Lɛta Fɔ Filipay 2:15 - Krio Fɔs Oli Baybul

¹⁵ so dat pipul nɔ go pɔynt fiŋa pan una. Dɛn go si se una na Gɔd in pikin dɛn we gɛt klin at ɛn we nɔ miks pan sin. Pan ɔl we una de na wɔl, wit pipul we wikɛd ɛn we de liv bad layf ɔltɛm, una yon layf fɔ tan lɛkɛ layt fɔ dɛn.

Lɛta Fɔ Filipay 2:15 Iomraidhean Croise

Di Sam Dɛm 122:5

Na de Kiŋ we kɔmɔt na Devid in famili layn kin sidɔm fɔ jɔj kes.

Ɛksodɔs 34:35

Na so dɛn kin de si Mozis in fes de shayn. Mozis kin put di vel bak nain fes te ɔda tɛm rich bak fɔ go tɔk to PAPA GƆD.

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Prɔvabs 8:8

Ɔl wetin a de tɔk na tru, nɔn bɛnbɛn ɔ twis twis nɔ de pan am.

Ayzaya 60:1

Grap ɛn shayn; bikɔs yu layt dɔn kam, ɛn PAPA GƆD in glori dɔn kam pan yu.

Daniɛl 6:4

So ɔl di ɔda prɛsidɛnt ɛn Rɛsidɛnt Minista dɛn bigin fɔ fɛn we fɔ kɔmplen bɔt Daniɛl pan di wok we i de du na di kindɔm; bɔt dɛn nɔ bin ebul fɔ fɛn natin fɔ kɔmplen bɔt ɔ fɔ tek fɛn fɔlt pan am, bikɔs i bin tret, ɛn nɔn mistek ɔ fɔlt nɔ bin de pan am.

Matyu 10:16

“Una lisin, a de sɛn una go lɛkɛ ship midul wulf; una fɔ go kɛlɛkɛlɛ lɛkɛ aw snek de go kɛlɛkɛlɛ, una nɔ du ɛnibɔdi bad lɛkɛ aw dɔv nɔ de du ɛnibɔdi bad.

Matyu 17:17

Jizɔs se, “Una dɛn tide pipul ya nɔ biliv mi ɛn una traŋayes. Aw lɔŋ a go de wit una? Aw lɔŋ a fɔ bia wit una? Briŋ di pikin kam to mi.”

Matyu 5:45

so dat una go bi una Papa, we de na ɛvin, in pikin dɛn. Una Papa de mek di san shayn pan dɛn bad pipul ɛn pan dɛn gud wan. I de mek ren kam pan dɛn pipul we gud ɛn dɛn wan we bad.

Matyu 5:48

Una fɔ lɛk una kɔmpin mɔtalman lɛkɛ aw Gɔd, we na una Papa we de na ɛvin, lɛk ɔlman.

Lyuk 1:6

Zakaraya ɛn Ilizabɛt bin de waka tret wit Gɔd. Dɛn bin de kip ɔl di Ju Lɔ ɛn dɛn bin de du ɔl wetin Gɔd tɛl dɛn fɔ du.

Lyuk 6:35

Una fɔ lɛk dɛn wan we nɔ lɛk una ɛn du dɛn gud. Wɛn una de lɛn pɔsin sɔntin, una nɔ fɔ abop se i go gi una bak; da tɛm de una go gɛt big blɛsin fɔ dat ɛn una go bi Gɔd we pas ɔl, in pikin dɛn. Gɔd gud to pɔsin we nɔ de tɛl tɛnki ɛn to pɔsin we wikɛd.

Jɔn 5:35

Wetin Jɔn bin de tɔk bin tan lɛkɛ lamp we layt ɛn di layt brayt fɔ mek ɔlman si. Una bin gri fɔ mek di layt shayn pan una fɔs ɛn mek una at gladi.

Apɔsul Dɛn Wok 2:40

Pita tɔk to dɛn ɛn wɔn dɛn se, “Una du dɛn tin we go mek una nɔ sɔfa, lɛkɛ aw dɛn wikɛd pipul na dis neshɔn go sɔfa.”

Apɔsul Dɛn Wok 20:30

Tɛm de kam we sɔm pan unasɛf go de tɔk bad fɔ mek di Kristiɛn dɛn kɔmɔt na di chɔch ɛn fala una.

Lɛta Fɔ Rom 16:19

Ɔlman dɔn yɛri aw una de fala di Gud Nyuz wit ɔl una at, dat mek a gladi fɔ una. A want mek una gɛt sɛns fɔ no wetin gud ɛn mek una nɔ du bad.

1 Kɔrint 1:8

I go mek una nɔ tap fɔ biliv pan am ɛn du ɔl wetin Gɔd want so dat Gɔd nɔ go gɛt ɛnitin fɔ kɔndɛm una fɔ, di de we wi Masta Jizɔs Krays go kam.

2 Kɔrint 6:17

Di Masta se, “Una fɔ lɛf dɛn bad pipul ya, ɛn nɔ gɛt ɛnitin fɔ du wit dɛn. Una nɔ fɔ gɛt natin fɔ du wit ɛnitin we nɔ klin. If una yɛri mi wɔd, a go tek una lɛkɛ mi yon.

Lɛta Fɔ Ɛfisɔs 5:27

Krays du ɔl dat, so dat wɛn i go mek di chɔch tinap bifo am, di chɔch go klin, i nɔ go gɛt bɔt pan am.

