Lɛta Fɔ Filipay 2:14 - Krio Fɔs Oli Baybul

¹⁴ Una nɔ fɔ grɔmbul ɛn una nɔ fɔ agyu wɛn una de du ɛnitin,

Lɛta Fɔ Filipay 2:14 Iomraidhean Croise

Di Sam Dɛm 106:25

Dɛn grɔmbul bɔku usay dɛn de ɛn nɔ gri fɔ du wetin PAPA GƆD se.

Prɔvabs 13:10

Rudnɛs nɔ de prɔfit natin pas plaba, bɔt yu tek advays gɛt sɛns.

Di Nɔmba Dɛm 14:27

I se, “Dis kɔmyuniti so bad, dɛn jɛs de grɔmbul pan mi. A dɔn gens fɔ yɛri ɔl di tin dɛn we dɛn de grɔmbul.

Matyu 20:11

Di lebra dɛn we i tek ali mɔnin tek dɛn mɔni ɛn bigin grɔmbul pan di man we gɛt di fam.

Mak 14:5

Pɔsin bin fɔ gɛt lɛkɛ tri ɔndrɛd silva kɔpɔ so, if i bin sɛl di sɛnt ɛn sheb di kɔpɔ gi dɛn pipul we nɔ gɛt natin.” Dɛn bigin tɔk pan di uman.

Mak 9:14

Wɛn dɛn go mit di ɔda lanin bɔy dɛn, dɛn mit plɛnti pipul gɛda rawnd dɛn, ɛn di Ju Lɔ ticha dɛn de agyu wit di lanin bɔy dɛn.

Lyuk 5:30

Sɔm Faresi ɛn sɔm pan dɛn yon Ju Lɔ ticha dɛn bigin grɔmbul pan Jizɔs in lanin bɔy dɛn. Dɛn se, “Wetin mek una de it ɛn drink wit dɛn pipul we de gɛda taks ɛn dɛn ɔda pipul we nɔ fit fɔ miks wit Ju pipul?”

Apɔsul Dɛn Wok 15:2

Pɔl ɛn Banabas nɔ bin gri wit di tin we dɛn pipul ya bin de lan di pipul dɛn na Antiɔk, so dɛn bigin agyu traŋa wan wit di Judia pipul dɛn bɔt dat. Dɛn gri fɔ mek Pɔl ɛn Banabas ɛn sɔm ɔda Kristiɛn dɛn na Antiɔk go Jerusɛlɛm fɔ tɔk bɔt dat to di apɔsul dɛn ɛn dɛn bigman na di chɔch.

Apɔsul Dɛn Wok 15:39

Pɔl ɛn Banabas bin gɛt cham-mɔt so ɔlman go in yon we. Banabas go wit Jɔn Mak, dɛn tek big bot go Sayprɔs.

Apɔsul Dɛn Wok 15:7

Wɛn dɛn dɔn tɔk dɔn, nain Pita tinap fɔ tɔk. I se, “Mi pipul dɛn, una no se Gɔd bin dɔn pik mi lɔntɛm fɔ go tɛl dɛn pipul we nɔto Ju dis Gud Nyuz so dat dɛn go yɛri am ɛn biliv pan di Masta.

Apɔsul Dɛn Wok 6:1

Da tɛm de, as mɔ ɛn mɔ pipul de biliv pan Jizɔs Krays, sɔm cham-mɔt bin kam. Dɛn Ju pipul we kɔmɔt Gris bin de grɔmbul se dɛn Ju pipul we bɔn na Jerusɛlɛm nɔ de gi dɛn Ju uman we kɔmɔt Gris we dɛn man dɔn day, wetin dɛn fɔ gi dɛn ɛvri de.

Lɛta Fɔ Rom 12:18

Una fɔ du ɔl wetin una ebul fɔ du so dat una kin de kwayɛt wan wit ɔlman.

Lɛta Fɔ Rom 14:1

Una fɔ trit di pɔsin we nɔ biliv gud yet lɛkɛ una brɔda, una nɔ fɔ agyu wit am bɔt wetin i tink se rayt fɔ du.

