Rɛvɛleshɔn 7:3 - Krio Fɔs Oli Baybul

³ I se, “Una nɔ pwɛl di dray grɔn, di wata ɛn dɛn tik, te wi dɔn put Gɔd in stamp pan dɛn wan we de wok fɔ am, dɛn fɔrɛd.”

Rɛvɛleshɔn 7:3 Iomraidhean Croise

Rɛvɛleshɔn 22:4

Dɛn go si Gɔd in fes, ɛn in nem go de pan dɛn fɔrɛd.

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

Rɛvɛleshɔn 9:4

Dɛn bin tɛl dɛn mek dɛn nɔ pwɛl di gras ɛn di tik dɛn ɔ ɛnitin we de gro; dɛn bin tɛl dɛn fɔ briŋ waala pan dɛn pipul nɔmɔ we nɔ bin gɛt Gɔd in stamp pan dɛn fɔrɛd.

Rɛvɛleshɔn 20:4

Wɛn dat dɔn, a si dɛn chia we kiŋ kin sidɔm fɔ rul, ɛn a si dɛn wan we bin sidɔm pan dɛn. Sɔmbɔdi bin gi dɛn pawa fɔ jɔj ɔda pipul, ɛn igen a si dɛn spirit we kɔmɔt pan dɛn pipul we dɛn bin kil na wɔl bikɔs dɛn bin de tɔk se Jizɔs na dɛn Masta ɛn dɛn bin de tɛl pipul Gɔd in mɛsej. Dɛn pipul ya nɔ bin fɔdɔm bifo di wayl bif fɔ pre to am ɛn dɛn nɔ bin pre to di tin we dɛn mek fɔ tek mɛmba ɛn rɛspɛkt am, ɛn di wayl bif in mak nɔ bin de pan dɛn fɔrɛd ɔ pan dɛn an. Dɛn gɛt layf bak, dɔn dɛn rul wit Krays fɔ wan tawzin ia.

Rɛvɛleshɔn 14:1

Wɛn dat dɔn, a si di Ship tinap pantap di ay il we dɛn kɔl Zayɔn. Wan ɔndrɛd ɛn fɔti-fo tawzin pipul bin tinap de wit am. Di Ship in nem ɛn in Papa in nem bin rayt pan dɛn fɔrɛd.

Rɛvɛleshɔn 13:16

Di sɛkɛn wayl bif fos mek dɛn put mak pan ɔlman, pan dɛn raytan ɛn pan dɛn fɔrɛd; dɛn put mak pan dɛn bigman ɛn dɛn smɔl pikin, dɛn po man ɛn dɛn wan we jɛntri, dɛn slev ɛn dɛn fribɔn.

Ɛksodɔs 12:13

Di blɔd we una go rɔb na una domɔt frem go bi sayn fɔ sho se na una de na dɛn os dɛn de. We a si di blɔd a go pas oba una ɛn nɔn pan una nɔ go day we dis waala kam na Ijipt.

Ayzaya 54:17

Nɔn wɛpɔn we dɛn mek fɔ kil yu, nɔ go wok; ɛn ɛnibɔdi we jɔj yu, yu go pruv am rɔŋ. Dis na wetin go apin to PAPA GƆD in wokman dɛn, ɛn di fri we dɛn fri to mi. Na so PAPA GƆD se.”

Rɛvɛleshɔn 19:2

I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”

Rɛvɛleshɔn 6:6

A yɛri sawnd lɛkɛ vɔys de kɔmɔt na di say we di fo tin dɛn we gɛt layf de. Di vɔys de tɔk se, “Pipul kin tek di mɔni we dɛn wok fɔ wande bay wan kɔp rɛs, ɛn dɛn kin tek da mɔni de bay tri kɔp kɔn. Bɔt ɔyl ɛn wayn go de ɔltɛm.”

Malakay 3:18

Dat tɛm de, dɛnsɛf go no udat de waka tret wit PAPA GƆD ɛn udat nɔ de du wetin i fil fɔ du, bitwin udat de du wetin PAPA GƆD want ɛn udat nɔ de du wetin PAPA GƆD want.

Ɛksodɔs 12:23

bikɔs PAPA GƆD pas insay Ijipt ɛn kil ɔl di Ijipshian dɛn fɔs-bɔy-pikin. I se, we PAPA GƆD si di blɔd na una domɔt nɔ go mek di enjɛl we de fɔ kil go insay una os ɛn kil una fɔs-bɔy-pikin dɛn.

Jɔn 12:26

Ɛnibɔdi we want wok fɔ mi, fɔ du wetin a tɛl am fɔ du, so dat i go de wit mi ɛni say we a de. Pantap dat mi Papa go mek ɛnibɔdi we de wok fɔ mi gɛt ɔna.

Matyu 24:22

If Gɔd nɔ mek da tɛm de shɔt, wan mɔtalman nɔ go lɛf na di wɔl; bɔt Gɔd go mek da tɛm de shɔt fɔseka dɛn pipul we i dɔn pik fɔ sev.

