Rɛvɛleshɔn 10:1 - Krio Fɔs Oli Baybul

¹ Wɛn dat dɔn, na de a si wan ɔda enjɛl we gɛt pawa kɔmɔt na ɛvin kam dɔŋ. Klawd bin kɔba am lɛkɛ klos, rembo bin de rawnd in ed; in fes bin de shayn lɛkɛ di san, ɛn in fut dɛn bin fiba faya we tinap tret tret wan lɛkɛ post.

Rɛvɛleshɔn 10:1 Iomraidhean Croise

Di Sam Dɛm 104:3

ɛn mek di say we yu tap fayn bɔt ay pas di klawd sɛf. Yu de mek di briz kɛr yu usay yu want fɔ go as yu de tek di klawd mek yu karej.

Di Sam Dɛm 97:2

Nɔbɔdi nɔ de si am; bɔt ɔlman no se wɛn i de rul, i de rul tret wan.

Ɛksodɔs 16:10

We Erɔn bin de tɔk to di pipul dɛn, dɛn tɔn dɛn ed de luk to di say we di di ɛmti ples we pɔsin nɔ go ebul tap na bin de, nain wantɛm dɛn si layt na di klawd de shayn. Na PAPA GƆD apia to dɛn so.

Sɔlɔmɔn In Siŋ Dɛm 5:15

In lɛg dɛn na wayt mabul pila we dɛn fiks insay gold sɔkɛt dɛn. I fiba lɛk Libanɔn, i fayn lɛk dɛn soba sida tik.

Ayzaya 19:1

Wetin PAPA GƆD se go apin to Ijipt. Una luk o, PAPA GƆD de rayd pantap wan klawd we gɛt spid ɛn kam na Ijipt; di laylay gɔd dɛn na Ijipt go trimbul bifo am ɛn di Ijipshian dɛn go wan day wit fred.

Ayzaya 54:9

“Bikɔs, to mi, dis na lɛk Noa in tɛm: lɛk aw a bin swɛ se di wata we bin kam Noa in tɛm nɔ fɔ ɛva kam na di ath igen, na so a dɔn swɛ se a nɔ go veks pan una igen ɛn nɔ go tɔk pan una igen

Lamɛnteshɔn 3:44

yu so mek yusɛf agens wi dat ivin we wi pre, yu nɔ de ebul yɛri wi.

Izikɛl 1:28

Di braytnɛs we bin de rawnd am bin tan lɛk rembo we kin de na di klawd we ren kɔt. Na so i fiba lɛk we PAPA GƆD in glori kin apia. We a si am, a butu na grɔn, ɛn a yɛri vɔys de tɔk.

Daniɛl 10:6

In bɔdi bin tan lɛk dayamɔn, ɛn in fes de shayn lɛk Laytin. In yay dɛn tan lɛk tɔch layt ɛn in an ɛn lɛg dɛn tan lɛk dɛn bras we dɛn pɔlish we de shayn, ɛn wɛn i de tɔk, in vɔys bin tan lɛk we big big krawd de mek nɔys.

Daniɛl 7:13

Insay di vishɔn dɛn na nɛt, a si pɔsin insay di klawd dɛn we de ɔp, pɔsin we tan lɛk mɔtalman, nain i kam to di Enshɛnt ɔf Dez ɛn dɛn sho am to am.

Lɛvitikɔs 16:2

I se Mozis fɔ tɛl in brɔda we na Erɔn se nɔto ɔltɛm i fɔ jɛs de go biɛn di do klos we ɛŋ insay di ples we oli pas ɔl, we na de di Ak ɔf di Kɔvinant in kɔba de, ɔ nɔ so i go day bikɔs in kin apia insay klawd ɛn sidɔm de.

Matyu 17:2

Aw dɛn de luk, nain Jizɔs chenj na dɛn yay, in fes bigin shayn lɛkɛ di san, ɛn in klos bin wayt lɛkɛ brayt layt.

Lyuk 21:27

Da tɛm de, ɔlman go si we Mɔtalman Pikin de kɔmɔt na klawd ɛn kam na wɔl wit pawa ɛn brayt brayt layt go de shayn rawnd am.

Apɔsul Dɛn Wok 26:13

Kiŋ Agripa, wan santɛm, a bin de na rod de go Damaskɔs wɛn wan brayt layt shayn pan wi. Dis layt ya bin kɔmɔt ɔp klawd ɛn i bin brayt pas san.

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Rɛvɛleshɔn 18:1

Wɛn dat dɔn, a si wan ɔda enjɛl kɔmɔt na ɛvin kam dɔŋ na wɔl, i bin gɛt wɔndaful pawa. Di layt we bin de shayn pan am, layt ɔl dɛn ples na wɔl.

Rɛvɛleshɔn 18:21

Wɛn dat dɔn, wan enjɛl we gɛt plɛnti pawa pik wan big big ston lɛkɛ pɛpɛ ston ib am insay di wata, i se, “Na semwe so dɛn go ib da big tɔŋ we nem Babilɔn dɔŋ ɛn brok am, ɛn nɔbɔdi nɔ go si am igen.

Rɛvɛleshɔn 20:1

Wɛn dat dɔn, a si wan enjɛl de kɔmɔt na ɛvin kam dɔŋ. I bin ol di ki fɔ tek opin di ol we nɔ gɛt bɔtɔm, ɛn i bin ol wan ebi chen.

Rɛvɛleshɔn 4:3

Di pɔsin in fes bin de shayn lɛkɛ dayamɔn ɛn lɛkɛ wan ɔda shayn ston we dɛn kɔl rubi. Rembo we de shayn lɛkɛ da fayn ston we dɛn kɔl ɛmirald bin de rawnd di ay chia.

Rɛvɛleshɔn 5:2

Dɛn a si wan enjɛl we gɛt pawa, i de tɔk lawd wan se, “Udat fit fɔ pul di tin dɛn we dɛn tek fasin dis pepa ya so dat i kin opin am?”

Rɛvɛleshɔn 8:13

A luk bak, na de a yɛri wan igul we de flay tɔk lawd wan se, “Woyo, woy! Big big waala gɛt fɔ fɔdɔm pan dɛn pipul we de na wɔl wɛn di tri enjɛl dɛn we lɛf, blo di trɔmpɛt dɛn we dɛn fɔ blo!”