Lɛta Fɔ Filipay 2:27 - Krio Fɔs Oli Baybul

²⁷ Na tru, i bin sik, i bin lɛf lili bit mek i day, bɔt Gɔd sɔri fɔ am, ɛn Gɔd sɔri fɔ misɛf bikɔs Gɔd nɔ gri fɔ mek ɔda waala mit mi bifo wan dɔn.

Lɛta Fɔ Filipay 2:27 Iomraidhean Croise

2 Kiŋ 20:1

Da tɛm de Kiŋ Ɛzikaya sik bad bad wan ɛn want fɔ day. Prɔfɛt Ayzaya we na Emɔz in bɔypikin go mit am ɛn tɛl am se PAPA GƆD se lɛ i mek shɔ se i du ɔl wetin i fɔ du wantɛm bikɔs i nɔ go wɛl, i go day.

Job 5:19

I go pul yu pan siks trɔbul, ivin pan di wan we mek sɛvin, i go pul yu de bak.

Di Sam Dɛm 34:19

Pɔsin we de fala PAPA GƆD kin gɛt bɔku waala, bɔt na so PAPA GƆD de pul in ed pan dɛn ɔl;

Ayzaya 27:8

Smɔl smɔl, na we dɛn de ɛgzayl yu de ebul sho dɛn wetin yu want; I pul dɛn kɔmɔt de wit in ebi blo di de we di briz we de kɔmɔt na di ist, de blo.

Ayzaya 38:17

Yɛs, na bin fɔ mi yon bɛtɛ na dat mek mi at pwɛl bad bad wan; Bɔt yu dɔn briŋ mi layf kam bak mek i nɔ go na ɛl, Bikɔs yu dɔn put mi sin dɛn ɔl biɛn mi.

Ayzaya 43:2

We yu de pas na wata, a go de wit yu; ɛn we yu de pas na dɛn riva, yu nɔ go drawn; we yu waka insay faya, yu nɔ go bɔn ɛn di flem nɔ go kil yu.

Jɛrimaya 10:24

Kɔrɛkt mi PAPA GƆD, bɔt mek am smɔl smɔl mek a nɔ fil am nɔto we yu vɛks, if nɔ so yu go jɛs kil mi.

Jɛrimaya 45:3

Yu bin tɔk se, ‘Swɛ dɔn mit mi! Bikɔs PAPA GƆD dɔn ad sɔro to mi pen; A dɔn taya fɔ pini ɛn a nɔ ebul blo.”

Jɛrimaya 8:18

Mi sɔro nɔ de dɔn, mi at sik.

Abakɔk 3:2

“PAPA GƆD, a dɔn yɛri bɔt wetin yu dɔn du, ɛn i ful mi mɔt ɛn mek a fred. Naw, we wi de so, du wetin yu bin dɔn du lɔntɛm; naw, we wi de so, lɛ ɔlman no bɔt wetin yu kin du. We yu vɛks sɛf, sɔri fɔ wi.

Apɔsul Dɛn Wok 9:37

Di tɛm we Pita bin de na Jɔpa, Tabita bin sik, dɛn i day. Dɛn was in bɔdi ɛn dɛn le am na rum na wan garɛt.

1 Kɔrint 10:13

Ɛnitɛm we una fil fɔ du bad, una fɔ mɛmba se ɔda pipul sɛf kin fil fɔ du dɛn sem tin de. Bɔt Gɔd we de du ɛnitin we i prɔmis fɔ du, nɔ go mek una fil fɔ du ɛni bad tin we una nɔ go gɛt pawa fɔ lɛf; bɔt wɛn una fil fɔ du bad, da sem tɛm de Gɔd go mek una ebul tinap traŋa ɛn i go sho una wetin fɔ du mek una nɔ go du di bad tin we una bin want fɔ du.

2 Kɔrint 2:7

Una fɔ padin am naw, ɛn tɔk to am, mek i nɔ fil bad te i nɔ ebul kechɔp insɛf igen.

Lɛta Fɔ Filipay 2:26

Ɛpafrodaytɔs want fɔ si una bad wan; i wɔri bad bikɔs una bin dɔn yɛri se i bin sik.

Lɛta Fɔ Filipay 2:28

Na dat mek a want sɛn Ɛpafrodaytɔs to una bad wan, so dat una go gladi wɛn una si am bak ɛn dat go mek a nɔ wɔri tumɔs igen.

Lɛta Fɔ Filipay 2:30

Na fɔseka Krays in wok, i put in layf pan denja ɛn i niali day fɔ mek i ebul du ɔl wetin una bin sɛn am fɔ kam du fɔ mi, we unasɛf nɔ gɛt chans fɔ kam du.