Rɛvɛleshɔn 8:1 - Krio Fɔs Oli Baybul

¹ Wɛn di Ship opin di say we mek sɛvin we di pepa we rol bin fasin, ɛvin kwayɛt fɔ af awa.

Rɛvɛleshɔn 8:1 Iomraidhean Croise

Job 4:16

Sɔntin tinap ɛn nɔ de muf, bɔt a nɔ ebul si wetin. Sɔntin tinap frɔnt mi so ɛn di ples mek yeŋ, wantɛm a yɛri vɔys.

Di Sam Dɛm 37:7

Sidɔm, luk wetin PAPA GƆD go du; nɔ wɔri yusɛf bikɔs bad pipul de si bɛtɛ pan ɔl di bad tin dɛn we dɛn de mek ɔp fɔ du.

Di Sam Dɛm 62:1

Na PAPA GƆD nɔmɔ de mek a gɛt pis na mi sol; nain nɔmɔ de sev pɔsin.

Abakɔk 2:20

Bɔt PAPA GƆD in de nain oli os na ɛvin ɛn ɔl udat de na wɔl fɔ jɛs sɛt in mɔt ɛn luk wetin i go du.

Zɛkaraya 2:13

I se nɔ fɔ mek nɔys usay PAPA GƆD de nain os we oli.

Matyu 27:66

So dɛn tek sɔntin fasin di ston tayt na di grev domɔt, dɔn dɛn lɛf soja man dɛn fɔ gyad am.

Rɛvɛleshɔn 5:1

A si di Pɔsin we sidɔm na di fɔs ay chia we kiŋ kin sidɔm, i ol wan big big pepa we rol, nain raytan. Plɛnti tin bin rayt pan am, frɔnt ɛn bak, ɛn dɛn bin fasin am sɛvin say na di ɛj.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Rɛvɛleshɔn 6:1

Dɛn a si di Ship opin di fɔs say pan di sɛvin say dɛn we bin fasin, dɛn a yɛri wan pan dɛn fo tin we gɛt layf ala tɔk wit vɔys we sawnd lɛkɛ tɛnda se, “Kam go!”

Rɛvɛleshɔn 6:12

Dɛn a si di Ship opin di pepa we rol na di say we mek siks we bin fasin. Na de di grɔn bigin trimbul bad bad wan, di san blak, lɛkɛ dɛn tik blak klos, di mun rɛd lɛkɛ blɔd.

Rɛvɛleshɔn 6:3

Dɛn di Ship opin di sɛkɛn say we di pepa we rol, fasin; a yɛri di sɛkɛn tin we gɛt layf se, “Kam go!”

Rɛvɛleshɔn 6:5

Dɛn di Ship opin di say we mek tri we di pepa we rol, fasin; a yɛri di tɔd tin we gɛt layf se, “Kam go!” Wɛn a luk, na de a si wan blak ɔs. Di pɔsin we de rayd am ol skel we dɛn de tek fɔ we, nain an.

Rɛvɛleshɔn 6:7

Dɛn di Ship opin di pepa we rol di say we mek fo we bin fasin, ɛn a yɛri di tin we gɛt layf we mek fo, se, “Kam go!”

Rɛvɛleshɔn 6:9

Dɛn di Ship opin di pepa we rol na di say we mek fayv we bin fasin. Dɛn a si di tebul we dɛn de mek sakrifays to Gɔd, ɔnda am, a si dɛn pipul we dɛn bin kil na wɔl dɛn spirit; dɛn bin kil dɛn bikɔs dɛn bin de tɔk se Gɔd in wɔd na tru ɛn dɛn bin de tɛl pipul bɔt Gɔd.