Zɛfinaya 2:3

Ɔl udat de du wetin PAPA GƆD want fɔ kɔntinyu fɔ du so, dɛn fɔ mek shɔ se dɛn de waka tret wan wit PAPA GƆD ɛn put dɛnsɛf dɔŋ fɔ du wetin i want, sɔntɛm we i de jɔj i go sɔri fɔ dɛn.

Ayzaya 65:8

Na dis PAPA GƆD se: “Lɛk we wayn de na bɔnch greps ɛn dɛn kin se, “Nɔ pwɛl am, bikɔs blɛsin de pan am,’ na so a go du fɔseka mi wokman, ɛn nɔ nyakanyaka dɛn ɔl.

Ayzaya 27:8

Smɔl smɔl, na we dɛn de ɛgzayl yu de ebul sho dɛn wetin yu want; I pul dɛn kɔmɔt de wit in ebi blo di de we di briz we de kɔmɔt na di ist, de blo.

Ayzaya 6:13

Ɔlwe na tɛn pasɛnt go stil tap de, dɛn go bɔn am bak, lɛk dɛn tɛrɛbin tik ɔ kɔtintri, we di af kin stil tinap de we dɛn kɔt di tik.” Na di oli sid nain stɔmp.

Lɛta Fɔ Rom 6:22

Bɔt naw Gɔd dɔn fri una, mek sin nɔ gɛt pawa fɔ rul una igen; una de lɛkɛ slev to Gɔd naw, so una dɔn gi Gɔd ɔl una layf ɛn una dɔn gɛt layf we go de sote go.

Matyu 24:31

Trɔmpɛt go blo lawd wan, dɔn i go sɛn in enjɛl dɛn ɔlɔbɔt na wɔl frɔm wan ɛnd to di ɔda fɔ gɛda dɛn pipul we i dɔn pik fɔ bi in yon, ɛn briŋ dɛn kam to am.

Daniɛl 6:16

Nain di kiŋ gi ɔda, ɛn dɛn go tek Daniɛl ɛn trowe am insay usay dɛn layɔn dɛn de. Di kiŋ tɛl Daniɛl se, “Yu PAPA GƆD we yu de wok fɔ ɔltɛm, go sev yu ya!”

Daniɛl 3:26

Nain Nɛbyukadnɛza kam nia di domɔt na di big big ovin we faya bin de kech bad bad wan ɛn se, “Shedrak, Mishak ɛn Abɛdnigo, PAPA GƆD we ay pas ɔl, in wokman dɛn, una kɔmɔt na di faya, ɛn kam na ya!” Nain Shedrak, Mishak ɛn Abɛdnigo kɔmɔt insay di faya ɛn kam na do.

Daniɛl 3:17

I na so i fɔ bi, we PAPA GƆD we wi de wok fɔ go ebul sev wi kɔmɔt na di faya we de insay da big big ovin we faya de kech bad bad wan; ɛn i go pul wi kɔmɔt na yu an.

Izikɛl 9:6

kil ol man, yɔŋ man, yɔŋ gyal we nɔ no man yet, lili pikin ɛn uman dɛn, bɔt nɔ tɔch ɛni wan we get di mak. Una bigin na mi os.” So dɛn bin bigin wit di bigman dɛn we bin de bifo PAPA GƆD in os.

Jɔn 3:33

Ɛnibɔdi we put at pan wetin i se, dɔn sho se na tru Gɔd tɔk.

Rɛvɛleshɔn 7:1

Wɛn dat dɔn, a si fo enjɛl dɛn tinap na di fo kɔna dɛn na di wɔl. We dɛn tinap de, dɛn bin de tap di briz we bin want fɔ blo kɔmɔt na di fo kɔna dɛn na di wɔl, mek dɛn nɔ blo pan di dray grɔn ɔ pan di wata ɔ pan dɛn tik.

Rɛvɛleshɔn 7:2

Wɛn dat dɔn, a si ɔda enjɛl kɔmɔt na di say we di san de kɔmɔt. I bin ol Gɔd, we gɛt layf sote go, in stamp. I ala lawd wan tɔk to di fo enjɛl dɛn we Gɔd bin gi pawa fɔ pwɛl di wata ɛn di dray grɔn we de na di wɔl.

Rɛvɛleshɔn 13:17

Nɔbɔdi nɔ bin ebul bay ɔ sɛl ɛnitin pas nɔmɔ i gɛt da mak de, dat na di wayl bif in nem ɔ di nɔmba we tinap fɔ di nem.

Rɛvɛleshɔn 14:9

Wan ɔda enjɛl we mek tri, kam, i bin de ala lawd wan se, “Ɛnibɔdi we de pre to di wayl bif ɛn di tin we dɛn mek fɔ de tek mɛmba ɛn rɛspɛkt am, ɛn we gri mek dɛn put in mak pan in fɔrɛd ɔ pan in an,