Ditarɔnɔmi 32:5

Bɔt dɛn nɔ waka tret wi am, so dɛn nɔ fit fɔ bi in pipul, dɛn na sinful ɛn bɛn bɛn pipul.

Lɛta Fɔ Filipay 1:10

so dat una go no wetin rayt na Gɔd in yay ɛn gladi fɔ du am, ɛn una nɔ go gɛt ɛnitin we bad na una layf di tɛm we Krays kam bak.

Lɛta Fɔ Filipay 3:6

A bin de fɛt fɔ mek ɔlman du ɔl wetin di Ju Lɔ tɛl wi fɔ du, so a bin de mek dɛn pipul we biliv pan Krays sɔfa. So if na we pɔsin de kip di Ju Lɔ de mek ɔltin rayt bitwin in ɛn Gɔd, wɛl, nɔbɔdi nɔ go pɔynt fiŋa pan mi.

Fɔs Lɛta Fɔ Tɛsalonayka 5:23

Mek Gɔd we de gi wi kol at mek una tan lɛkɛ insɛf, ɛn mek i kip una spirit, layf, ɛn bɔdi klin so dat wɛn wi Masta Jizɔs Krays kam bak, i nɔ go gɛt ɛnitin fɔ jɔj una fɔ.

Fɔs Lɛta To Timoti 3:10

Na fɔ tray dɛn fɔs, if dɛn du wɛl, una kin mek dɛn bigin ɛp fɔ du Gɔd wok na chɔch.

Fɔs Lɛta To Timoti 3:2

Ovasia nɔ fɔ gɛt bɔt nain layf; na wan wɛf nɔmɔ i fɔ gɛt, i fɔ bi siriɔs pɔsin, i fɔ ebul kɔntrol insɛf, i fɔ de biev lɛkɛ pɔsin wit sɛns; i fɔ opin in os to trenja; i fɔ ebul tich pipul;

Fɔs Lɛta To Timoti 5:14

So a fil se i bɛtɛ mek dɛn yɔŋ uman we dɛn man dɔn day mared bak, gɛt pikin ɛn wok mek dɛn man ɛn pikin biznɛs rayt, so dat dɛn pipul we nɔ lɛk wi nɔ go ebul tɔk ɛni bad tin bɔt wi.

Fɔs Lɛta To Timoti 5:20

Yu fɔ tɔk pan ɔl dɛn wan we nɔ gri lɛf fɔ sin, bifo dɛn kɔmpin, mek dɛn kɔmpin go fred fɔ sin.

Fɔs Lɛta To Timoti 5:7

Tɛl dɛn pipul ya fɔ du dɛn tin we a tɛl dɛn fɔ du, so dat nɔbɔdi nɔ go blem dɛn fɔ ɛnitin.

Taytɔs 1:6

Ovasia na pɔsin we nɔ fɔ du ɛnitin we go mek pipul pɔynt fiŋa pan am; na wangren wɛf nɔmɔ i fɔ gɛt; in pikin dɛn fɔ bi Kristiɛn, ɛn pipul nɔ fɔ de tɔk se dɛn wayl ɛn dɛn nɔ de yɛri wɔd.

Taytɔs 2:10

ɔ tif dɛn. Bɔt dɛn fɔ sho dɛn masta se dɛn gud ɛn dɛn na pipul we dɛn masta kin biliv, so dat dɛn go mek pipul want fɔ yɛri ɛn biliv dɛn tin we wi de lan dɛn bɔt Gɔd we de sev wi.

Taytɔs 2:15

Yu fɔ de tɛl pipul dɛn tin ya ɛn tek di pawa we Gɔd gi yu kɔrej dɛn, ɛn tɛl dɛn wan we nɔ de du rayt fɔ tap fɔ du wetin dɛn de du. Nɔ gri mek ɛnibɔdi luk se wetin yu de tɔk na tin we pɔsin nɔ fit fɔ yɛri.

Di Ibru Pipul Dɛn 7:26

So Jizɔs na di edman we de mek sakrifays fɔ pipul sin ɛn i de gi wi ɔl wetin wi fɔ gɛt. I de du wetin rayt ɔltɛm; i nɔ gɛt sin nain layf; sin nɔ gɛt pawa pan am; ɛn i de nain ples we de na ɛvin.

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Pita In Sɛkɛn Lɛta 3:14

So, mi padi dɛn we a lɛk, we una de wet fɔ dis nyu ɛvin ɛn dis nyu wɔl ya, una fɔ tray mek Gɔd nɔ fɛn ɛni fɔlt na una layf ɛn una go gɛt kol at fɔseka dat.

Rɛvɛleshɔn 2:5

so una mɛmba di we we una bin lɛk mi bifo una tap, ɛn una bigin fɔ lɛk mi bak lɛkɛ aw una bin lɛk mi di fɔs tɛm we una bigin waka wit mi. If una nɔ gri fɔ sɔri fɔ wetin una du so ɛn chenj, a go kam mit una, a go pul una lampolda kɔmɔt di say we i de;

Rɛvɛleshɔn 3:9

As fɔ dɛn wan we de fala Setan, we de lay se dɛn na Ju, a go mek dɛn kam fɔdɔm na una fut ɛn a go mek dɛn ɔl no se a lɛk una.