Lucas 3:2 - Ang bag-o nga kasugtanan

² Ang pinakamataas tana nga mga pari amo sanday Anas kag Caifas. Sa amo man dya nga tion, rugto sa naligwin nga lugar, si Juan nga bata ni Zacarias nakabaton kang mensahe halin sa Dios.

Lucas 3:2 Iomraidhean Croise

Mateo 11:7

Pagkalumbos kang mga ginsugo ni Juan, naghambal si Jesus sa mga tawo nahanungud kay Juan, “Kato anay kang mag-agto kamo kay Juan rugto sa kamingawan, ano ang ginapaabot ninyo nga makita? Kugon bala nga ginahapay-hapay kang hangin?

Mateo 26:3

Sa amo man to nga mga tinion, ang mga pangulo kang mga kaparian kag ang mga kamal-aman kang mga Judio nagtiripon sa palasyo ni Caifas nga amo ang pinakamataas nga pari,

Marcos 1:2

Nag-umpisa dya katong matuman ang ginsulat ni propeta Isaias: “Kuon kang Dios, ‘Ipadara ko una kanimo ang akun manugbalita sa pag-aman kang imong aragyan.’

Lucas 1:80

Kar-on, ang bata nga si Juan nagbahul kag naghamtung sa anang ispiritohanun nga pagkabuhi. Nagtiner tana sa kamingawan hasta sa adlaw nga magpahayag tana sa mga katawhan kang Israel.

Juan 1:23

Ginsabat sanda ni Juan kang mga tinaga nga ginhambal ni Isaias kauna, “Ako ang nagasinggitan sa may kamingawan nga nagakuon sa katawhan, ‘tadlunga ninyo ang dalan nga pagaagyan kang Ginoo.’”

Juan 18:24

Pagkatapos kato, si Jesus nga nagapos sa gihapon ginpadara ni Anas kay Caifas nga amo ang pinakamataas nga pari.

Binuhatan 4:6

Kaimaw man nanda si Anas nga amo ang Pinakamataas nga Pari, kag rugto man si Caifas, si Juan, si Alejandro, kag ang iba pa nga katapo kang panimalay kang Pinakamataas nga pari.