Lɛta Fɔ Filipay 4:4 - Krio Fɔs Oli Baybul

⁴ Una fɔ gladi ɔltɛm bikɔs una gɛt wanwɔd wit di Masta. A de tɛl una igen se una fɔ gladi!

Lɛta Fɔ Filipay 4:4 Iomraidhean Croise

Di Sam Dɛm 146:2

A go prez PAPA GƆD ɔl mi layf; a go siŋ ɛn prez PAPA GƆD wans a gɛt layf.

Di Sam Dɛm 33:1

Una we de du wetin PAPA GƆD want, mek nyu siŋ fɔ PAPA GƆD; Na gud tin fɔ mek udat de du wetin PAPA GƆD want, prez am.

Abakɔk 3:18

dat nɔ du fɔ mek a givɔp. A go stil gladi fɔ we a gɛt PAPA GƆD, di PAPA GƆD we de pul mi pan trɔbul ɛn a go gladi bikɔs i de.

Matyu 5:12

Una fɔ gladi bad, bikɔs Gɔd kip gud tin fɔ una na ɛvin. Na so pipul bin mek dɛn prɔfɛt we bin de bifo una, sɔfa.

Apɔsul Dɛn Wok 16:25

Pɔl ɛn Saylas bin de pre ɛn siŋ to Gɔd; na bin midul nɛt. Di pipul dɛn we bin de na dɛn ɔda sɛl bin de yɛri we Pɔl ɛn Saylas de pre ɛn siŋ to Gɔd.

Apɔsul Dɛn Wok 5:41

Di apɔsul dɛn bin gladi bad wɛn dɛn de kɔmɔt na di Ju gran kot bikɔs dɛn bin no se Gɔd pik dɛn fɔ sɔfa fɔseka Jizɔs.

Lɛta Fɔ Rom 12:12

Una fɔ gladi ɔltɛm bikɔs una abop pan Gɔd, una fɔ bia wɛn trɔbul mit una; ɛn una fɔ de pre ɔltɛm.

2 Kɔrint 6:10

pan ɔl we wi at ebi, wi de laf ɔltɛm; i tan lɛkɛ se wi po, bɔt wi de mek plɛnti pipul jɛntri; i tan lɛkɛ se wi nɔ gɛt natin, bɔt wi gɛt ɔltin.

Lɛta Fɔ Galeshya 1:8

Bɔt ilɛksɛf na wi ɔ na enjɛl dɛnsɛf we kɔmɔt ɛvin kam tɛl una wɔd we nɔto di sem wɔd we wi bin dɔn tɛl una, mek Gɔd mek ɛnibɔdi we du dat sɔfa na ɛl.

Lɛta Fɔ Filipay 2:18

Semwe so, unasɛf fɔ gladi ɛn mek a no se una gladi so dat misɛf go gladi wit una.

Lɛta Fɔ Filipay 3:1

Mi Kristiɛn brɔda dɛn, na di las tin dɛn dis we a gɛt fɔ tɛl una na dis lɛta. A de tɛl una fɔ gladi bikɔs una gɛt wanwɔd wit di Masta. Fɔ rayt ɔl wetin a bin dɔn rayt to una fɔstɛm bak, nɔ mɔna mi, dat go bɛtɛ sɛf fɔ una.

Pita In Fɔs Lɛta 4:13

bɔt una fɔ gladi bikɔs unasɛf de sɔfa lɛkɛ aw Krays bin sɔfa, so dat wɛn Krays kam bak wit ɔl in pawa, una go gladi fawe pas aw una gladi naw.