Lɛta Fɔ Filipay 3:2 - Krio Fɔs Oli Baybul

² Una fɔ waydawek, sɔm pipul de we de du bad, ɛn dɛn de pin se ɔl dɛn man fɔ sakɔmsayz; dɛn tan lɛkɛ dɔg.

Lɛta Fɔ Filipay 3:2 Iomraidhean Croise

Di Sam Dɛm 119:115

Una lɛf mi, una dɛn bad pipul, mek a du wetin PAPA GƆD se a fɔ du.

Di Sam Dɛm 22:16

Di mɔtalman dɛn we dɔn sɛt fɔ mi tan lɛkɛ we bad dɔg kech tifman. Dɛn dɔn chɛr chɛr mi an ɛn fut.

Di Sam Dɛm 22:20

Nɔ lɛ mi ɛnimi dɛn kil mi; nɔ mek dɛn wikɛd dɔg ya tek mi layf.

Prɔvabs 26:11

Lɛkɛ aw dɔg kin de lik in vɔmit, na so fulman kin de mek ful ɔltɛm.

Matyu 24:10

Ɛn da sem tɛm de plɛnti pipul go tap fɔ biliv pan mi. Dɛn go sɛl dɛn kɔmpin, dɛn go et dɛn kɔmpin.

Matyu 7:15

“Una tek tɛm wit dɛn prɔfɛt we nɔ de tɔk tru; wɛn una luk dɛn, dɛn tan lɛkɛ ship, bɔt insay dɛn at, dɛn tan lɛkɛ wulf we wayl bad bad.

Matyu 7:6

“Una nɔ fɔ gi dɔg dɛn tin we una dɔn gi Gɔd, if una du dat di dɔg go tɔn pan una ɛn bɛt una. Una nɔ fɔ gi ɔg una fayn fayn bid dɛn, if una du dat, di ɔg go jɛs mas mas dɛn.

Lɛta Fɔ Rom 2:28

Udat na di tru Ju we sakɔmsayz fɔ tru? Nɔto man we sakɔmsayz, we ɔlman no se na Ju.

2 Kɔrint 11:13

Dɛn apɔsul de nɔto tru apɔsul; na lay dɛn de lay bɔt dɛn wok, dɛn jɛs de mek lɛkɛ se dɛn na Krays in tru apɔsul dɛn.

Lɛta Fɔ Galeshya 5:13

Mi kɔmpin Kristiɛn dɛn, Krays dɔn kɔl una fɔ mek una fri. Una tek tɛm mek una nɔ bigin du wetin una at tɛl una fɔ du, bikɔs una dɔn fri naw. Bifo dat, una fɔ de ɛp una kɔmpin bikɔs una lɛk dɛn.

Lɛta Fɔ Galeshya 5:15

If una de lɛkɛ dɛn bif na bush we de fɛt ɛn wund dɛn kɔmpin, wɛl, una tek tɛm, if nɔ so, una go pwɛl una Kristiɛn grup ɔltogɛda.

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Lɛta Fɔ Filipay 3:19

Bɔt dɛn pipul ya go go na ɛl, bikɔs dɛn tek ɔl wetin dɛn want fɔ dɛnsɛf tɔn dɛn to dɛn yon gɔd; ɛn dɛn tin we fɔ mek dɛn shem, nain dɛn de gladi fɔ. Dɛn put ɔl dɛn at pan dɛn tin we de na dis wɔl.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Fɔs Lɛta To Timoti 1:19

Yu fɔ biliv fɔ tru ɛn du wetin yu no se rayt. Sɔm pipul we nɔ bin gri fɔ du wetin dɛn fɔ du, nɔ biliv Krays igen:

Taytɔs 1:16

Dɛn de se dɛn no Gɔd, bɔt di tin dɛn we dɛn de du sho se dɛn nɔ no am. Dɛn gɛt bad at, dɛn nɔ de yɛri wɔd, dɛn nɔ fit fɔ du ɛnitin we gud.

Pita In Sɛkɛn Lɛta 2:22

Dɛn du lɛkɛ wɛn pipul kin pul parebul se, “Dɔg de tɔn bak go lik in vɔmit, ɔg we dɛn dɔn was dɔn go rol na pɔtɔpɔtɔ bak.”

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Rɛvɛleshɔn 2:9

A no di waala we dɔn mit una, a no se una po, bɔt una nɔ po, una jɛntri. A no igen se, dɛn pipul we de lay, we se dɛn na Ju, de tɔk bad bɔt una. Dɛn nɔto Ju atɔl, na Setan dɛn de fala.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.

Rɛvɛleshɔn 3:9

As fɔ dɛn wan we de fala Setan, we de lay se dɛn na Ju, a go mek dɛn kam fɔdɔm na una fut ɛn a go mek dɛn ɔl no se a lɛk una.