda pa na:

2 Timɔte 2:25

Maji kare n̂-tɔju ddew dewje ke aw maynje saa tar ke gɔsu ke wul pe. A du ang Lubba a dda kare n̂-turuje ddew lede mba gere tar ke tɔkɔrɔ.

2 Timɔte 4:2

ta kare ila mber tar le Lubba, e-tel dɔe te ke kare tɔyn, ke kare ke maji ddem ke kare ke maji ang ddem. Maji kare e-tɔjude majang lede, e-ndangede, e-tɔ wuri e-ndejede ngaa ee ke bbo ne-tɔju.