Lɛta Fɔ Rom 16:17

Mi kɔmpin Kristiɛn dɛn, a de beg una fɔ de wach dɛn pipul we de sɛtfaya, mek pipul dɛn nɔ gɛt wanwɔd, ɛn mek di Kristiɛn dɛn bigin biliv ɔda tin. Dɛn de lan una tin we difrɛn frɔm wetin wi dɔn lan una; una nɔ fɔ gɛt natin fɔ du wit dɛn.

1 Kɔrint 10:10

Una nɔ fɔ kɔmplen bɔt ɛnitin, lɛkɛ aw sɔm pan dɛn pipul ya bin de kɔmplen, we mek di enjɛl we de kil, kil dɛn.

2 Kɔrint 12:20

A de fred se wɛn a rich de a go si se una difrɛn frɔm aw a go lɛk fɔ mek una tan ɛn unasɛf go si se misɛf difrɛn frɔm aw una want mi fɔ tan. A de fred se a go kam mit plaba, wam at, kɔs, kɔnfyushɔn, pipul we de jɛlɔs dɛn kɔmpin, dɛn wan we de koŋosa dɛn kɔmpin, dɛn wan we want ɔltin fɔ dɛnsɛf, ɛn pipul we prawd.

Lɛta Fɔ Galeshya 5:15

If una de lɛkɛ dɛn bif na bush we de fɛt ɛn wund dɛn kɔmpin, wɛl, una tek tɛm, if nɔ so, una go pwɛl una Kristiɛn grup ɔltogɛda.

Lɛta Fɔ Galeshya 5:26

Wi nɔ fɔ tɔk big tɔk, wi nɔ fɔ mek ɔda pipul vɛks ɛn wi nɔ fɔ jɛlɔs ɔda pipul.

Lɛta Fɔ Filipay 2:3

Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

Fɔs Lɛta Fɔ Tɛsalonayka 5:13

Una fɔ rɛspɛkt dɛn ɛn lɛk dɛn fɔ ɔl di wok we dɛn de du. Una nɔ fɔ mek plaba wit una kɔmpin.

Fɔs Lɛta Fɔ Tɛsalonayka 5:15

Una nɔ fɔ gri mek ɛnibɔdi tɔn bad gi pɔsin we bin dɔn du am bad, bɔt una fɔ de tray ɔltɛm fɔ du gud to una kɔmpin Kristiɛn dɛn ɛn to ɔlman.

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

Jems 1:20

Bikɔs pɔsin we gɛt wam at nɔ go ebul du di gud we Gɔd want mek i du.

Jems 3:14

If una de jɛlɔs ɔda pipul ɛn una gɛt bad at fɔ dɛn ɛn una jɛs de mɛmba unasɛf nɔmɔ, una nɔ fɔ bost se una gud ɛn una gɛt sɛns, bikɔs if una du so, una nɔ de tɔk tru.

Jems 5:9

Mi kɔmpin Kristiɛn dɛn, una nɔ fɔ kɔmplen bɔt una kɔmpin, so dat wɛn Gɔd jɔj una, i nɔ go kɔndɛm una. Di Jɔj we go jɔj wi dɔn kam klos, i tinap na domɔt.

Pita In Fɔs Lɛta 3:11

I fɔ lɛf fɔ de du bad ɛn i fɔ de du gud; i fɔ tray sote natin nɔ mek in ɛn in kɔmpin dɛn mek plaba.

Pita In Fɔs Lɛta 4:9

Una fɔ gladi wɛn una kɔmpin Kristiɛn dɛn kam fɛn una, una nɔ fɔ de grɔmbul wɛn dɛn kam.

Jud In Lɛta 1:16

Dɛn pipul ya nɔ de satisfay, dɛn de grɔmbul ɔltɛm, dɛn de blem ɔda pipul, dɛn jɛs de fala dɛn at fɔ du bad, dɛn de bost bɔt dɛnsɛf, dɛn de tɛl pipul soso dɛn tin we go mek dɛn ed big so da tɛm de dɛn go gi dɛn wetin dɛn want.