Lɛta Fɔ Filipay 2:1 - Krio Fɔs Oli Baybul

¹ Una nɔ biliv se we una gɛt wanwɔd wit Krays, dat fɔ mek una de kɔrej unasɛf? We Krays lɛk una, dat fɔ mek una tap fɔ wɔri? Una nɔ fil se Gɔd in Spirit we de insay una dɔn mek una ɔl bi wan? Una de sɔri fɔ una kɔmpin ɛn una want du gud fɔ dɛn?

Lɛta Fɔ Filipay 2:1 Iomraidhean Croise

Di Sam Dɛm 133:1

I fayn ɛn i swit wɛn PAPA GƆD in pipul gɛda wit wan at fɔ wɔship am.

Ayzaya 16:11

So mi sol de kray lɛk gita fɔseka Moab, ɛn mi at de kray fɔ kir Ɛrɛs.

Lyuk 2:25

Da tɛm de, wan man bin de na Jerusɛlɛm we bin nem Simiɔn. Dis man ya bin lɛk Gɔd ɛn i bin de waka tret ɛn de du ɔl wetin Gɔd want. I bin de wet fɔ di tɛm we Gɔd go sɔri fɔ di Izrɛl pipul dɛn ɛn pul dɛn kɔmɔt pan waala. Gɔd in Spirit bin de insay am,

Jɔn 14:18

“Wɛn a go, una nɔ go lɛf lɛkɛ pipul we nɔ gɛt nɔbɔdi fɔ ɛp dɛn, a go kam bak to una.

Jɔn 14:27

“A nɔ de gi una di kayn kol at we di pipul dɛn ɛn di tin dɛn na dis wɔl ya de gi, bɔt a de gi una mi yon kol at. A nɔ de gi mi yon kol at lɛkɛ aw di pipul dɛn na wɔl de gi kol at. Una nɔ ɛŋ at fɔ ɛnitin, una nɔ mek ɛnitin wɔri una.

Jɔn 17:13

Naw a de kam bak to yu, ɛn a de tɔk ɔl dɛn tin ya naw we a de na di wɔl, so dat mi lanin bɔy dɛn go gladi lɛkɛ aw misɛf de gladi, ɛn ɔl di gladi we fɔ de na dɛn at go lib de.

Apɔsul Dɛn Wok 2:46

Di pipul dɛn kin mit na Gɔd in Os ɔltɛm fɔ pre ɛn wɛn dɛn dɔn, dɛn kin go na dɛn kɔmpin os fɔ it, ɛn ɔlman kin gladi fɔ sheb in it wit in kɔmpin.

Apɔsul Dɛn Wok 4:32

Ɔl dɛn wan we bin biliv Jizɔs bin gɛt wanwɔd ɛn wan at. Nɔbɔdi nɔ bin de se, “Na mi wangren gɛt mi prɔpati”, bɔt ɔlman bin de sheb wetin i gɛt wit di ɔda pipul dɛn.

Lɛta Fɔ Rom 5:5

We wi no se dɛn tin ya go bi, wi no se wi nɔ go disapɔynt, bikɔs Gɔd dɔn du plɛnti tin ɛn i stil de du plɛnti tin we sho se i lɛk wi bad, ɛn in Spirit we i gi wi dɔn mek wi fil di lɛk we i lɛk wi insay wi at.

Lɛta Fɔ Rom 8:26

Semwe so, Gɔd in Spirit de ɛp wi, we wi nɔ ebul biliv pan Gɔd gud gud yet. Wi nɔ no aw fɔ pre, na Gɔd in Spirit insɛf de tɔk to Gɔd fɔ wi; di pini we i de pini gɛt minin to Gɔd we mɔtalman nɔ ebul ɔndastand ɔ tɔk.

1 Kɔrint 12:13

Semwe so, bay di sem Spirit, we wi dɔn baptayz, wi ɔl dɔn kam bi wan bɔdi, we na Krays in bɔdi; dɛn wan we na Ju ɛn dɛn wan we nɔto Ju, dɛn wan we na slev, ɛn dɛn wan we fri; ɛn di sem Spirit dɔn kam insay wi ɔl.

