1 Timɔte 2:6 - Maketuru le Lubba ke tar kabba

⁶ ke unn rɔe uka ne dɔ dewje tɔyn. Kare ase a, Kiriste pa tar naji le toke baann.

Dɔnɔn kə̂ Siki: Tar kə̂ aw arə təbbə

⁶ kə̂ unn rɔɛ̂ uka nɛ̂n dɔ dəwje tɔyn. Yeenn bba karɛ̂ asə a, Lubba dda nɛ̂ɛnn le ta tɔju to n̂-ndiki ta kaji dəwje tɔyn.

1 Timɔte 2:6 Iomraidhean Croise

Matiye 20:28

Ddew kara baa, Ngonn le dew ddee kare dewje ddeeje to nje-kulaje laa ang. N̂-ddee ta to nje-kula le dewje, ta kunn rɔe to ne-kuka dɔ dewje ke banya.»

Marke 1:15

N̂-pa na: « Kare ke Lubba ɔju le ase ngaa. Bbe-kɔn le Lubba ddee ngɔsi ngaa. E-turuje ddew lese bbo ooje mese te ke Tar ke maji.»

Marke 10:45

Mba Ngonn le dew ddee kare dewje ddeeje to nje-kulaje laa ang. N̂-ddee ta to nje-kula le dewje, ta kunn rɔe to ne-kuka dɔ dewje ke banya.

1 Timɔte 6:15

Na tel ke ndɔ ke Lubba ɔju. Lubba ke to nje-kare dewje isije ke koko, ne ke nɔn dɔ neje tɔyn, ne ke n̂-to Mbay-dɔ-tɔku-mbayje, ke Ebbe-dewje ke uta ebbe-dewje tɔyn.

2 Timɔte 1:8

E-dda rɔ-kul ta pa tar-naji le Ebbe-dewje kare dewje ang ddem e-dda rɔ-kul lem, ema ke dilam key-kula te wɔju dɔe ang. A oo sem ndoo wɔju dɔ Tar ke maji ddew singa te ke Lubba areje.

Titə 1:3

Kare ase a, Lubba tee ke tar laa le ke ddaka ddew tar te ke n̂-pa narem. Lubba ke nje-kajije le inya tar le me jim te ngaa nunn ndu narem ta kare mila mber-tar le.

Titə 2:14

Nunn rɔe njaa nare yo wɔju dɔje mba kɔruje me majang te ngaa ta toko yerew leje kare n̂-toje to dewje laa njaa ddem, kare n̂-toje to dewje ke eeje ke bbo nya mba dda kulaje ke maji ddem.

Apokalisi 1:5

Maji kare Jeju-Kiriste ke to nje tar-naji ke gate gate, ne ke n̂-to dɔngɔr dew ke ndol horo dewje te ke oy ddem, n̂-to mbay dɔ mbayje te ke nangê neenn ddem, n̂-dda ke se me-maji, ngaa narese me wul-lɔm tɔ. N̂-ndikije ngaa nɔruje me majangje te leje ddew mese te.

Apokalisi 5:9

Daw dɔsuje pa ke siki na: Ase ta taa maketuru le, ta kɔru ne ke n̂-lete ne tae. Mba n̂-toli to ne-polo. Are e-ndoko dɔ dewje tɔyn ke mesi are Lubba, dewje ke gelde to dang dang tɔyn, nje ke ndɔn-tarje lede to dang dang tɔyn, ke nje ke isije nangeje te lede kara kara tɔyn.