Juan 7:41 - Ang bag-o nga kasugtanan

⁴¹ Ang iba tana nagkuon man nga, “Tana amo run gid ang Cristo!” Pero ang iba tana nagkuon man, “Sa Galilea haw magahalin ang Cristo?

Juan 7:41 Iomraidhean Croise

Juan 1:41

Ang una nga ginhimo ni Andres ginsagap na ang anang bugto nga si Simon, kag kang nakita na si Simon nagkuon tana kadya, “Nakita run namun ang Mesias!” (Ang gusto hambalun kang tinaga nga dya Cristo.)

Juan 1:46

Nagsabat si Natanael, “May mayad bala haw nga magahalin sa banwa kang Nazaret?” Kag nagkuon si Felipe kana, “Dali bala kag sulnga.”

Juan 1:49

Kag nagkuon si Natanael, “Maestro, ikaw ang Anak kang Dios! Ikaw ang Hari kang Israel!”

Juan 4:25

Nagkuon ang bayi, “Nakamaan ako nga magaabot ang Mesias nga ginatawag Cristo. Kon mag-abot tana, isugid na kanatun ang tanan nga mga butang.”

Juan 4:29

“Dali bala kamo, sulnga ninyo ang tawo nga nagsugid kanakun kang tanan ko nga mga ginhimo! Tana run ayhan ang Cristo?”

Juan 4:42

Nagkuon sanda kadya sa bayi, “Kar-on nagtoo kami kana indi tungud kang imong ginhambal kanamun kundi tungud nga kami gid mismo ang nakabati kana. Kag naman-an run namun nga tana amo gid ang Manluluwas kang mga katawhan sa kalibutan.”

Juan 6:69

Nagatoo kami kag nakamaan nga ikaw ang Balaan nga ginpadara kang Dios!”

Juan 7:27

Ogaring kon ang Cristo tana mag-abot, wara ti may nakamaan kon sa diin tana maghalin. Pero ang tawo tana nga dya, naman-an natun kon sa diin tana maghalin.”

Juan 7:31

Bisan amo pa karia ang natabo, duro gihapon sa mga tawo ang nagtoo kana. Nagkuon sanda, “Kon mag-abot ang Cristo, sobra pa gid ayhan nga mga milagro ang anang pagahimoon sangsa ginahimo kang tawo nga dya?”

Juan 7:52

Nagkuon sanda kay Nicodemo, “Daw sa taga-Galilea man ikaw e! Usisaa bala sa Kasulatan kon indi mo masapwan rugto nga wara ti propeta nga taga Galilea.”