Rɛvɛleshɔn 2:3 - Krio Fɔs Oli Baybul

³ Pan ɔl we una dɔn sɔfa plɛnti bikɔs una de fala mi, una de bia ɛn una nɔ lɛf fɔ fala mi.

Rɛvɛleshɔn 2:3 Iomraidhean Croise

Di Sam Dɛm 37:7

Sidɔm, luk wetin PAPA GƆD go du; nɔ wɔri yusɛf bikɔs bad pipul de si bɛtɛ pan ɔl di bad tin dɛn we dɛn de mek ɔp fɔ du.

Di Sam Dɛm 69:7

Na fɔ pliz yu mek a de bia ɔl dis nambara di shem ɛn disgres tumɔs fɔ mi.

Mayka 7:9

Na fɔ bia wetin PAPA GƆD gɛt fɔ du bikɔs dɛn dɔn sin to am. I go fɛt fɔ dɛn ɛn mek ɔl udat fɔ gɛt rayt gɛt rayt. Dɔn i go mek ɔlman si wetin i du we i go sev dɛn.

Mak 15:21

We dɛn de go, dɛn mit wan man we nem Saymɔn we bin kɔmɔt na wan vilej de go na di tɔŋ. Saymɔn na bin Alɛgzanda ɛn Rufɔs dɛn papa. I bin bɔn na Sayrini. Di soja man dɛn fos am fɔ tot di krɔs fɔ Jizɔs.

Lyuk 14:27

Ɛnibɔdi we nɔ ebul tot in krɔs, na pɔsin we nɔ ebul fɔ sɔfa ɛn day fɔseka Mi ɛn du ɔl wetin a de du; da pɔsin de nɔ go bi mi lanin bɔy.

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Lyuk 21:19

If una bia ɛn tinap traŋa, una go gɛt tru layf.

Lyuk 5:5

Saymɔn Pita se, “Masta, wi dɔn wok traŋa ol nɛt ɛn wi nɔ kech natin, bɔt as na so yu se, a go sɛn di nɛt.”

Lyuk 8:15

Dɛn sid we fɔdɔm na gud grɔn na dɛn pipul we yɛri Gɔd in wɔd; dɛn kip di wɔd na dɛn at ɛn du wetin Gɔd in wɔd se. Dɛn nɔ tap fɔ biliv pan ɔl we Setan tray dɛn ɛn dɛn mek plɛnti ɔda pipul biliv.

Jɔn 15:21

Bɔt dɛn go du una ɔl dɛn tin ya bikɔs una na mi yon pipul, ɛn dɛn nɔ no di wan we sɛn mi.

Lɛta Fɔ Rom 12:12

Una fɔ gladi ɔltɛm bikɔs una abop pan Gɔd, una fɔ bia wɛn trɔbul mit una; ɛn una fɔ de pre ɔltɛm.

Lɛta Fɔ Rom 16:12

A de tɛl Trayfina ɛn Trayfosa, we de wok fɔ di Masta, adu; ɛn mi gud padi Pasis, we dɔn wok plɛnti fɔ di Masta.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Lɛta Fɔ Rom 8:25

Bɔt if wi de abop fɔ tin we wi nɔ si yet, wi go bia wet fɔ am.

1 Kɔrint 13:7

Una go ebul bia ɔltin we pipul du una; una go biliv gud tin bɔt pipul ɔltɛm; una go de abop ɔltɛm se bɛtɛ go fala dɛn; ɛn una nɔ go tap fɔ lɛk una kɔmpin mɔtalman wɛn tin traŋa.

1 Kɔrint 16:16

mek una fala dɛn kayn lida ya, ɛn ɛni ɔda pɔsin we de wok wit dɛn traŋa wan.

2 Kɔrint 10:15

Wi nɔ de bost bɔt wetin ɔda pipul dɔn du; wi de abop se aw una de biliv Gɔd mɔ ɛn mɔ, na so wisɛf go de ɛp una mɔ ɛn mɔ.

2 Kɔrint 11:23

Dɛn na Krays in savant? I tan lɛkɛ se na kresman de tɔk, bɔt mi na bɛtɛ savant pas dɛn! A de wok pas dɛn fawe, a dɔn go jel plɛnti tɛm pas dɛn, dɛn dɔn bit mi pas dɛn, day dɔn mis mi plɛnti tɛm pas dɛn.

2 Kɔrint 4:1

We Gɔd dɔn sɔri fɔ wi ɛn gi wi dis wok ya fɔ du, wi nɔ go gri mek ɛnitin mek wi at pwɛl.

2 Kɔrint 4:16

Na di rizin dis we mek wi nɔ de gri mek wi at pwɛl ɛn tap fɔ wok. Pan ɔl we wi bɔdi de wes, nyu layf de kam insay wi ɛvri de.

2 Kɔrint 5:9

Bɔt, wɛda na dis os wi de ɔ na di os na ɛvin, di tin we wi want pas ɔl na fɔ du dɛn tin we go mek di Masta satisfay wit wi.

2 Kɔrint 6:5

wɛn pipul bit wi, wɛn wi go jel, wɛn strayk bɔs pan wi, wɛn wi wok te wi nɔ ebul igen, wɛn wi nɔ de slip ɛn wɛn wi nɔ gɛt tin fɔ it.

