Lɛta Fɔ Filipay 4:19 - Krio Fɔs Oli Baybul

¹⁹ Mi Gɔd we a de pre to, go gi una ɔl wetin una fɔ gɛt bikɔs nain gɛt ɔltin, ɛn na Jizɔs Krays, Gɔd go mek gi una ɔl wetin una fɔ gɛt.

Lɛta Fɔ Filipay 4:19 Iomraidhean Croise

Jɛnɛsis 48:15

Dɔn i blɛs Josɛf. I se, “Mek PAPA GƆD, we mi papa dɛn Ebraam ɛn Ayzak bin de sav, di PAPA GƆD we dɔn de wit mi ɔl dis tɛm ya,

2 Samiɛl 22:7

Wɛn a bin de pan trɔbul, a pre mek PAPA GƆD ɛp mi, i yɛri mi na ɛvin ɛn ansa mi prea.

2 Kronikuls 18:13

Bɔt Maykaya tɛl am se, “wans PAPA GƆD de alayv, na wetin i tɛl mi fɔ tɔk a go tɔk.”

2 Kronikuls 31:8

We Ɛzikaya ɛn di bigman dɛn kam ɛn si ɔl di bɔku bɔku tin dɛn we di pipul dɛn dɔn gɛda, dɛn blɛs PAPA GƆD ɛn Izrɛl we nain pipul dɛn.

Nɛimaya 5:19

Nɛimaya pre. I se, “PAPA GƆD duya mek bɛtɛ fala mi fɔ ɔl wetin a dɔn du fɔ dɛn pipul ya.”

Nɛimaya 9:15

“We dɛn aŋri, yu sɛn bred kɔmɔt na ɛvin fɔ dɛn ɛn we dɛn tɔsti, yu mek wata kɔmɔt na rɔk fɔ dɛn fɔ drink; yu tɛl dɛn se mek dɛn go insay ɛn tek kɔntrol na di land we yu bin dɔn swɛ se yu go gi dɛn.

Di Sam Dɛm 104:24

PAPA GƆD, yu de du bɔku tin! Bikɔs yu gɛt sɛns yu mek ɔltin ɔl wetin de na wɔl, na yu mek am.

Di Sam Dɛm 130:7

Izrɛl pipul una put una abop pan PAPA GƆD! In na PAPA GƆD we nɔ de gens fɔ lɛk pɔsin ɛn i rɛdi fɔ sev ɔltɛm.

Di Sam Dɛm 36:8

Yu de mek dɛn frɛsh we yu de gi dɛn gud it ɛn drink lɛkɛ aw frɛsh wata kin de flo.

Di Sam Dɛm 84:11

Bikɔs PAPA GƆD we na wi Gɔd na san we de gi layt ɛn big shild we de protɛkt wi; i de sho wi in lɔv bay aw i de mek bɛtɛ fala wi; I nɔ go se i nɔ de gi wi gud tin dɛn wans i nɔ fɛn fɔlt pan wetin wi de du.

Daniɛl 6:22

Mi PAPA GƆD sɛn in eŋɛl kan lɔk di layɔn dɛn mɔt, ɛn dɛn nɔ du mi natin bikɔs bifo PAPA GƆD, a nɔ bin du natin bad; ɛn a nɔ bin du ɛnitin bad to yu.”

Mayka 7:7

I se fɔ in yon say, in go luk to PAPA GƆD nɔmɔ as nain na di GƆD we de sev am ɛn i go yɛri am.

Malakay 3:10

I se dɛn fɔ briŋ ɔl dɛn tayth kam na PAPA GƆD in os ɛn natin nɔ fɔ lɛf, so dat it go de de fɔ pipul dɛn; ɛn we dɛn du so, dat go bi fɔ si if PAPA GƆD Ɔlmayti nɔ go opin di winda dɛn na ɛvin ɛn sɛn blɛsin kam dɔŋ.

Matyu 6:32

Na dɛn tin ya dɛn pipul we nɔ no Gɔd de fɛn, bɔt Gɔd we na una Papa we de na ɛvin no se una fɔ gɛt ɔl dɛn tin ya.

Jɔn 20:17

Jizɔs se, “Nɔ tɔch mi, bikɔs a nɔ go bak to mi Papa yet. Bɔt go tɛl mi lanin bɔy dɛn se, a de tɔn bak go ɔp to mi Papa we na unasɛf yon Papa. Na mi Gɔd ɛn na unasɛf yon Gɔd.”

