Lɛta Fɔ Filipay 3:18 - Krio Fɔs Oli Baybul

¹⁸ If una mɛmba, a bin dɔn tɛl una plɛnti tɛm bɔt sɔm pipul, ɛn naw a de kray we a de rayt una bɔt dɛn igen. A bin dɔn tɛl una se: di layf we dɛn liv mek di day we Krays day na di krɔs nɔ min natin.

Lɛta Fɔ Filipay 3:18 Iomraidhean Croise

Di Sam Dɛm 119:136

Wata kin kɔmɔt na mi yay we a si aw pipul de disobe yu lɔ dɛn.

Ayzaya 8:11

Na PAPA GƆD tɔk so to mi ɛn in an bin de traŋa wan pan mi, ɛn i wɔn mi se mek a nɔ biev di we we dɛn pipul dɛn ya de biev. I se,

Jɛrimaya 13:17

Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.

Jɛrimaya 9:1

If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!

Daniɛl 4:37

Naw, mi Nɛbyukadnɛza, de prez ɛn es in nem ɔp, ɛn gi ɔna to di kiŋ na ɛvin, bikɔs ɔl wetin i de du kɔrɛkt ɛn ɔl wetin i de du nɔ gɛt bɛn bɛn; ɛn i de briŋ dɔŋ dɛn wan dɛn we de mek prawd.

Lɛvitikɔs 11:16

da bɔd we dɛn kin kɔl ɔstrich, difrɛn kayn ak, dɛn bɔd dɛn we kin de togɛda de flay oba wata fɔ kech fish we dɛn go it,

Lɛvitikɔs 13:8

ɛn i go ɛgzamin am bak ɛn if i si se di mak dɔn prɛd nain bɔdi, dɛn i go lɛ ɔlman no se i nɔ klin na PAPA GƆD yay; na bad sik i gɛt nain bɔdi.

Lyuk 19:41

Wɛn Jizɔs rich klos Jerusɛlɛm, as i si di tɔŋ so, i bigin kray fɔ am.

Apɔsul Dɛn Wok 20:19

Una no se a nɔ bin de bost we a de wok fɔ di Masta. Plɛnti tɛm dɛn Ju pipul kin mek mi at pwɛl ɛn a kin sɔfa wɛn dɛn kin de mek bagin fɔ du mi bad.

Lɛta Fɔ Rom 9:2

A sɔri bad bad fɔ mi pipul dɛn ɛn di pen we a de fil na mi at fɔ dɛn, nɔ go dɔn;

1 Kɔrint 1:18

Di tɔk we wi de tɔk bɔt di day we Krays day na di krɔs na nɔnsɛns to dɛn pipul we nɔ go sev, bɔt dat na Gɔd in yon pawa fɔ wi we i de sev.

1 Kɔrint 6:9

A shɔ se una no se nɔ bad pɔsin nɔ go go na di say we Gɔd de rul. Una nɔ mek unasɛf ful; dɛn pipul we liv bad layf, dɛn wan we de pre to dɛn tin we mɔtalman mek fɔ pre to, dɛn wan we de lɛf dɛn wɛf ɔ man go kip ɔda man ɔ uman, dɛn man we de kip dɛn kɔmpin man ɛn dɛn uman we de kip dɛn kɔmpin uman,

2 Kɔrint 11:13

Dɛn apɔsul de nɔto tru apɔsul; na lay dɛn de lay bɔt dɛn wok, dɛn jɛs de mek lɛkɛ se dɛn na Krays in tru apɔsul dɛn.

2 Kɔrint 11:29

Wɛn dɛn du pɔsin bad, i kin tan lɛkɛ se na mi dɛn du bad; wɛn pɔsin sin, i kin at mi bad.

2 Kɔrint 2:4

Wɛn a bin de rayt to una, mi at bin ebi ɛn a bin de wɔri bad; a bin de kray sɛf; bɔt nɔto fɔ mek una sɔri, na fɔ mek una no aw a lɛk una ɔl.

Lɛta Fɔ Galeshya 1:7

Ɔda gud nyuz nɔ de, bɔt sɔm pipul want mek una lɛf fɔ biliv pan Krays, dɛn de tray fɔ chenj di Gud Nyuz we tɔk bɔt Krays.

