Lɛta Fɔ Filipay 2:26 - Krio Fɔs Oli Baybul

²⁶ Ɛpafrodaytɔs want fɔ si una bad wan; i wɔri bad bikɔs una bin dɔn yɛri se i bin sik.

Lɛta Fɔ Filipay 2:26 Iomraidhean Croise

2 Samiɛl 13:39

Bay da tɛm de di kiŋ bin dɔn de mis Absalɔm naw as i bin dɔn de tek kɔrej afta Amɔn day.

2 Samiɛl 24:17

Wɛn Devid si di enjɛl we bin de kil di pipul, i tɛl PAPA GƆD se lɛ in ɛn in famili sɔfa bikɔs nain sin. I se, “Dɛn pipul ya nɔ du natin we fɔ mek dɛn de sɔfa so.”

Job 9:27

If a tɛl PAPA GƆD se a nɔ de se natin igen, a go smayl ɛn mek lɛk natin nɔ bi,

Di Sam Dɛm 69:20

Dɛn dɔn provok mi te, a dɔn brok at ɛn giv ɔp. A luk fɔ udat a go go kray to, bɔt nɔbɔdi nɔ de, pɔsin nɔ de sɛf fɔ tɛl mi “Ɔsh.”

Prɔvabs 12:25

Udat de wɔndrin tumɔs nɔ de api, bɔt if dɛn kɔrej am, i go bɔk ɔp.

Ayzaya 61:3

fɔ gi dɛn wan dɛn na Zayɔn we dɛn at de blid– fɔ gi dɛn galans instɛd ɔf ashis, gladi gladi ɔyl, instɛd ɔf at we de blid, Prez ova kot instɛd ɔf taya bɔdi; so dat dɛn go kɔl dɛn di kɔtintri fɔ waka tret na PAPA GƆD in yay, di tin we PAPA GƆD plant, mek I go gɛt glori.

Matyu 11:28

“Una kam to mi, una ɔl we dɔn taya fɔ tot ebi lod, a go pul di lod kɔmɔt pan una ed, mek una go blo.

Matyu 26:37

Wɛn i de go, i kɛr Pita ɛn Zɛbidi in tu pikin dɛn go wit am. I bigin fil sɔri ɛn in at ebi.

Apɔsul Dɛn Wok 21:13

Bɔt Pɔl aks dɛn se, “Wetin una de du, we una de kray so, una go mek mi at pwɛl? A rɛdi fɔ mek dɛn tay mi ɛn a rɛdi sɛf fɔ mek dɛn kil mi fɔseka Masta Jizɔs.”

Lɛta Fɔ Rom 1:11

A want si una bad bad fɔ mek unasɛf gɛt pan di blɛsin we Gɔd in Spirit de gi, so dat go mek natin nɔ shek di biliv we una biliv pan Jizɔs Krays.

Lɛta Fɔ Rom 12:15

Una fɔ gladi wit pipul wɛn dɛn gladi, ɛn una fɔ sɔri wit pipul wɛn dɛn sɔri.

Lɛta Fɔ Rom 9:2

A sɔri bad bad fɔ mi pipul dɛn ɛn di pen we a de fil na mi at fɔ dɛn, nɔ go dɔn;

1 Kɔrint 12:26

If wan pat pan di bɔdi de sɔfa ɔl di ɔda pat dɛn go sɔfa wit am, ɛn if wan pat gɛt rɛspɛkt, ɔl di ɔda pat dɛn go gladi wit am.

2 Kɔrint 9:14

Ɛn dɛn go pre fɔ una wit ɔl dɛn at fɔseka dɛn wɔndaful tin dɛn ya we Gɔd dɔn du fɔ una, we i mek una ebul gi dɛn plɛnti tin.

Lɛta Fɔ Galeshya 6:2

Una fɔ de ɛp pipul wɛn tin de mɔna dɛn, wɛn una du dat, dat go sho se una de du wetin Krays tɛl una fɔ du.

Lɛta Fɔ Ɛfisɔs 3:13

Na ɔl dis mek a de beg una mek una at nɔ pwɛl fɔ we a de sɔfa fɔseka una. Na fɔ ɛp una mek a de sɔfa ɔl dis.

Lɛta Fɔ Filipay 1:3

Ɛnitɛm we a mɛmba una a kin tɛl mi Gɔd we a de pre to, tɛnki;

Lɛta Fɔ Filipay 1:8

Gɔd insɛf no se a lɛk una wit ɔl mi at lɛkɛ aw Jizɔs Krays lɛk wi.

Lɛta Fɔ Filipay 2:25

A tink se i go gud fɔ mek a sɛn Ɛpafrodaytɔs, we biliv Krays lɛkɛ wisɛf, go bak to una. Na una bin sɛn am kam to mi ɛn i kin ɛp mi ɛnitɛm we a want sɔntin. I de wok wit mi, ɛn insɛf na Krays soja man.

Lɛta Fɔ Filipay 2:27

Na tru, i bin sik, i bin lɛf lili bit mek i day, bɔt Gɔd sɔri fɔ am, ɛn Gɔd sɔri fɔ misɛf bikɔs Gɔd nɔ gri fɔ mek ɔda waala mit mi bifo wan dɔn.

Lɛta Fɔ Filipay 4:1

Mi Kristiɛn brɔda dɛn we a lɛk ɛn we a aŋri fɔ si, una dɔn mek a gladi ɛn a de bost bɔt una ɔltɛm. Una fɔ tinap traŋa wan ɛn gɛt wanwɔd wit di Masta.

Pita In Fɔs Lɛta 1:6

Dis fɔ mek una gladi pan ɔl we ɔl kayn waala de mek una sɔfa naw; bɔt i nɔ go te igen we una go sɔfa.