Lɛta Fɔ Filipay 3:20 - Krio Fɔs Oli Baybul

²⁰ Bɔt ɛvin blant wi. Wi de wet fɔ di pɔsin we go kɔmɔt na ɛvin kam fɔ sev wi, da pɔsin de na wi Masta Jizɔs Krays.

Lɛta Fɔ Filipay 3:20 Iomraidhean Croise

Di Sam Dɛm 16:11

Yu dɔn sho mi aw fɔ gɛt layf we go de sote go; yu dɔn mek mi at kol, bikɔs yu de wit mi. Na yu mek a go ɛnjɔy layf sote go.

Di Sam Dɛm 17:15

Dɛn lɛ mi we nɔ gilti pan natin, gladi we a wek bikɔs a de usay yu want ɔltɛm, we na nia yu.

Prɔvabs 15:24

Udat gɛt sɛns de waka na di rod we de gi layf, i nɔ de fala di rod fɔ go ɔdɔun.

Matyu 19:21

Jizɔs se, “If yu want bi pɔsin we fit na Gɔd yay fɔ gɛt layf we go de sote go, yu fɔ sɛl ɔl wetin yu gɛt ɛn gi dɛn pipul we nɔ gɛt natin, di mɔni; if yu du so, yu go jɛntri na ɛvin. Wɛn yu dɔn du dat dɔn, kam bak ɛn bi mi lanin bɔy.”

Lyuk 12:21

Jizɔs se, “Na so i go bi fɔ dɛn pipul we jɛs de gɛda prɔpati nɔmɔ, bɔt Gɔd no se dɛn nɔ gɛt natin.”

Lyuk 14:14

If yu du so, yu go gɛt blɛsin bikɔs dɛn kayn pipul de nɔ go ebul fɔ tɔn di gud we yu du fɔ dɛn gi yu bak. Gɔd go gi yu di pe bak fɔ di gud we yu du, da de we in pipul dɛn go rayz frɔm dɛn grev.”

Apɔsul Dɛn Wok 1:11

Di tu man dɛn tɛl dɛn se, “Una we kɔmɔt Galili, wetindu una de luk na di klawd? Dis sem Jizɔs ya we Gɔd tek go ɔp na ɛvin go kam bak na wɔl lɛkɛ aw una si am de go ɔp na ɛvin.”

1 Kɔrint 1:7

dat una dɔn gɛt ɔl dɛn blɛsin we Gɔd de gi naw, we una de wet mek Jizɔs Krays kam bak.

1 Kɔrint 15:48

Dɛn pipul we na dis wɔl yon pipul, tan lɛkɛ di man we Gɔd tek dɔti mek; dɛn wan we na ɛvin yon pipul tan lɛkɛ di Man we kɔmɔt ɛvin.

2 Kɔrint 4:18

Dat bi bikɔs wi dɔn put wi at pan dɛn tin we wi nɔ de si, wi nɔ put am pan dɛn tin we wi de si. Dɛn tin we wi de si nɔ de las, bɔt dɛn tin we wi nɔ de si go de sote go.

2 Kɔrint 5:8

Wi at nɔ de pwɛl ɛn wi bin ivin want kɔmɔt insay dis bɔdi we na wi os go de na wi ɔda os wit di Masta.

Lɛta Fɔ Galeshya 4:26

Bɔt di Jerusɛlɛm we de na ɛvin fri, ɛn da Jerusɛlɛm de tan lɛkɛ wi mama.

Lɛta Fɔ Ɛfisɔs 2:19

Wi ɔl na wan pipul bifo Gɔd ɛn wi gɛt di sem rayt lɛkɛ di wan we ɔl Gɔd in pipul dɛn gɛt, una na Gɔd in pikin dɛn.

Lɛta Fɔ Ɛfisɔs 2:6

Bikɔs wi gɛt wanwɔd wit Jizɔs Krays, Gɔd dɔn mek wisɛf rayz frɔm di grev lɛkɛ aw Jizɔs Krays bin rayz, so wisɛf de rul wit Jizɔs Krays na di ples we de nɛks wɔl.

Lɛta Fɔ Filipay 1:10

so dat una go no wetin rayt na Gɔd in yay ɛn gladi fɔ du am, ɛn una nɔ go gɛt ɛnitin we bad na una layf di tɛm we Krays kam bak.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

Lɛta Fɔ Kɔlɔse 1:5

Di fɔs tɛm we dɛn tɛl una di Gud Nyuz we na tru, una no se Gɔd kip gud tin fɔ una na ɛvin; ɛn we una de wet fɔ da gud tin de we una no fɔ shɔ se una go gɛt, dat mek una biliv pan Krays mɔ ɛn lɛk Gɔd in pipul dɛn.

Fɔs Lɛta Fɔ Tɛsalonayka 1:10

ɛn una de wet fɔ in Pikin we nem Jizɔs fɔ kɔmɔt ɛvin kam dɔŋ, in Pikin we i mek rayz frɔm di grev, ɛn we go mek Gɔd nɔ kɔndɛm mɔtalman lɛkɛ aw i bin fɔ du bikɔs i bin vɛks pan dɛn fɔ dɛn sin.

Fɔs Lɛta Fɔ Tɛsalonayka 4:16

Pipul go yɛri lawd vɔys de tɛl dɛn wetin dɛn fɔ du, dɛn go yɛri di edman fɔ ɔl di enjɛl dɛn in vɔys, Gɔd in trɔmpɛt go blo, ɛn di Masta insɛf go kɔmɔt na ɛvin kam dɔŋ. Na dɛn pipul we bin biliv pan Krays sote dɛn day fɔs go rayz frɔm dɛn grev;

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Di Ibru Pipul Dɛn 12:22

Una dɔn rich na da il we dɛn kɔl Mawnt Zayɔn. Una dɔn rich na di tɔŋ we Gɔd we gɛt layf sote go, de; dɛn kɔl da tɔŋ de “Jerusɛlɛm we de na ɛvin,” ɛn plɛnti plɛnti enjɛl dɛn we de gladi, gɛda de.

Di Ibru Pipul Dɛn 9:28

Krays insɛf day wan tɛm nɔmɔ fɔ fri pipul, mek sin nɔ go gɛt pawa oba dɛn igen. I go kam bak na wɔl di sɛkɛn tɛm, bɔt da tɛm de i nɔ de kam fɔ pul sin kɔmɔt na pipul layf, i de kam fɔ gi dɛn pipul we de wet fɔ am layf we go de sote go na ɛvin.

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.