Lɛta Fɔ Filipay 3:13 - Krio Fɔs Oli Baybul

¹³ Mi Kristiɛn brɔda dɛn, na tru se, a nɔ bi ɔl wetin a fɔ bi yet na Gɔd yay, bɔt a nɔ de put mi at pan ɔl wetin dɔn pas, bifo dat a de du ɔl wetin a ebul fɔ du fɔ gɛt wetin de bifo.

Lɛta Fɔ Filipay 3:13 Iomraidhean Croise

Di Sam Dɛm 27:4

Na wan tin nɔmɔ mi at de pan, ɛn nain a de beg PAPA GƆD fɔ; dat na sote a day, mek a go de wok nain os, so dat a go ɛnjɔy in gudnɛs ɛn a go du wetin i want.

Di Sam Dɛm 45:10

Mi pikin, lisin to mi; naw we yu dɔn mared to di Kiŋ, na wi gɛt yu, yu nɔto yu papa ɛn yu pipul yon igen o.

Lyuk 10:42

na wan tin yu fɔ du we yu nɔ de du; na da tin de we gud nain Meri de du ɛn nɔbɔdi nɔ go pul am pan am.”

Lyuk 9:62

Jizɔs se, “Pɔsin we de dig ol fɔ plant sid ɛn de tɔn luk biɛn am, tan lɛkɛ pɔsin we de wok we lɛf am af we; i nɔ fit fɔ de ɔnda Gɔd in rul.”

2 Kɔrint 5:16

So wi nɔ fɔ luk ɛnibɔdi igen lɛkɛ aw mɔtalman de luk dɛn. If wi bin de luk Krays fɔstɛm lɛkɛ aw mɔtalman de luk pɔsin, wi nɔ fɔ du so igen.

Lɛta Fɔ Filipay 2:12

Mi padi dɛn we a lɛk bad, jɛs lɛkɛ aw ɔltɛm una kin du wetin a se, di tɛm we a bin de wit una, naw we a nɔ de wit una, i gud fɔ mek una du ɔl wetin a se pas wɛn a bin de wit una; ɛn una fɔ fred Gɔd, dat go mek una du ɔl wetin Gɔd want una fɔ du.

Lɛta Fɔ Filipay 3:12

A nɔ de se a dɔn du ɔl wetin Gɔd want mi fɔ du ɛn a nɔ de se a dɔn bi wetin a fɔ bi na Gɔd yay, bɔt a de tray fɔ du ɔl wetin Gɔd want mi fɔ du, bikɔs Krays dɔn mek a bi in yon.

Lɛta Fɔ Filipay 3:8

Natin sɛf nɔ de na wɔl we min ɛnitin to mi igen fɔseka Krays, bikɔs fɔ no am bɛtɛ fawe pas ɛnitin na wɔl. Fɔ in sek a dɔn lɛf ɔltin so dat Krays go tek mi lɛkɛ in yon. Ɔl dɛn tin we a bin de du fɔstɛm, a luk se dɛn nɔ bɛtɛ naw, bikɔs Krays dɔn bi mi gen;

Di Ibru Pipul Dɛn 6:1

So, mek wi lɛf fɔ de tɔk bɔt dɛn tin we wi bin de tɛl una bɔt Krays, fɔstɛm; lɛ wi go bifo ɛn lan dɛn tin we bigman fɔ lan bɔt Krays. Wi tap fɔ lan una dɛn tin we wi bin dɔn lan una fɔstɛm we wi se pipul fɔ chenj ɛn lɛf fɔ du dɛn bad tin we go mek dɛn day, ɛn dɛn fɔ biliv pan Gɔd.

Pita In Sɛkɛn Lɛta 3:8

Mi padi dɛn we a lɛk, una fɔ mɛmba se, wande, na Gɔd in yay, tan lɛkɛ wan tawzin ia ɛn wan tawzin ia tan lɛkɛ wande.