Lɛta Fɔ Filipay 2:5 - Krio Fɔs Oli Baybul

⁵ Una fɔ de tink ɛn du lɛkɛ Jizɔs Krays:

Lɛta Fɔ Filipay 2:5 Iomraidhean Croise

Matyu 11:29

Una opin una at fɔ di tru tin dɛn we a de lan una, ɛn una lan ɔl wetin a de tɛl una, bikɔs a de bia wit una ɛn a nɔ de tɔk pan una; if una du dat, una go blo.

Lyuk 22:27

If yu gɛt tu pɔsin, wande it, di ɔda pɔsin de sav am, uswan pan dɛn tu impɔtant pas in kɔmpin? Di pɔsin we de it, fɔ tru. Bɔt mi we na una Masta tan lɛkɛ una savant.

Apɔsul Dɛn Wok 10:38

Una no se Gɔd bin gi Jizɔs we kɔmɔt Nazarɛt in Spirit ɛn in pawa. Jizɔs bin de go ɔlɔbɔt de du gud fɔ pipul ɛn i mɛn ɔl dɛn wan we bin gɛt dɛbul insay dɛn. I bin ebul du ɔl dɛn tin ya bikɔs Gɔd bin de wit am.

Apɔsul Dɛn Wok 20:35

A dɔn sho una se ilɛk aw tin tan una fɔ wok traŋa lɛkɛ mi fɔ ɛp dɛn pipul we nɔ gɛt. Una mɛmba wetin Masta Jizɔs insɛf tɔk wɛn i se, ‘Di pɔsin we de gi gɛt blɛsin pas di pɔsin we de gɛt.’”

Lɛta Fɔ Rom 14:15

If una fos fɔ it wan tin we de mek una kɔmpin Kristiɛn dɛn fil bad, dat min se una nɔ lɛk una kɔmpin Kristiɛn dɛn lɛkɛ aw una fɔ lɛk dɛn. Una nɔ fɔ it wetin una fil fɔ it if dat go mek di pɔsin we Krays day fɔ, tap fɔ biliv am.

Lɛta Fɔ Rom 15:3

Krays nɔ bin du ɔl wetin i du fɔ pliz insɛf, bɔt dɛn rayt na Gɔd in Buk se, i se, “Wɛn pipul kɔs yu, na mi dɛn kɔs.”

Lɛta Fɔ Rom 15:5

Ɛn lɛ Gɔd we de mek pipul ebul bia ɛn gɛt kɔrej, mek una ɔl gri, bikɔs una de fala Jizɔs Krays in yon we,

1 Kɔrint 10:33

Na so misɛf de du; ɛnitin we a de du, a de tray fɔ mek ɔlman satisfay, a nɔ de tray fɔ gen ɛnitin fɔ misɛf, a de wok fɔ ɛp mek plɛnti pipul sev.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Lɛta Fɔ Filipay 1:1

Na wi, Pɔl ɛn Timoti, we de wok fɔ Krays Jizɔs, de sɛn dis lɛta to ɔl dɛn pipul we de na Fili pay we gɛt wanwɔd wit Krays Jizɔs. Semwe so, wi de sɛn am to dɛn chɔch ovasia ɛn dɛn pipul we de ɛp pan di chɔch wok.

Pita In Fɔs Lɛta 2:21

Na fɔ mek una sɔfa lɛkɛ dis mek Gɔd kɔl una, bikɔs Krays insɛf sɔfa fɔ una ɛn mek una si se unasɛf gɛt fɔ sɔfa lɛkɛ aw insɛf bin sɔfa.

Pita In Fɔs Lɛta 4:1

So, bikɔs Krays sɔfa wɛn i day na di krɔs, unasɛf fɔ rɛdi wɛn una de sɔfa, fɔ tink lɛkɛ aw Krays bin de tink ɛnitɛm we i de sɔfa, bikɔs pɔsin we de sɔfa dɔn dɔn wit sin.

Jɔn In Fɔs Lɛta 2:6

Ɛni bɔdi we se in de waka wit Gɔd, fɔ liv lɛkɛ aw Jizɔs Krays bin liv.