Lɛta Fɔ Filipay 2:22 - Krio Fɔs Oli Baybul

²² Bɔt una no se Timoti dɔn pruv insɛf se in de du di wok gud. I de wok wit mi, lɛkɛ se in na mi pikin ɛn mi nain papa, fɔ mek mɔ ɛn mɔ pipul biliv di Gud Nyuz.

Lɛta Fɔ Filipay 2:22 Iomraidhean Croise

Apɔsul Dɛn Wok 16:2

Ɔl di Kristiɛn dɛn na Listra ɛn Aykonyɔm bin de tɔk gud bɔt Timoti.

Lɛta Fɔ Rom 5:4

ɛn we wi gɛt maynd fɔ bia, Gɔd go satisfay wit wi, ɛn we Gɔd satisfay wit wi, wi go no se wi go gɛt ɔl wetin Gɔd dɔn prɔmis wi na dis wɔl ɛn nɛks wɔl.

1 Kɔrint 16:10

Bɔt if Timoti rich to una, una mek i fil se una gladi fɔ we i go to una, bikɔs insɛf de wok fɔ di Masta lɛkɛ mi.

1 Kɔrint 4:17

Na di rizin dis we mek a de sɛn Timoti go to una. I tan lɛkɛ mi pikin we a sho di Masta in we; a lɛk am bad; i de du wetin di Masta tɛl am fɔ du. I go mɛmba una bɔt dɛn rul we de gayd mi we a de waka na di nyu layf we Krays Jizɔs gi mi, ɛn we a de tich pipul na ɔl dɛn chɔch.

2 Kɔrint 2:9

Na dat mek a bin rayt da fɔs lɛta we a bin sɛn to una. A bin want no if una pas una ɛgzam gud; dat na fɔ si if una kin rɛdi ɔltɛm fɔ du wetin a tɛl una fɔ du.

2 Kɔrint 8:22

So wi de sɛn wi brɔda fɔ go wit dɛn; wi dɔn tray am plɛnti tɛm ɛn wi dɔn si se i want fɔ ɛp bad bad ɔltɛm. Ɛn naw we i trɔs una gud fashin, i want fɔ ɛp una mɔ.

2 Kɔrint 8:24

Una fɔ sho dɛn se una lɛk dɛn, so ɔl di chɔch dɛn go no fɔ tru se una lɛk dɛn, ɛn dɛn go no se wi rayt we wi de bost bɔt una.

2 Kɔrint 8:8

A nɔ de gi una lɔ. Bɔt we a de tɛl una aw ɔda pipul want ɛp fɔ du dis wok bad bad, a de tray fɔ si if di lɛk we una lɛk fɔ gi, kɔmɔt na una at.

Lɛta Fɔ Filipay 1:12

Mi kɔmpin Kristiɛn dɛn, a want mek una no se wetin dɔn bi to mi dɔn ɛp fɔ mek di Gud Nyuz prɛd ɔlɔbɔt.

Lɛta Fɔ Filipay 1:16

Dɛn pipul we de tɔk bɔt Krays bikɔs dɛn want du wetin rayt na dɛn wan we lɛk Gɔd, we no se Gɔd mek a kam na ya so dat ɔda pipul go no se di Gud Nyuz we a de tɔk, na tru.

Lɛta Fɔ Filipay 1:5

A kin tɛl Gɔd tɛnki fɔ we una de ɛp mi fɔ tɛl ɔda pipul di Gud Nyuz frɔm di fɔs de we a bigin dis wok na Fili pay sote naw.

Lɛta Fɔ Filipay 1:7

Una de na mi at ɔltɛm ɛn na so i fɔ bi bikɔs una de ɛp mi pan dis wok, we Gɔd gi mi dis wɔndaful chans fɔ du, naw we a de na jel ɛn dɛn tɛm we a bin fri fɔ tɛl ɔlman di Gud Nyuz ɛn sho dɛn se na tru, fɔ mek dɛn biliv am mɔ ɛn mɔ.

Lɛta Fɔ Filipay 2:20

Timoti de mɛmba una lɛkɛ aw misɛf de mɛmba una. Pan ɔl dɛn ɔda Kristiɛn, nain wangren a si se want fɔ ɛp una, fɔ tru.

Fɔs Lɛta To Timoti 1:18

Timoti, mi pikin, a de fala dɛn mɛsej we Gɔd bin gi dɛn prɔfɛt bɔt yu, so dat wɛn yu yɛri dɛn yu go gɛt di maynd fɔ fɛt dis gud fɛt; dat na fɔ tap dɛn ticha we nɔ de lan pipul di tru tin. Na di wok dis we a gi yu fɔ du.

Fɔs Lɛta To Timoti 1:2

A de rayt to Timoti we a briŋ kam to Krays, na dat mek i bi mi yon tru pikin: mek Gɔd we na wi Papa ɛn Jizɔs Krays wi Masta sho yu aw i gud, mek i sɔri fɔ yu, ɛn mek i gi yu kol at.

Fɔs Lɛta To Timoti 4:6

If yu tɛl wi brɔda dɛn fɔ du dɛn tin ya we a tɛl yu, yu go de du Jizɔs Krays in wok gud, ɛn dat go sho se yu put ɔl yu at pan dɛn tru tin we yu biliv ɛn dɛn tru tin ya we a lan yu, we gud, we yu de fala.

Sɛkɛn Lɛta To Timoti 1:2

Na mi de rayt to mi pikin, Timoti, we a lɛk. Mek Gɔd we na wi Masta Jizɔs Krays in Papa sho yu aw i gud, mek i sɔri fɔ yu ɛn mek i gi yu kol at.

Sɛkɛn Lɛta To Timoti 3:10

Bɔt yu dɔn yɛri dɛn tin we a lan yu, yu dɔn si aw a de du, ɛn yusɛf no wetin a want du na layf; yu dɔn no wetin a biliv, yu dɔn no aw a de bia, aw a lɛk pipul, aw a tinap traŋa.

Taytɔs 1:4

A de rayt to Taytɔs, mi yon tru pikin, bikɔs i biliv pan Krays lɛkɛ aw misɛf biliv pan am. Mek Gɔd we na mi Papa ɛn Krays Jizɔs we de sev wi blɛs yu ɛn mek ɔltin wɛl wit yu.