1 Juan 5:3 - Ang bag-o nga kasugtanan

³ Tungud hay kon ginahigugma natun ang Dios tumanun gid natun ang anang mga sugo. Kag mag-an lang sa atun buut ang magtuman kang anang mga sugo,

1 Juan 5:3 Iomraidhean Croise

Mateo 23:4

Ginatugroan nanda ang mga tawo kang mga mabudlay nga mga turumanun kag ipapas-an kananda. Pero sanda mismo wara nagabulig bisan gamay lang para nga masarangan dya idar-un kang mga tawo.

Juan 14:15

Nagkuon pa gid si Jesus, “Kon ginahigugma ninyo ako, pagatumanun ninyo ang akun mga sugo.

Juan 15:10

Kon nagatuman kamo kang akun mga sugo magapabilin kamo sa akun gugma pareho kanakun nga nagtuman ako sa sugo kang akun Amay kag nagapabilin sa anang paghigugma kanakun.

Juan 15:14

Kag kamo mga amigo nakun kon nagatuman kamo kang akun mga sugo kaninyo.

Roma 7:12

Gani nga ang Kasugoan balaan kag ang kada sugo na ka dya balaan man, matarung, kag mayad.

Roma 7:22

Sa akun gid lang tana nga kaugalingun, nalipay gid ako magsunod sa Kasugoan kang Dios.

Hebreohanun 8:10

Amo dyaay ang bag-ong kasugtanan nga akun pagahimoon para sa mga Israelenhun pagkatapos kang natabo nga to, kuon pa gid kang Ginoo. Itanum ko ang akun mga kasugoan sa andang mga panghuna-huna kag isulat ko dya sa andang mga tagipusoon. Kag ako run ang mangin anda nga Dios kag sanda mangin akun katawhan.

1 Juan 2:3

Kag masiguro gid natun nga kita nakakilala sa Dios kon nagatuman kita kang anang mga sugo.

2 Juan 1:6

Kag ang buut hambalun kang paghigugma amo nga kita nagatuman sa sugo kang Dios. Ang sugo nga dya nga inyo run man nabatian kang nagtoo kamo kay Cristo, amo nga kamo dapat maghigugmaanay.