Lɛta Fɔ Galeshya 6:2

Una fɔ de ɛp pipul wɛn tin de mɔna dɛn, wɛn una du dat, dat go sho se una de du wetin Krays tɛl una fɔ du.

Lɛta Fɔ Galeshya 6:9

So una lɛ wi nɔ taya fɔ du gud, if wi nɔ taya fɔ du gud, di tɛm go kam we wi go gɛt di pe.

Lɛta Fɔ Filipay 2:16

Una fɔ de tɛl dɛn Krays in wɔd we de gi layf, so dat di de we Krays go kam a go fil prawd, bikɔs ɔl di wok we a dɔn wok wit una nɔ go fɔ natin.

Lɛta Fɔ Filipay 4:3

Ɛn yu, we na mi tru wokmet, a want mek yu ɛp dɛn tu uman ya, bikɔs dɛn dɔn wok an to an wit mi traŋa wan fɔ prɛd di Gud Nyuz ɔlɔbɔt. Dɛn wok wit mi lɛkɛ aw Klɛmɛnt ɛn sɔm ɔda pipul dɛn ɛp mi pan di wok, ɛn Gɔd dɔn rayt dɛn ɔl nem na di buk we dɛn pipul we gɛt layf sote go dɛn nem de.

Lɛta Fɔ Kɔlɔse 1:11

A de pre mek Gɔd mek in wɔndaful pawa mek una gɛt maynd so dat una go ebul bia ɔltin.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Fɔs Lɛta Fɔ Tɛsalonayka 2:9

Wi brɔda dɛn, a no se una mɛmba aw wi bin de lebɔ traŋa wan! Wi bin de lebɔ de ɛn nɛt so dat una nɔ go gɛt fɔ wɔri fɔ gi wi mɔni, wɛn wi bin de tɛl una di Gud Nyuz we Gɔd tɛl wi.

Fɔs Lɛta Fɔ Tɛsalonayka 5:12

Wi brɔda dɛn, wi de beg una fɔ rɛspɛkt una lida dɛn we de wok wit una, dɛn wan we Gɔd dɔn pik fɔ sho una aw una fɔ liv naw we una dɔn bi Kristiɛn ɛn fɔ tɛl una wetin fɔ du.

Sɛkɛn Lɛta Fɔ Tɛsalonayka 3:13

Mi Kristiɛn pipul dɛn, una nɔ taya fɔ du gud.

Sɛkɛn Lɛta Fɔ Tɛsalonayka 3:5

A de pre mek di Masta sho una mɔ ɛn mɔ aw Gɔd lɛk una ɛn mek i mek una no gud gud aw Krays dɔn bia ɛn aw i de mek una bia.

Sɛkɛn Lɛta Fɔ Tɛsalonayka 3:8

Wi bin mek pipul ɛp wi, bɔt wi bin de pe dɛn fɔ ɔl di it we dɛn bin de gi wi. Wi bin de wok traŋa wan; wi bin de wok de ɛn nɛt bikɔs wi nɔ bin want fɔ mek ɛni wan pan una pul mɔni fɔ ɛp wi.

Fɔs Lɛta To Timoti 4:10

Na dat mek wi de wok traŋa wan ɛn wi de tray, bikɔs wi abop pan Gɔd we gɛt layf sote go, we de fɔ sev ɔlman, ɛn mɔso, dɛn wan we biliv pan Krays.

Fɔs Lɛta To Timoti 5:17

Dɛn bigman we de du dɛn chɔch lida wok gud, pati kla di wan dɛn we de wok traŋa wan fɔ tɛl pipul bɔt Gɔd ɛn tich, fɔ gɛt gud pe ɛn rɛspɛkt.

Di Ibru Pipul Dɛn 10:36

Una gɛt fɔ bia, so dat una go du wetin Gɔd want, ɛn una go gɛt wetin i dɔn prɔmis una.

Di Ibru Pipul Dɛn 12:1

Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod.

Di Ibru Pipul Dɛn 13:13

So, una lɛ wi kɔmɔt insay di tɔŋ ɛn fala Jizɔs, ɛn bia di shem sɛf we i sɔfa na di krɔs.

Di Ibru Pipul Dɛn 6:10

Gɔd nɔ de du ɛnibɔdi bad, so i nɔ go fɔgɛt di wok we una dɔn du, ɛn i nɔ go fɔgɛt di lɛk we una lɛk am we una bin ɛp una kɔmpin Kristiɛn dɛn, ɛn aw una stil de ɛp dɛn.

Di Ibru Pipul Dɛn 6:12

Wi nɔ want fɔ mek una lezi, bɔt wi want una fɔ bi lɛkɛ dɛn pipul we biliv pan Gɔd, we de bia, bikɔs dɛn na di wan dɛn, we go gɛt ɔl wetin Gɔd bin dɔn prɔmis fɔ gi in pipul dɛn.

Di Ibru Pipul Dɛn 6:15

Bikɔs Gɔd bin dɔn prɔmis dat, Ebraam nɔ bin dawt, so i gɛt ɔl wetin Gɔd bin dɔn prɔmis se i go gi am.

Pita In Sɛkɛn Lɛta 1:6

Pantap dat, una fɔ ebul kɔntrol unasɛf; pantap dat, una fɔ de bia, ɛn pantap dat una layf fɔ sho se una na Gɔd pipul.

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.