Lɛta Fɔ Filipay 2:17 - Krio Fɔs Oli Baybul

¹⁷ If dɛn gɛt fɔ kil mi sɛf ɛn di day we a day go tan lɛk sakrifays ɛn wit unasɛf yon sakrifays we una de mek to Gɔd dat na di biliv we una biliv pan Krays, a gladi ɛn a de mek una no se a gladi; so dat unasɛf go gladi wit mi.

Lɛta Fɔ Filipay 2:17 Iomraidhean Croise

Di Nɔmba Dɛm 28:6

Na di sakrifays dis we fɔ bɔn ɔltɛm we dɛn bin dɔn bigin na Mawnt Saynay as sakrifays to PAPA GƆD na faya we fɔ pul fayn sɛnt we go mek PAPA GƆD gladi.

Di Nɔmba Dɛm 28:7

Di drink we fɔ go wit am as sakrifays fɔ bi lɛkɛ wan paynt so ɔf ɛni drink we de mek pɔsin drɔnk fɔ ɛni wan yɔŋ ship. Fɔ tɔn di drink bifo PAPA GƆD na di ples we oli pas ɔl.

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Apɔsul Dɛn Wok 21:13

Bɔt Pɔl aks dɛn se, “Wetin una de du, we una de kray so, una go mek mi at pwɛl? A rɛdi fɔ mek dɛn tay mi ɛn a rɛdi sɛf fɔ mek dɛn kil mi fɔseka Masta Jizɔs.”

Lɛta Fɔ Rom 12:1

Mi kɔmpin Kristiɛn dɛn, bikɔs Gɔd de sɔri fɔ wi bad bad, a de beg una mek una gi una layf lɛkɛ sakrifays to Gɔd fɔ du in wok, ɛn fɔ du ɔl wetin i lɛk; na di tru we dat fɔ wɔship Gɔd.

2 Kɔrint 12:15

A go gladi fɔ gi ɔl wetin a gɛt, ɛn misɛf, fɔ ɛp una. Di mɔ we a lɛk una, nain i tan lɛkɛ se una nɔ lɛk mi bɛtɛ.

2 Kɔrint 4:12

Ɔltɛm wi de na day rod so dat una go gɛt da layf we go de sote go.

2 Kɔrint 6:10

pan ɔl we wi at ebi, wi de laf ɔltɛm; i tan lɛkɛ se wi po, bɔt wi de mek plɛnti pipul jɛntri; i tan lɛkɛ se wi nɔ gɛt natin, bɔt wi gɛt ɔltin.

2 Kɔrint 7:4

A shɔ se una nɔ go disapɔynt mi, una de mek mi ed big! Pan ɔl wi waala a stil gɛt kɔrej, a gladi bad bad wan.

Lɛta Fɔ Filipay 1:20

A abop wit ɔl mi at se a nɔ go shem fɔ ɛnitin we a de du, ɛn a go gɛt di kɔrej fɔ tinap fɔ Krays, so dat if a day ɔ if a nɔ day, wetin a de du go mek ɔda pipul prez Krays.

Lɛta Fɔ Filipay 2:18

Semwe so, unasɛf fɔ gladi ɛn mek a no se una gladi so dat misɛf go gladi wit una.

Lɛta Fɔ Filipay 2:30

Na fɔseka Krays in wok, i put in layf pan denja ɛn i niali day fɔ mek i ebul du ɔl wetin una bin sɛn am fɔ kam du fɔ mi, we unasɛf nɔ gɛt chans fɔ kam du.

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.

Lɛta Fɔ Kɔlɔse 1:24

A gladi naw we a de sɔfa fɔ una, bikɔs di pen we a de sɔfa naw na pat pan di sɔfa we Krays bin sɔfa fɔseka in bɔdi we na di chɔch, ɛn we pipul stil gɛt fɔ sɔfa.

Fɔs Lɛta Fɔ Tɛsalonayka 2:8

Bikɔs wi lɛk una bad, wi bin rɛdi fɔ tɛl una di Gud Nyuz we Gɔd tɛl wi fɔ tɛl una ɛn fɔ day sɛf fɔ una. Wi bin lɛk una bad bad!

Sɛkɛn Lɛta To Timoti 4:6

Fɔ mi yon pat, di tɛm dɔn rich fɔ mek a day lɛkɛ sakrifays fɔ Gɔd; di tɛm dɔn kam fɔ mek a lɛf dis layf.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Jɔn In Fɔs Lɛta 3:16

Na dis mek wi no wetin lɛk min: Krays sakrifays in layf fɔseka wi. Semwe so, wisɛf fɔ sakrifays wi layf fɔseka wi kɔmpin mɔtalman!