Lɛta Fɔ Filipay 2:13 - Krio Fɔs Oli Baybul

¹³ Gɔd de wok insay una at so dat una go want du wetin in want una fɔ du ɛn fɔ mek una go ebul du am.

Lɛta Fɔ Filipay 2:13 Iomraidhean Croise

1 Kiŋ 8:58

Lɛ PAPA GƆD mek wi ɔl at tɔn to am, fɔ de du wetin i se ɛn kip to ɔl di kɔmandmɛnt dɛn we i gi wi papa dɛn.

2 Kronikuls 30:12

PAPA GƆD sɛf in an bin de pan Juda fɔ gi, dɛn wan at fɔ du wetin di kiŋ ɛn di prins dɛn kɔmand akɔdin to PAPA GƆD in wɔd.

Ɛzra 1:1

Di fɔs ia we Kiŋ Sayrɔs bi kiŋ na Pashia, fɔ lɛ wetin PAPA GƆD bin mek Prɔfɛt Jɛrimaya bin tɔk bi, PAPA GƆD mek Kiŋ Sayrɔs mek lɔ, ɛn mek dɛn rayt am dɔŋ na pepa sɛn am go ɔlɔbɔt nain kindɔm.

Ɛzra 1:5

Dɛn PAPA GƆD tɔch di edman dɛn fɔ Juda ɛn Bɛnjamin fambul dɛn at, ɛn di man we de mek sakrifays fɔ pipul sin ɛn di Livayt dɛnsɛf yon at fɔ lɛ dɛn go go na Jerusɛlɛm fɔ go bil in os.

Ɛzra 7:27

Ɛzra prez PAPA GƆD. I se, “Prez PAPA GƆD, wi papa dɛn GƆD we mek di kiŋ mek PAPA GƆD in os na Jerusɛlɛm luk fayn!

Nɛimaya 2:4

Di kiŋ aks mi wetin a want. Dɛn a jɛs pre kwik wan to PAPA GƆD na ɛvin ɛn

Job 33:29

“PAPA GƆD de du ɔl dɛn kayn tin ya tu tri tɛm fɔ mɔtalman,

Di Sam Dɛm 110:3

Di de we yu go rɛdi fɔ fɛt yu ɛnimi ɔl yu man dɛn go gladi fɔ go frɔnt. Na so dɛn go de blɔf bikɔs dɛn ɔl go frɛsh lɛk udat jɛs grap ali mɔnin fɔ kam fɛt fɔ yu.

Di Sam Dɛm 119:36

Lɛ a nɔ fɛt fɔ wetin a go gen bɔt lɛ a du wetin yu lɔ dɛn se.

Di Sam Dɛm 141:4

Nɔ mek a tink bɔt bad tin, so dat a nɔ go du bad lɛkɛ ɔda pipul we de fɔ du bad; nɔ mek a miks pan wetin dɛn de du.

Prɔvabs 21:1

Lɛkɛ aw i izi fɔ PAPA GƆD fɔ kɔntrol wata we de rɔn, na so i izi fɔ am fɔ kɔntrol wetin kiŋ de plan ɛn du, ɛn na usay i want am fɔ go i de kɛr am.

Ayzaya 26:12

PAPA GƆD, yu go mek wi gɛt pis, yu dɔn wok ɔl wi wok fɔ we.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Jɛrimaya 32:38

Ɛn dɛn go bi mi pipul ɛn a go bi dɛn Gɔd.

Lyuk 12:32

“Una we de fala mi nɔ plɛnti, bɔt una nɔ fred; Gɔd we na una Papa go mek una rul lɛkɛ aw insɛf de rul.

Lyuk 2:14

“Lɛ ɔlman prez ɛn ɔna Gɔd we de ɔp ɔp na ɛvin, mek ɔl mɔtalman we mek Gɔd gladi, gɛt kol at!”

Jɔn 3:27

Jɔn tɛl dɛn se, “Natin lɛkɛ dis nɔ de bi to pɔsin pas Gɔd mek i bi.

Jɔn 6:45

Wan prɔfɛt bin rayt se, ‘Na Gɔd go lan ɔlman wetin dɛn fɔ du.’ Ɛnibɔdi we lisin mi Papa gud ɛn lan wetin i tich am, da pɔsin de go kam to mi.

