Lɛta Fɔ Filipay 2:3 - Krio Fɔs Oli Baybul

³ Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

Lɛta Fɔ Filipay 2:3 Iomraidhean Croise

Prɔvabs 13:10

Rudnɛs nɔ de prɔfit natin pas plaba, bɔt yu tek advays gɛt sɛns.

Lyuk 18:14

A de tɛl una se, bifo dis man we de gɛda taks go bak nain os, Gɔd padin am; bɔt Gɔd nɔ padin di Faresi. Ɛnibɔdi we put insɛf ɔp, Gɔd go put am dɔŋ, bɔt pɔsin we put insɛf dɔŋ, Gɔd go es am ɔp.”

Lɛta Fɔ Rom 12:10

Una fɔ lɛk una kɔmpin gud, lɛkɛ aw Kristiɛn brɔda dɛn fɔ lɛk dɛnsɛf; una fɔ want fɔ rɛspɛkt una kɔmpin.

Lɛta Fɔ Rom 13:13

Una lɛ wi de du ɔl wetin wi fɔ du lɛkɛ pipul we de na di tru layt; wi nɔ fɔ liv fri layf, wi nɔ fɔ de drɔnk, wi nɔ fɔ liv bad layf, wi nɔ fɔ de fɛt ɔ jɛlɔs wi kɔmpin.

Lɛta Fɔ Rom 2:8

Bɔt ɔda pipul jɛs liv fɔ dɛnsɛf ɛn dɛn nɔ de gri fɔ du wetin dɛn fɔ du, dɛn de du wetin dɛn nɔ fɔ du; Gɔd go vɛks pan dɛn ɛn pɔnish dɛn.

1 Kɔrint 15:9

Ɔl dɛn ɔda apɔsul bɛtɛ pas mi; a nɔ fit sɛf fɔ lɛ dɛn kɔl mi apɔsul, bikɔs a bin de mek dɛn pipul we de waka wit Gɔd sɔfa.

1 Kɔrint 3:3

bikɔs una de du lɛkɛ se una nɔ gɛt Gɔd in Spirit yet. Na dat mek una nɔ lɛk fɔ si bɛtɛ fala una kɔmpin, una de mek plaba wit una kɔmpin, ɛn una nɔ gɛt wanwɔd! Una de du lɛkɛ dɛn pipul we nɔ gɛt Gɔd in Spirit!

2 Kɔrint 12:20

A de fred se wɛn a rich de a go si se una difrɛn frɔm aw a go lɛk fɔ mek una tan ɛn unasɛf go si se misɛf difrɛn frɔm aw una want mi fɔ tan. A de fred se a go kam mit plaba, wam at, kɔs, kɔnfyushɔn, pipul we de jɛlɔs dɛn kɔmpin, dɛn wan we de koŋosa dɛn kɔmpin, dɛn wan we want ɔltin fɔ dɛnsɛf, ɛn pipul we prawd.

Lɛta Fɔ Galeshya 5:15

If una de lɛkɛ dɛn bif na bush we de fɛt ɛn wund dɛn kɔmpin, wɛl, una tek tɛm, if nɔ so, una go pwɛl una Kristiɛn grup ɔltogɛda.

Lɛta Fɔ Galeshya 5:26

Wi nɔ fɔ tɔk big tɔk, wi nɔ fɔ mek ɔda pipul vɛks ɛn wi nɔ fɔ jɛlɔs ɔda pipul.

Lɛta Fɔ Ɛfisɔs 4:2

Una nɔ fɔ lif unasɛf ɔp ɛn una fɔ de bia wit una kɔmpin fɔ sho se una lɛk dɛn.

Lɛta Fɔ Ɛfisɔs 5:21

Una fɔ put unasɛf ɔnda una kɔmpin bikɔs una rɛspɛkt Krays.

Lɛta Fɔ Filipay 2:14

Una nɔ fɔ grɔmbul ɛn una nɔ fɔ agyu wɛn una de du ɛnitin,

Lɛta Fɔ Kɔlɔse 3:12

Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul traŋa wan, ɛn una fɔ de bia wit pipul.

Lɛta Fɔ Kɔlɔse 3:8

Una fɔ tap fɔ du ɔl dɛn bad tin ya: una nɔ fɔ de vɛks; una nɔ fɔ vɛks te una nɔ no wetin una de du; una nɔ fɔ de mɛmba ɛnitin we go mek una want fɔ du una kɔmpin bad. Una nɔ fɔ tɛl ɛnibɔdi ɛnitin we go mek i fil smɔl; ɛn una nɔ fɔ tɔk bad wɔd.

Fɔs Lɛta To Timoti 6:4

da pɔsin de prawd bad ɛn i nɔ sabi natin; i jɛs lɛk fɔ de agyu ɛn mek plaba fɔ wan wan wɔd dɛn, ɛn dat bad bikɔs i de mek pipul jɛlɔs dɛn kɔmpin, i de mek dɛn nɔ gɛt wanwɔd, i de mek dɛn kɔs dɛn kɔmpin ɛn mek dɛn luk se dɛn kɔmpin want du dɛn bad;

Pita In Fɔs Lɛta 3:8

Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin.

Pita In Fɔs Lɛta 5:5

Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”