Jɔn 20:27

Dɛn Jizɔs tɔn to Tɔmɔs ɛn se, “Tek yu fiŋa tɔch mi tu an dɛn ɛn luk dɛn gud. Dɛn, tret yu an put am insay mi sayd. Lɛf fɔ dawt, biliv!”

Lɛta Fɔ Rom 1:8

Fɔs tin, a tɛl Gɔd tɛnki tru Jizɔs Krays fɔ una ɔl, bikɔs pipul ɔlɔbɔt na wɔl de yɛri se una dɔn biliv pan Jizɔs Krays.

Lɛta Fɔ Rom 11:33

Gɔd de sho se in sɔri bad fɔ ɔlman! Gɔd gɛt bɔku bɔku sɛns we nɔn mɔtalman nɔ gɛt ɛn i sabi ɔltin! Udat ebul ɛksplen wetindu Gɔd mekɔp fɔ du dɛn tin we i de du, ɔ ɔndastand wetin i de du?

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

Lɛta Fɔ Rom 8:18

A shɔ se di sɔfa we wi de sɔfa naw, nɔ go kam klos ɔl di wɔndaful tin dɛn we Gɔd go mek bi to wi.

Lɛta Fɔ Rom 9:23

Ɛn igen, i bin want sho mɔtalman aw I wɔndaful, so I dɔn mek wi we I sɔri fɔ no aw I wɔndaful, dat na dɛn wan pan wi we I bin dɔn du ɔltin fɔ lɔntɛm fɔ mek wi rɛdi fɔ gɛt pan di big pawa ɛn ɔna we insɛf gɛt.

2 Kɔrint 12:21

A de fred se wɛn a kam di sɛkɛn tɛm, Gɔd go mek a fil smɔl bifo una, ɛn a go kray fɔ plɛnti pipul we bin dɔn sin, bɔt dɛn nɔ sɔri fɔ di bad bad tin dɛn we dɛn dɔn du pan man ɛn uman biznɛs.

2 Kɔrint 4:17

Di lili sɔfa we wi de sɔfa fɔ dis shɔt tɛm go mek wi gɛt blɛsin ɛn ɔna sote go, ɛn di blɛsin ɛn ɔna go pas di sɔfa we wi de sɔfa naw, fawe.

Lɛta Fɔ Ɛfisɔs 1:18

A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Lɛta Fɔ Ɛfisɔs 2:7

Gɔd du ɔl dis fɔ sho wi frɔm naw sote go aw i lɛk wi bikɔs wi gɛt wanwɔd wit Jizɔs Krays.

Lɛta Fɔ Ɛfisɔs 3:16

A de pre mek Gɔd we gɛt ɔltin ɛn we gɛt wɔndaful pawa fɔ tek ɛp ɔlman, mek in Spirit gi una pawa fɔ mek una gɛt wanwɔd.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Lɛta Fɔ Filipay 4:7

Gɔd go gi una kol at, we mɔtalman nɔ ebul ɔndastand, we nɔ go mek ɛnitin wɔri una, bikɔs una gɛt wanwɔd wit Jizɔs Krays.

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

Lɛta Fɔ Kɔlɔse 3:16

Krays in wɔndaful mɛsej fɔ de insay una at ɛn i fɔ tek rut insay una at. Una fɔ de lan una kɔmpin ɛn sho dɛn wetin fɔ du, na Krays in mɛsej go gi una sɛns fɔ du dat. Una fɔ de siŋ ɛn tɛl Gɔd tɛnki wit ɔl una at, una fɔ de siŋ dɛn Sams ɛn ɔl dɛn Gɔd siŋ ɛn dɛn siŋ we Gɔd in Spirit de gi pɔsin fɔ siŋ.

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Faylimɔn 1:4

Faylimɔn, ɔltɛm we a de pre, a de tɛl Gɔd tɛnki fɔ yu we na mi Kristiɛn brɔda,

Pita In Fɔs Lɛta 5:1

Mi, Pita, na wan pan dɛn bigman na chɔch we de sho pipul di wok we dɛn fɔ du. A si we Krays de sɔfa wit mi yon yay, ɛn a no se misɛf go de wit am di tɛm we i go kam bak, wɛn Gɔd go mek ɔlman si in pawa ɛn misɛf go gɛt pan da big blɛsin de. A de beg una dɛn bigman na chɔch.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.