2 Timɔte 2:21 - Maketuru le Lubba ke tar kabba

²¹ Dew ke inya ne-ddaje ke maji ang ke m-pa tare neenn a, na to jo ke daw ngem mba ndɔ kusu, da kundae dang mba kula le Lubba. Ebbe-dewje a kunne mba dda ne kula, na to ngɔsi mba dda kulaje tɔyn ke maji.

Dɔnɔn kə̂ Siki: Tar kə̂ aw arə təbbə

²¹ D əw kə̂ inya nɛ̂n-ddaje kə̂ maji ang kə̂ m-pa tarɛ̂ nəənn a, nâ to sambe kə̂ daw ngəm mba ndɔ kusu, dâ kundɛ̂ dang mba kula lə Lubba. Əbbə-dəwje a kunnɛ̂ mba dda nɛ̂n kula, nâ to ngɔsi mba dda kulaje tɔyn kə̂ maji.

2 Timɔte 2:21 Iomraidhean Croise

Kulaje 9:15

A Ebbe-dewje pa na: «Aw, mba dew neenn le to dew ke mundae dang kare n̂-dda nare dewje ke toje to Jiipije ang, ke tɔku-mbayje lede, ke ngann Ijarayelje gereje rim.

1 Timɔte 6:11

A ei dew le Lubba, e-mbete nejeenn ddew ew, ngaa e-sange ddew ta to gate gate, ta bbel Lubba, ta kuwa koo-mete kare ngeng, ta ndiki ngamarije, ta tɔ wuri ngaa e-ddee to dew ke wul pe ke dewje.

2 Timɔte 2:16

E-mbete ta kunda bula ke baa, mba dewje ke aw undaje bula baa le aw inyaje Lubba jann jann.

2 Timɔte 2:20

Jo ke n̂-dda ke ande, ke nare dɔrɔ a to me tɔke key te ang. Jo ke n̂-dda ke kake, ke anji to me key te le tɔ. Mare joje to mba ndɔ kusu, a keseje to mba dda ne kula ke baa.

2 Timɔte 3:17

Baann bba kare dew le Lubba ubba singa ke maje, kare n̂-mɔse rɔe ke maje mba dda ne kulaje tɔyn ke maji.

2 Timɔte 4:11

Luku ke kare baa a nayn sem. E-ddee ke Marke jii te, mba n̂-to dew ke ta kulae kare dda kula le Lubba.

Titə 3:1

Ole me nje-me-kunnje tɔyn are n̂-bbeel tɔku-mbayje, ke nje-kɔn bbeje. Maji kare dooje tade ta n̂-toje ngɔsi mba dda ne tɔyn ke maji.

Titə 3:14

Maji kare kese nje-me-kunnje kara unnje rɔde tɔyn ddaje kulaje ke maji. Yeenn bba da kingaje neje ke mede ndiki ta kinga njange baa ngaa da toje to dewje ke kari baa ang.

Titə 3:8

Tar neenn to tar ke ase kare dew unda mee dɔe te. M-ndiki ta kare ar dɔe te nya, mba kare dewje tɔyn ke undaje mede dɔ Lubba te unnje rɔde mba dda kulaje ke maji uta. Yeenn to ne ke kura ngaa aw dda maji ke dewje.