Rɛvɛleshɔn 4:2 - Krio Fɔs Oli Baybul

² Wantɛm, Gɔd in Spirit kam pan mi; na de a si wan ay chia we kiŋ kin sidɔm pan, a si sɔmbɔdi sidɔm pan am.

Rɛvɛleshɔn 4:2 Iomraidhean Croise

1 Kiŋ 22:19

Maykaya tɛl di kiŋ se lɛ i lisin naw to wetin PAPA GƆD gɛt fɔ se; i se in si PAPA GƆD sidɔm nain chia wit ɔl dɛn enjɛl dɛn de rawnd am; sɔm de nain lɛfan, sɔm nain raytan; dɔn i aks se,

Di Sam Dɛm 11:4

PAPA GƆD de nain os we oli; PAPA GƆD sidɔm na ɛvin de rul. Natin nɔ de we i nɔ no; i no ɛn de si ɔl wetin mɔtalman de du.

Ayzaya 6:1

Di ia we kiŋ Uzaya day, a si PAPA GƆD sidɔm na tron, ay wan ɛn i bin de pantap ɔltin; di lɔŋ pat pan in klos we de drɛg biɛn, fulɔp di wanol tɛmpul.

Jɛrimaya 17:12

Wan gloriɔs tron we de pantap mawnten frɔm di biginin, na di ples we wi fɔ pre to PAPA GƆD.

Izikɛl 1:26

Ɔp na di klawd oba dɛn ed, sɔntin bin de de lɛk tron we fiba dayamɔn, ɛn sɔntin we tan lɛk mɔtalman bin sidɔm na di tin we tan lɛk tron.

Izikɛl 1:28

Di braytnɛs we bin de rawnd am bin tan lɛk rembo we kin de na di klawd we ren kɔt. Na so i fiba lɛk we PAPA GƆD in glori kin apia. We a si am, a butu na grɔn, ɛn a yɛri vɔys de tɔk.

Izikɛl 10:1

Nain a luk ɛn a si sɔntin lɛk Dayamɔn apia na di skay we bin de oba di Chɛryubim in ed, ɛn i bin shep lɛk tron.

Daniɛl 7:9

As a bin de luk, nain dɛn kan put tron dɛn ɛn di wan we bin dɔn de lɔlɔntɛm, kam sidɔm; in klos bin wayt lɛk sno, ɛn in ia nain ed tan lɛk tru tru wul; na faya dɛn tek mek in tron, ɛn in wil dɛn na faya we de kech.

Matyu 22:43

Jizɔs se, “Wɛl, wetin bin mek Gɔd in Spirit mek Devid kɔl am ‘Masta?’ Devid se,

Di Ibru Pipul Dɛn 8:1

Di tin we wi de kam tɛl una so, impɔtant pas ɔl: Di edman we de mek sakrifays fɔ pipul sin, we wi gɛt, na Jizɔs we sidɔm na Gɔd we de rul wit pawa na ɛvin, in raytan.

Rɛvɛleshɔn 1:10

Wan Sɔnde, Gɔd in Spirit kam pan mi, nain a yɛri vɔys de tɔk lawd wan lɛkɛ trɔmpɛt biɛn mi.

Rɛvɛleshɔn 12:5

I nɔ tu te, di uman bɔn wan bɔy pikin, we go rul oba ɔl dɛn neshɔn wit staf we dɛn tek ayɛn mek. Bɔt sɔmbɔdi jɔg di pikin rɔn kɛr am go to Gɔd we sidɔm na di ay chia we kiŋ kin sidɔm fɔ rul.

Rɛvɛleshɔn 17:3

Di Spirit fɔdɔm pan mi, na de di enjɛl kɛr mi go na wan dɛzat. Dɛn a si wan uman sidɔm pan wan rɛd wayl bif we bin gɛt sɛvin ed ɛn tɛn ɔn; ɔlɔbɔt nain bɔdi plɛnti bad nem dɛn we nɔ sho rɛspɛkt fɔ Gɔd, bin rayt.