Lɛta Fɔ Galeshya 2:14

Wɛn a si se dɛn nɔ de du di rayt tin we de na di Gud Nyuz, a tinap bifo ɔl di ɔda Kristiɛn dɛn ɛn tɛl Pita se, “Yu na Ju man, bɔt yu de du lɛkɛ se yu nɔto Ju. Wetin mek yu de pin naw se dɛn pipul we nɔto Ju fɔ de du lɛkɛ aw dɛn Ju de du?”

Lɛta Fɔ Galeshya 2:21

A nɔ go tek di gud we Gɔd gud to mi ɛn di lɛk we Gɔd lɛk mɔtalman, mek natin. If na di Ju Lɔ we pɔsin de kip de mek ɔltin rayt bitwin in ɛn Gɔd, dat min se di day we Krays day nɔ min natin!

Lɛta Fɔ Galeshya 5:21

dɛn nɔ want mek bɛtɛ fala dɛn kɔmpin, dɛn de drɔnk, ɛn dɛn de mek dɛn wayl pati, ɛn dɛn de du plɛnti ɔda bad tin dɛn lɛkɛ dɛn wan ya. A de wɔn una lɛkɛ aw a bin dɔn wɔn una fɔs se: dɛn pipul we de pan dis kayn layf nɔ go de ɔnda Gɔd in rul.

Lɛta Fɔ Galeshya 6:12

Di pɔsin we want fos una fɔ mek una sakɔmsayz, jɛs want blɔf. Dɛn de du ɔl dat, so dat pipul nɔ go mek dɛn sɔfa, lɛkɛ aw dɛn go du, if dɛn biliv ɛn tɔk se Krays day fɔ sev mɔtalman.

Lɛta Fɔ Galeshya 6:14

Fɔ mi yon pat, a go bost nɔmɔ bɔt di day we Masta Jizɔs Krays day na di krɔs. Na di day we Jizɔs day na di krɔs mek natin nɔ ful mi yay na dis wɔl, ɛn a jɛs tan lɛkɛ dayman; dis wɔl nɔ gɛt natin fɔ du wit mi.

Lɛta Fɔ Ɛfisɔs 4:17

A de tek di Masta in nem fɔ tɔk to una ɛn wɔn una se, una nɔ fɔ liv di layf igen we dɛn pipul we nɔ no Gɔd de liv.

Lɛta Fɔ Filipay 1:4

ɛn a kin gladi fɔ pre fɔ una ɔltɛm.

Fɔs Lɛta Fɔ Tɛsalonayka 4:6

Wɛn i kam pan dis kayn tin, dat na, aw man fɔ biev to uman, i nɔ fɔ du in kɔmpin Kristiɛn bad. Wi bin dɔn wɔn una traŋa wan se Gɔd go pɔnish ɛnibɔdi we de du ɔl dɛn kayn tin ya.

Sɛkɛn Lɛta Fɔ Tɛsalonayka 3:11

Wi bin tɔk dat bikɔs wi yɛri se sɔm pipul de wit una we nɔ want du natin pas fɔ put mɔt pan ɔda pipul biznɛs.

Pita In Sɛkɛn Lɛta 2:10

dɛn ticha we de fala dɛn at fɔ du dɔti tin wit dɛn bɔdi ɛn we nɔ de du wetin dɛn wan we de oba dɛn tɛl dɛn fɔ du, na dɛn mɔ Gɔd go pɔnish. Dɛn ticha ya dɛn at traŋa ɛn dɛn de du wetin dɛn ed gi dɛn fɔ du; dɛn nɔ de fred sɛf fɔ tɔk bad bɔt ɔl dɛn wan we de na ɛvin ɛn laf dɛn.

Jud In Lɛta 1:13

Dɛn disgres de sho lɛkɛ frɔsh we de lɛf biɛn wɛn dɛn big swɛlin fɔdɔm na sho; dɛn tan lɛkɛ dɛn big sta we nɔ de sidɔm na wan ples na di klawd, Gɔd dɔn kip dak dak ples fɔ put dɛn pipul ya sote go.