Jɔn 6:65

Jizɔs tɔk igen se, “Na di tin dis we mek a tɛl una se, nɔbɔdi nɔ go kam to mi pas di Papa mek di pɔsin ebul kam to mi.”

Apɔsul Dɛn Wok 11:21

Gɔd in pawa bin de pan dɛn, dat mek plɛnti pipul biliv pan Jizɔs ɛn tek Jizɔs fɔ dɛn Masta.

Lɛta Fɔ Rom 12:3

Ɛn fɔseka wetin Gɔd dɔn gi mi bikɔs i gud, a de tɛl una ɔl se: Una nɔ tink se una bɛtɛ pas aw una tan, bɔt una fɔ tink lɛkɛ aw soba pipul de tink bɔt dɛnsɛf, ɛn una ɔl fɔ jɔj unasɛf bay aw Gɔd mek una ebul biliv am.

Lɛta Fɔ Rom 9:11

Gɔd tɛl Ribɛka se, “Yu big pikin go wok fɔ di smɔl wan.” Gɔd tɔk dat fɔ sho se di pikin we i pik na di wan we insɛf want, bikɔs Gɔd bin dɔn tɔk dis wɔd ya bifo di pikin dɛn bɔn, ɛn bifo dɛn gɛt chans fɔ du gud ɔ bad. So di pikin we Gɔd pik na di wan we insɛf bin dɔn kɔl, nɔto fɔseka ɛnitin we in du ɔ we di ɔda wan du.

Lɛta Fɔ Rom 9:16

So nɔto wetin mɔtalman want ɔ wetin i de du go mek Gɔd pik am, bɔt na we Gɔd sɔri fɔ am nɔmɔ.

1 Kɔrint 12:6

Plɛnti pipul sabi fɔ du difrɛn difrɛn wok, bɔt na di sem Gɔd de mek difrɛn pipul sabi fɔ du difrɛn difrɛn wok.

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

2 Kɔrint 3:5

Wi nɔ ebul du ɛnitin bay wisɛf, so wi nɔ go tɔk se wi ebul, na Gɔd de mek wi ebul du ɛnitin we wi de du.

Lɛta Fɔ Ɛfisɔs 1:11

Ɔltin go bi lɛkɛ aw Gɔd dɔn mak ɛn lɛkɛ aw i want dɛn fɔ bi. Gɔd dɔn pik wi fɔ mek wi bi in yon pipul we wi gɛt wanwɔd wit Krays, bikɔs na dat i want ɛn na dat i bin dɔn plan frɔm we di wɔl bigin.

Lɛta Fɔ Ɛfisɔs 1:5

We Gɔd lɛk wi, i dɔn mek Jizɔs Krays briŋ wi kam bak to insɛf; so dat wi go bi in pikin dɛn, bikɔs na dat i lɛk fɔ du ɛn na dat i mekɔp fɔ du.

Lɛta Fɔ Ɛfisɔs 1:9

fɔ du wetin i plan; i dɔn tɛl wi di plan we i bin ayd, i bin dɔn mekɔp lɔntɛm fɔ sɛn Krays kam du ɔl wetin i bin dɔn plan.

Lɛta Fɔ Ɛfisɔs 2:8

Nɔto una sev unasɛf, bɔt na bikɔs una biliv pan Jizɔs Krays mek, we Gɔd lɛk una wit lɛk we una nɔ fit fɔ gɛt, i sev una.

Sɛkɛn Lɛta Fɔ Tɛsalonayka 1:11

Na dat mek wi de pre fɔ una ɔltɛm. Wi de pre to wi Gɔd mek i mek una fit fɔ liv di layf we i kɔl una fɔ liv. Bikɔs Gɔd gɛt pawa fɔ du so, lɛ i mek una ebul fɔ du ɔl di gud we una want fɔ du, ɛn dɔn ɔl dɛn tin we una bin de du bikɔs una biliv pan am.

Sɛkɛn Lɛta To Timoti 1:9

Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.

Di Ibru Pipul Dɛn 13:21

A de pre mek Gɔd gi una ɔl dɛn gud tin we una nɔ gɛt, so dat una go yus dɛn gud tin de fɔ du wetin i want una fɔ du. A de pre mek Gɔd mek Jizɔs Krays in pawa wok na wi ɔl at, so dat wi go bi aw i want wi fɔ bi. A de pre mek pipul prez ɛn rɛspɛkt Jizɔs Krays sote go! Emɛn.

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,