Rɛvɛleshɔn 19:4

Dɛn di twɛnti-fo bigman ɛn dɛn fo tin we gɛt layf fɔdɔm bifo Gɔd we bin sidɔm pan di chia we kiŋ kin sidɔm fɔ rul ɛn prez am fɔ in pawa, ɛn se, “Emɛn! Aliluya, lɛ wi prez Gɔd!”

Rɛvɛleshɔn 20:11

Wɛn dat pas, na de a si wan big wayt chia we kiŋ kin sidɔm fɔ rul ɛn di pɔsin we sidɔm pan am. Ɛvin ɛn di wɔl jɛs lɔs bifo am; nɔbɔdi nɔ si dɛn igen.

Rɛvɛleshɔn 21:10

Gɔd in Spirit kam pan mi, na de di enjɛl tek mi go ɔp wan ay ay il. Wɛn wi rich de, di enjɛl sho mi Gɔd in tɔŋ we dɛn kɔl di nyu Jerusɛlɛm as di tɔŋ de kɔmɔt to Gɔd na ɛvin kam dɔŋ.

Rɛvɛleshɔn 21:5

Dɛn di pɔsin we sidɔm na di chia we kiŋ kin sidɔm fɔ rul, se, “Luk, a de mek ɔltin nyu!” Dɛn i se, “Rayt dɛn wɔd ya dɔŋ, bikɔs dɛn na tru ɛn pipul kin biliv dɛn.”

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Rɛvɛleshɔn 4:10

di twɛnti-fo bigman dɛnsɛf kin fɔdɔm bifo di wan we go de sote go, we bin sidɔm pan di ay chia we kiŋ kin sidɔm pan, ɛn dɛn kin bigin prez am; dɛn kin pul dɛn krawn na dɛn ed ib dɛn bifo di ay chia; dɔn dɛn kin siŋ se,

Rɛvɛleshɔn 4:5

Laytin bin de flash, tɛnda bin de rol, plɛnti nɔys bin de na di say we di fɔs ay chia bin de, di sɛvin lamp dɛn bin layt frɔnt di chia, dɛn lamp ya na Gɔd in sɛvin spirit dɛn.

Rɛvɛleshɔn 4:9

Wɛn dɛn fo tin ya we gɛt layf de prez di wan we go de sote go, we sidɔm pan di ay chia we kiŋ kin sidɔm, wɛn dɛn de sho am di rɛspɛkt we dɛn gɛt fɔ am ɛn tɛl am tɛnki,

Rɛvɛleshɔn 5:1

A si di Pɔsin we sidɔm na di fɔs ay chia we kiŋ kin sidɔm, i ol wan big big pepa we rol, nain raytan. Plɛnti tin bin rayt pan am, frɔnt ɛn bak, ɛn dɛn bin fasin am sɛvin say na di ɛj.

Rɛvɛleshɔn 5:13

Dɛn a yɛri ɔl dɛn tin we gɛt layf na ɛvin, na dis wɔl ɛn na di wɔl we de ɔnda dis wɔl, ɛn ɔltin we de na wata, dɛn ɔl de siŋ se, “Wi fɔ prez ɛn rɛspɛkt di wan we sidɔm pan di ay chia we kiŋ kin sidɔm pan ɛn di Ship, wi fɔ sho se dɛn wɔndaful ɛn dɛn gɛt pawa we go de sote go!”

Rɛvɛleshɔn 6:16

Frɔm di ples we dɛn bin de na di ay il dɛn, dɛn bin de ala tɛl dɛn il ɛn dɛn big ston se, “Fɔdɔm pan wi, una ayd wi mek di wan we sidɔm pan di ay chia we kiŋ kin sidɔm nɔ si wi ɛn mek di vɛks we di Ship vɛks nɔ kam pan wi!