Lɛta Fɔ Filipay 3:15 - Krio Fɔs Oli Baybul

¹⁵ Wi ɔl we dɔn biliv Krays gud gud ɛn we dɔn no ɔl wetin Gɔd want wi fɔ du, fɔ put wi at pan ɔl wetin a dɔn tɔk bɔt so, bɔt if una nɔ gri wit wetin a dɔn tɔk, Gɔd insɛf go sho una se wetin a tɔk na tru.

Lɛta Fɔ Filipay 3:15 Iomraidhean Croise

Ayzaya 35:8

Ɛn men rod go de de, ɛn dɛn go kɔl am di Oli Rod; pɔsin we nɔ klin na PAPA GƆD in yay nɔ go pas de ɛn fulman nɔ go mistek go insay de.

Matyu 5:48

Una fɔ lɛk una kɔmpin mɔtalman lɛkɛ aw Gɔd, we na una Papa we de na ɛvin, lɛk ɔlman.

Lyuk 11:13

If una we bad so sabi fɔ gi una pikin dɛn gud tin, Gɔd we na una Papa we de na ɛvin go gi una gud tin pas dat; i go gi dɛn wan we aks am in Spirit!”

Jɔn 6:45

Wan prɔfɛt bin rayt se, ‘Na Gɔd go lan ɔlman wetin dɛn fɔ du.’ Ɛnibɔdi we lisin mi Papa gud ɛn lan wetin i tich am, da pɔsin de go kam to mi.

Jɔn 7:17

Ɛnibɔdi we gri fɔ du wetin Gɔd want, go no if na Gɔd tɛl mi wetin a de lan pipul ɔ if na bay misɛf a de tɔk.

Lɛta Fɔ Rom 15:1

Wi we biliv Gɔd gud gud fɔ ɛp dɛn wan we nɔ biliv bɛtɛ fɔ mek dɛn biliv mɔ ɛn mɔ se Gɔd go ɛp dɛn pan ɔl wetin de mɔna dɛn. Wi nɔ fɔ jɛs de du wetin wi want fɔ wisɛf.

1 Kɔrint 14:20

Mi kɔmpin Kristiɛn dɛn, una nɔ fɔ de tink lɛkɛ pikin, una fɔ tan lɛkɛ pikin wɛn i kam pan bad, bɔt una fɔ tink lɛkɛ bigman.

1 Kɔrint 2:6

Fɔ tru, wetin wi de tɔk na sɛns to dɛn wan we dɔn go fa pan di Spirit yon we. Dis sɛns ya nɔto da kayn sɛns we mɔtalman gɛt, ɛn nɔto di sɛns we dɛn wan we de na pawa lɛk fɔ gɛt. Dɛn pipul we gɛt pawa na dis wɔl naw, dɛn pawa sɛf gɛt fɔ dɔn.

Lɛta Fɔ Galeshya 5:10

Bikɔs wi gɛt wanwɔd wit Krays, a biliv se una nɔ go tek wetin ɔda pipul de tɛl una, pas wetin a dɔn tɛl una, ɛn Gɔd go jɔj di pɔsin we de ambɔg una, ilɛk udat i bi.

Lɛta Fɔ Ɛfisɔs 1:17

A de beg Gɔd, we na wi Masta Jizɔs Krays in Papa, we gud, fɔ gi unain Spirit. Di Spirit go mek una gɛt sɛns ɛn i go sho una Gɔd, so dat una go no am mɔ ɛn mɔ.

Lɛta Fɔ Kɔlɔse 1:28

Na bɔt Krays wi de tɛl ɔlman. Wit ɔl di sɛns we Gɔd gi wi, wi de tɛl dɛn wetin nɔ fɔ du ɛn lan dɛn wetin fɔ du, so dat ɔlman go no ɔl wetin Gɔd want dɛn fɔ du, dɛn go want du am wit ɔl dɛn at, ɛn dɛn go gɛt wanwɔd wit Krays.

Lɛta Fɔ Kɔlɔse 4:12

Ɛpafras, we na wan pan una, ɛn we de wok fɔ Jizɔs lɛkɛ unasɛf, insɛf de tɛl una adu. I de pre fɔ una wit ɔl in at; i de pre mek una nɔ tap fɔ biliv pan Gɔd, mek una shɔ bɔt wetin una biliv, mek una no ɔl wetin una fɔ no bɔt Gɔd, ɛn mek una du ɔl wetin Gɔd want una fɔ du.

Fɔs Lɛta Fɔ Tɛsalonayka 4:9

Nid nɔ de fɔ rayt tɛl una aw una fɔ lɛk una kɔmpin Kristiɛn dɛn, bikɔs Gɔd insɛf dɔn lan una dat.

Sɛkɛn Lɛta To Timoti 3:17

so dat ɛnibɔdi we de du Gɔd wok go gɛt ɔl wetin i fɔ gɛt ɛn bi wetin i fɔ bi so dat i go ebul du ɔl kayn gud wok lɛkɛ aw i fɔ du am.

Di Ibru Pipul Dɛn 5:14

Bɔt pɔsin we de it tin we fɔ cham, na big pɔsin; i dɔn no wetin gud ɛn wetin bad, bikɔs i dɔn lan aw fɔ no wetin gud ɛn bad bay dɛn tin we i de du we rayt na Gɔd in yay.

Jɔn In Fɔs Lɛta 2:5

Bɔt ɛni bɔdi we de du wetin Gɔd tɛl am fɔ du dɔn sho se in lɛk Gɔd, fɔ tru; na dat wi go tek no fɔ tru se wi na Gɔd yon pipul.