Lɛta Fɔ Filipay 4:17 - Krio Fɔs Oli Baybul

¹⁷ Nɔto fɔ se a jɛs want una fɔ gi mi tin dɛn, di tin we go mek a gladi mɔ na we una go gɛt di pe fɔ di gud we una de du.

Lɛta Fɔ Filipay 4:17 Iomraidhean Croise

Prɔvabs 19:17

If yu ɛp poman, i tan lɛkɛ we yu de trɔs PAPA GƆD sɔntin; ɛn i go pe yu bak.

Mayka 7:1

Mayka se i de wes in tɛm fɔ natin. I se i tan lɛk we pɔsin nɔ de fɛn frut fɔ it na tik di tɛm we i fɔ bia, ɔ wɛn dɛn dɔn pik ɔl di greps na di tik we i nɔ go gɛt wayn fɔ drink. Natin nɔ de fɔ it ɛn wetin i de aŋri fɔ sɛf, i nɔ go gɛt am.

Malakay 1:10

I se in bin de op se sɔmbɔdi go de we go tɛl dɛn nɔ fɔ wes dɛn tɛm bikɔs in nɔ go tek dɛn sakrifays as i nɔ gladi.

Jɔn 15:16

Nɔto una pik mi, na mi pik una; ɛn a pik una fɔ du plɛnti big wok we go mek ɔda pipul gɛt blɛsin sote go. Da tɛm de, mi Papa go gi una ɛnitin we una tek mi nem pre fɔ.

Jɔn 15:8

If una du plɛnti gud tin, una go sho pipul aw mi Papa wɔndaful; ɛn una go sho se una na mi lanin bɔy dɛn.

Lɛta Fɔ Rom 15:28

Wɛn a dɔn gi ɔl di kɔpɔ we di pipul dɛn na Masidonia ɛn Gris dɔn gɛda fɔ dɛn, a go kɔmɔt de ɛn a go pas to una wɛn a de go Spen.

2 Kɔrint 11:16

A bin dɔn tɔk sɔntin, a de tɔk am bak naw: nɔbɔdi nɔ fɔ tink se mi na ful. Bɔt if na so una tink, una fɔ lisin to mi lɛkɛ se na fulman de tɔk to una, ɛn if na so i bi sɛf, a go stil gɛt lili tin fɔ bost pan.

2 Kɔrint 9:5

Na dat mek a bin fil se a mɔs tɛl dɛn brɔda ya fɔ tray go to una bifo misɛf kam, ɛn ɛp una rɛdi wetin una dɔn prɔmis fɔ gi bifo a de rich to una, so di tin we una prɔmis go dɔn rɛdi wɛn a kam ɛn dat go sho se una de gi bikɔs una want fɔ gi, nɔto bikɔs dɛn de fos una fɔ gi.

Lɛta Fɔ Filipay 1:11

A de pre mek una waka tret ɛn du dɛn gud tin we Jizɔs Krays in wangren nɔmɔ ebul mek in pipul dɛn du, ɛn dat go mek ɔda pipul rɛspɛkt ɛn prez Gɔd.

Lɛta Fɔ Filipay 4:11

A nɔ want mek una fil se a de grɔmbul bikɔs a want sɔntin bad wan, nɔto so i bi bikɔs a dɔn lan fɔ satisfay wit wetin a gɛt.

Fɔs Lɛta Fɔ Tɛsalonayka 2:5

Unasɛf no se wɛn wi bin de tɔk to una, wi nɔ bin de tɛl una dɛn tin we go mek una ed big, wi nɔ bin de abop na wi at se una go gi wi sɔntin, ɛn Gɔd no wetin de na wi at.

Fɔs Lɛta To Timoti 3:3

i nɔ fɔ de drɔnk, i nɔ fɔ de vɛks kwik kwik, i nɔ fɔ de mek plaba; i nɔ fɔ lɛk mɔni;

Fɔs Lɛta To Timoti 6:10

Fɔ lɛk mɔni de mek pɔsin du ɔl kayn bad tin. Sɔm Kristiɛn dɛn we bin want mɔni bad bad dɔn lɛf fɔ fala Gɔd, bɔku waala dɔn pwɛl dɛn at.

Taytɔs 1:7

Na ovasia in an Gɔd in wok de, so i nɔ fɔ du ɛnitin we go mek pɔsin pɔynt fiŋa pan am. I nɔ fɔ prawd, i nɔ fɔ de vɛks kwik kwik, i nɔ fɔ de drɔnk, i nɔ fɔ de fɛt, i nɔ fɔ want plɛnti tin fɔ insɛf.

Taytɔs 3:14

Sho wi pipul aw fɔ yus dɛn tɛm fɔ du gud wok, so dat dɛn kin ɛp ɔda pipul fɔ gɛt wetin dɛn fɔ gɛt; dɛn nɔ fɔ du ɛni wok we nɔ go ɛp ɔda pipul.

Di Ibru Pipul Dɛn 6:10

Gɔd nɔ de du ɛnibɔdi bad, so i nɔ go fɔgɛt di wok we una dɔn du, ɛn i nɔ go fɔgɛt di lɛk we una lɛk am we una bin ɛp una kɔmpin Kristiɛn dɛn, ɛn aw una stil de ɛp dɛn.

Pita In Fɔs Lɛta 5:2

Una fɔ kia fɔ dɛn pipul we Gɔd lɛf na una an lɛkɛ shɛpad we de mɛn ship. Una nɔ fɔ du lɛkɛ se na fos dɛn de fos una, una fɔ kia fɔ dɛn wit opin at; ɛn una nɔ fɔ wok fɔ mɔni nɔmɔ, bɔt bikɔs una gladi fɔ wok.

Pita In Sɛkɛn Lɛta 2:15

Dɛn ticha ya dɔn kɔmɔt na di rayt rod so dɛn nɔ no usay dɛn de go igen. Dɛn de waka na di rod we Belam, Bosɔ in pikin, bin de waka; Belam na pɔsin we bin lɛk fɔ du tin we nɔ rayt, fɔ gɛt mɔni,

Pita In Sɛkɛn Lɛta 2:3

Dɛn ticha ya go de lay gi una bikɔs dɛn want una mɔni; bɔt frɔm tɛm nain Gɔd dɔn kɔndɛm dɛn ɛn i go mɔs tek dɛn layf.

Jud In Lɛta 1:11

Trɔbul de bifo dɛn! Na Ken in fut dɛn de fala ɛn fɔseka mɔni dɛn de mek di sem mistek we Belam bin mek, dɛn go day lɛkɛ aw Kɔra bin day wɛn i tɔn pan di wan we bin de oba am.