Lɛta Fɔ Filipay 2:21 - Krio Fɔs Oli Baybul

²¹ Ɔl di ɔda pipul dɛn de wok fɔ dɛnsɛf nɔmɔ, dɛn nɔ de wok fɔ Krays.

Lɛta Fɔ Filipay 2:21 Iomraidhean Croise

2 Kiŋ 12:6

Bɔt te Joash de rul fɔ twɛnti-tri ia, di man dɛn we de mek sakrifays fɔ pipul sin nɔ du wan ripia na PAPA GƆD in os.

Ayzaya 56:11

Dɔg ebul it bɔku; i nɔ de ɛva du fɔ dɛm. Di shɛpad dɛnsɛf nɔ no natin; dɛn ɔl dɔn go dɛn yon we, ɔlman de du wetin go prɔfit am, ɔlman fɔ insɛf.

Malakay 1:10

I se in bin de op se sɔmbɔdi go de we go tɛl dɛn nɔ fɔ wes dɛn tɛm bikɔs in nɔ go tek dɛn sakrifays as i nɔ gladi.

Matyu 16:24

Dɔn Jizɔs tɛl in lanin bɔy dɛn se, “If ɛnibɔdi want bi mi lanin bɔy, di pɔsin nɔ fɔ du wetin i want fɔ du nɔmɔ, i fɔ rɛdi fɔ sɔfa ɛn day fɔseka mi, ɛn du wetin a de du.

Lyuk 14:26

“If ɛnibɔdi want fɔ fala mi, da pɔsin de fɔ lɛk mi pas in papa ɛn in mama, i fɔ lɛk mi pas in pikin dɛn ɛn in brɔda ɛn sista dɛn ɛn i fɔ lɛk mi pas in yon layf sɛf. If nɔ so, i nɔ go bi mi lanin bɔy.

Apɔsul Dɛn Wok 13:13

Pɔl ɛn in kɔmpin dɛn kɔmɔt Pafɔs, dɛn tek big bot go na Paga we de Pamfilya. Jɔn Mak lɛf Pɔl ɛn Banabas dɛn na Paga tɔn bak go Jerusɛlɛm.

Apɔsul Dɛn Wok 15:38

bɔt Pɔl bin tink se i nɔ go gud fɔ mek dɛn go wit Jɔn Mak bikɔs i nɔ bin de wit dɛn sote dɛn dɔn di fɔs patrol. I bin tɔn bak, i lɛf dɛn na Pamfilya.

1 Kɔrint 10:24

Ɔlman nɔ fɔ jɛs de luk fɔ dɛn yon bɛtɛ wan nɔmɔ, dɛn fɔ de tray fɔ mek bɛtɛ fala dɛn kɔmpin.

1 Kɔrint 10:33

Na so misɛf de du; ɛnitin we a de du, a de tray fɔ mek ɔlman satisfay, a nɔ de tray fɔ gen ɛnitin fɔ misɛf, a de wok fɔ ɛp mek plɛnti pipul sev.

1 Kɔrint 13:5

Una nɔ go de du tin we go mek pipul nɔ rɛspɛkt una; una nɔ go want mek una yon biznɛs nɔmɔ go bifo; una nɔ go de vɛks; una nɔ go kip tin na una at;

2 Kɔrint 1:5

We wi de sɔfa lɛkɛ aw Krays bin sɔfa, Krays de kɔrej wi plɛnti tɛm.

Lɛta Fɔ Filipay 2:4

Una nɔ fɔ jɛs de mɛmba unasɛf nɔmɔ, una fɔ de mɛmba ɔda pipul.

Sɛkɛn Lɛta To Timoti 1:15

Yu no se ɔlman na wan pat na Eshya bin lɛf mi go. Fijɛlɔs insɛf wit Amojinis dɔn lɛf mi go.

Sɛkɛn Lɛta To Timoti 3:2

Pipul go de mɛmba dɛnsɛf nɔmɔ, dɛn go want ɔltin, dɛn go de bost ɛn dɛn go prawd; dɛn go de kɔs, dɛn nɔ go de yɛri dɛn mami ɛn dadi wɔd, dɛn nɔ go de tɛl tɛnki fɔ ɛni gud we pɔsin du fɔ dɛn, dɛn nɔ go lɛk Gɔd biznɛs;

Sɛkɛn Lɛta To Timoti 4:10

Bikɔs Dimas lɛk dɛn tin we de na di wɔl, i dɔn lɛf mi go; i dɔn go Tɛsalonayka. Krɛsɛns go Galeshya, Taytɔs go Dalmeshia.

Sɛkɛn Lɛta To Timoti 4:16

Di fɔs tɛm we a go kot, nɔbɔdi nɔ bin tinap fɔ mi; ɔlman lɛf mi. Mek Gɔd nɔ mak dɛn fɔ dat!