1 Kɔrint 15:31

Mi kɔmpin Kristiɛn dɛn, ɛvri de a de luk day nain yay! A de tɛl una dis bikɔs a prawd we unasɛf de waka wit wi Masta Jizɔs Krays.

1 Kɔrint 3:16

Una nɔ no se una na Gɔd in Os ɛn Gɔd in Spirit tap insay una?

2 Kɔrint 2:14

Wi tɛl Gɔd tɛnki! We wi gɛt wanwɔd wit Krays, Gɔd de mek wi win ɔltɛm. Gɔd de yus wi fɔ mek ɔl wetin pɔsin fɔ no bɔt Krays prɛd ɔlɔbɔt lɛkɛ swit smɛl.

Lɛta Fɔ Galeshya 4:6

Fɔ sho se wi na Gɔd in pikin dɛn, Gɔd dɔn put Jizɔs Krays in Spirit na wi at, ɛn di Spirit de pre to Gɔd lawd wan se, “Papa, mi Papa!”

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Lɛta Fɔ Ɛfisɔs 4:4

Wi ɔl na wan bɔdi, wi gɛt di sem Spirit lɛkɛ aw Gɔd kɔl wi fɔ abop pan di sem pɔsin.

Lɛta Fɔ Filipay 1:8

Gɔd insɛf no se a lɛk una wit ɔl mi at lɛkɛ aw Jizɔs Krays lɛk wi.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Lɛta Fɔ Kɔlɔse 2:2

Di tin we mek a want du so na fɔ mek dɛn gɛt kɔrej ɛn mek dɛn ɔl gɛt wan at ɛn lɛk dɛn kɔmpin mɔ ɛn mɔ. Dat go mek dɛn ɔndastand wetin tru gud gud ɛn dɛn go biliv fɔ shɔ, dɛn nɔ go dawt igen. Na so dɛn go tek no wetin Gɔd bin ayd frɔm dɛn, dat na Krays insɛf.

Lɛta Fɔ Kɔlɔse 3:12

Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul traŋa wan, ɛn una fɔ de bia wit pipul.

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Pita In Fɔs Lɛta 1:2

Na Gɔd, we na wi Papa, dɔn pik una, lɛkɛ aw i bin dɔn plan, ɛn Gɔd in Spirit dɔn mek una bi Gɔd yon pipul, so dat una go du wetin Jizɔs Krays tɛl una fɔ du, ɛn di day we Jizɔs Krays day na di krɔs go mek una klin na Gɔd yay. A de pre mek Gɔd sho una aw i gud ɛn mek i gi una kol at mɔ ɛn mɔ.

Jɔn In Fɔs Lɛta 3:24

Ɛni bɔdi we de du wetin Gɔd tɛl am fɔ du, na pɔsin we jɔyn an wit Gɔd; Gɔd de nain at ɛn insɛf de waka wit Gɔd. Wi no se Gɔd de na wi at bikɔs i dɔn gi wi in Spirit.

Jɔn In Fɔs Lɛta 4:12

Nɔbɔdi nɔ si Gɔd yet, bɔt if wi lɛk wi kɔmpin, Gɔd de insay wi ɛn di lɛk we Gɔd lɛk wi de mek wi lɛk wi kɔmpin mɔ ɛn mɔ.

Jɔn In Fɔs Lɛta 4:16

So wisɛf biliv se Gɔd lɛk wi, ɛn wi dɔn fil di lɛk na wi layf. Gɔd na di wan we nɔ de tap fɔ lɛk ɔltɛm ɛn nain lɛk aw pɔsin fɔ lɛk fɔ tru, ɛn ɛni bɔdi we lɛk Gɔd ɛn mɔtalman, na pɔsin we de waka wit Gɔd ɛn Gɔd de insay am.